میری شاعری ، استاد محترم سے اصلاح کے بعد ۔

محمد عدنان اکبری نقیبی — دسمبر 1، 2018 4:10 صبح

استاد محترم سے اصلاح کے بعد پیش خدمت ہے۔

تیری بکھری ہوئی زلفوں کا نظارہ کرتا
اپنی سانسیں تری خوشبو سے نکھارا کرتا
آ ہی جاتا مجھے کچھ تیری وفاؤں کا یقین
مست نظروں سے ذرا تو جو اشارہ کرتا
یوں سجاتا تری یادوں سے میں اپنی خلوت
کہ خیالوں میں ترا حُسن سنوارا کرتا
کبھی رخُسار پہ چھا جاتی اگر قُوس قزح
صدقہ پھولوں کا میں تجھ پر سے اتارا کرتا
حیف واقف نہ ہوا حال سے میرے 'ورنہ
تو مرے ساتھ بھی کچھ وقت گزارا کرتا
ختم کرتا جو تعلّق تو نقیبی سے کبھی
لیلیٰ لیلیٰ بنا مجنوں وہ پکارا کرتا

محمد عدنان اکبری نقیبی — دسمبر 1، 2018 4:11 صبح

استاد محترم سے اصلاح کے بعد پیش خدمت ہے ۔

دل گرفتہ ہوا میں تجھ سے ملاقات کے بعد
روح بیکل ہی رہی گزرے وہ لمحات کے بعد
یوں تو دشمن تھے مرے سارے زمانے کے خدا
میں تو رسوا ہوا تجھ سے ہوئی اُس مات کے بعد
بےرخی سے تری یہ پایا ہے میں نے انعام
میں تو بے فیض رہا تجھ سے ملاقات کے بعد
جس پہ ہو جاتا فدا کوئی بھی ایسا نہ ملا
نہ تری ذات سے پہلے نہ تری ذات کے بعد
تیرا کہنا تھا کہ دن ایک سے ہوتے نہیں سب
زیست کیسے کروں میں گردش حالات کے بعد
یہ مقدر کا لکھا تھا کہ بچھڑ جاؤں میں
دل میں طوفان اٹھاتے ہوئے جذبات کے بعد

خالد محمود چوہدری — دسمبر 1، 2018 4:25 صبح

بہت زبردست

محمد عدنان اکبری نقیبی — دسمبر 1، 2018 4:26 صبح

خالد محمود چوہدری نے کہا:
بہت زبردست

شکریہ خالد بھائی ۔

اے خان — دسمبر 1، 2018 5:21 صبح

ماشاءاللہ عدنان بھائی بہت خوب

محمد عدنان اکبری نقیبی — دسمبر 1، 2018 5:22 صبح

اے خان نے کہا:
ماشاءاللہ عدنان بھائی بہت خوب

شکریہ چھوٹے خان ۔

سید عمران — دسمبر 1، 2018 5:44 صبح

اتنی مرمت و اصلاح کے بعد اب تو یہ سر کے ہی اشعار ہوگئے!!!

مریم افتخار — دسمبر 7، 2018 2:39 صبح

عدنان بھائی!
آپ نے ہر بار کی طرح ہمیں چونکا دیا ہے!
سچ میں بہت بہت خوشگوار حیرت ہوئی آپ کی طرف سے اس لڑی کو دیکھ کر. شروعات تو ہوگئی ہے، اللہ تعالٰی آپ کے علم اور قلم میں مزید برکت عطا فرمائیں!!
بہت زبردست شروعات ہے! میں آپ کے لیے بہت خوش ہوں!

سردار محمد نعیم — دسمبر 7، 2018 4:56 صبح

ماشاءاللہ زبردست۔

محمد عدنان اکبری نقیبی — دسمبر 7، 2018 5:23 صبح

مریم افتخار نے کہا:
عدنان بھائی!
آپ نے ہر بار کی طرح ہمیں چونکا دیا ہے!
سچ میں بہت بہت خوشگوار حیرت ہوئی آپ کی طرف سے اس لڑی کو دیکھ کر. شروعات تو ہوگئی ہے، اللہ تعالٰی آپ کے علم اور قلم میں مزید برکت عطا فرمائیں!!
بہت زبردست شروعات ہے! میں آپ کے لیے بہت خوش ہوں!

آپ کی محبتوں او دعاؤں کا قرض ہمیشہ ہمارے سر رہے کا بجو ۔
حوصلہ افزائی کا شکریہ ۔

محمد عدنان اکبری نقیبی — دسمبر 7، 2018 5:24 صبح

جزاک اللہ خیرا اجز کثیرا ،
بہت شکریہ نعیم بھائی ۔

فرحان محمد خان — دسمبر 7، 2018 5:49 صبح

خوبصورت بھائی

محمد عدنان اکبری نقیبی — دسمبر 7، 2018 6:00 صبح

فرحان محمد خان نے کہا:
خوبصورت بھائی

شکریہ فرحان بھائی ۔

عبدالرحمن آزاد — دسمبر 7، 2018 6:11 صبح

واااہ بہترین عدنان بھاٸی

محمد عدنان اکبری نقیبی — دسمبر 7، 2018 6:13 صبح

عبدالرحمن آزاد نے کہا:
واااہ بہترین عدنان بھاٸی

شکریہ محترم آزاد صاحب۔

منیب الف — دسمبر 7، 2018 7:45 صبح

کیا کہنے عدنان بھائی :good1:

آپ بھی شعروسخن میں طبع آزمائی فرماتے ہیں
جان کر خوشی ہوئی

منیب الف — دسمبر 7، 2018 7:52 صبح

مریم افتخار نے کہا:
میں آپ کے لیے بہت خوش ہوں!

یہ آپ نے انگریزی کے ” I am happy for you “ کا ترجمہ کر دیا ہے۔
کیا خبر کل کو یہ بھی عام ہو جائے :!:

محمد عدنان اکبری نقیبی — دسمبر 7، 2018 7:53 صبح

منیب الف نے کہا:
کیا کہنے عدنان بھائی
آپ بھی شعروسخن میں طبع آزمائی فرماتے ہیں
جان کر خوشی ہوئی

الحمدللہ ،
پسنددیدگی کا شکریہ ۔
جی منیب بھائی ،محفل میں آپ سمیت دیگر شعراء کے کلام پڑھا کر ہمیں بھی طبع آزمائی کا شوق ہو گیا ، بس جب سے تک بندی کی کوشش کرتے رہتے ہیں اور استاد محترم سے سیکھنے کی جستجو میں رہتے ہیں ۔

مریم افتخار — دسمبر 7، 2018 7:55 صبح

منیب الف نے کہا:
یہ آپ نے انگریزی کے ” I am happy for you “ کا ترجمہ کر دیا ہے۔
کیا خبر کل کو یہ بھی عام ہو جائے

میں نے لاشعوری طور پر واقعی اسی کا ترجمہ کیا تھا۔

عام ہوگیا تو اچھا ہے، میں کیہڑا پیٹنٹ کرانا!

احمد وصال — دسمبر 8، 2018 7:58 صبح

واااااااہ عمدہ غزل