نعتِ رسولِ ممدوحِ رب (برائے تبصرہ)

مہدی نقوی حجاز — جولائی 13، 2013 11:37 شام

پہلی بار نعت لکھنے کی جسارت کی ہے۔ آج ایک نعتیہ مشاعرہ ہے اسی کے لیے بسم اللہ کہا ہے۔ دیکھتے ہیں کیا ہوتا ہے۔ احباب سے بالعموم اور اساتذہ سے بالخصوص تنقید و تبصرے کی درخواست ہے!
السلام اے آخری نورِ نبوت السلام
السلام اے پیکِ عرفان و محبت السلام
السلام اے تاجِ فرقِ نوعِ آدم السلام
السلام اے شاہِ بے تاجِ دو عالم السلام
السلام اے صاحبِ قرطاس و لوح و القلم
محسنِ انسانیت، جانِ عرب، شاہِ عجم
رہنمائے دارِ فانی، شافعِ روزِ جزا
مرسلِ دینِ صفا، پیغمبرِ جود و سخا
بعدِ عرضِ السلام و باہزاراں احترام
پیش ہے نذرانۂِ مدحت جو ہو توفیق عام
گو مجھے ہے علم تجھ سے مَہ پہ ہے مثلِ کلَف
در حضورَت گر قبول افتد زہے عز و شرف
مصطفیٰ آئے جہاں میں جاودانی آگئی
"نوعِ آدم کی مسیں بھیگیں جوانی آگئی" (جوشؔ)
عالمیت آگئی پھر حسن کے دربار میں
استواری آگئی پھر نقشۂِ معمار میں
دیکھنے احمد کی صورت آفتاب آنے لگا
رات کا لے کر بہانہ ماہتاب آنے لگا
لؤلؤ و مرجان کو دیکھو درخشش مل گئی
اور مرے رب کو ستائش طبقِ خواہش مل گئی
گنگنایا بلبلوں نے نغمۂِ صدہا امید
گونج اٹھی پھر دریچوں میں مسیحا کی نوید
آگہی آئی، مہک آئی، چلا آیا ہے عشق
اب سوئے مکہ اٹھائیں گے نظر ہند و دمشق
مصطفیٰ اے مظہرِ آرائشِ حسن و جمال
مصطفیٰ تو فرقِ مابینِ یقین و احتمال
مصطفیٰ اے ریسماں بینِ فراق و اتصال
وصلِ بینِ ماضی و مستقبلِ فردا بہ حال
گردشِ انگشت سے تیری ہے، گردش میں زمیں
مصطفیٰ روشن تر از خورشید ہے تیری جبیں

حسان خان — جولائی 13، 2013 11:53 شام

کیا بات ہے مہدی بھائی! بہت خوب۔۔

مہدی نقوی حجاز — جولائی 14، 2013 12:08 صبح

انسلاکیہ:

مہدی نقوی حجاز — جولائی 14، 2013 12:11 صبح

حسان خان نے کہا:
کیا بات ہے مہدی بھائی! بہت خوب۔۔

شکریہ برادرم۔

امجد میانداد — جولائی 14، 2013 12:15 صبح

لاجواب جناب لاجواب،
بحر و اوزان کی خبر تو اساتذہ ہی لیں گے پر ہماری سمجھ میں لاجواب، سبحان اللہ۔

زبیر مرزا — جولائی 14، 2013 12:20 صبح

لاجواب جناب سبحان اللہ

مہدی نقوی حجاز — جولائی 14، 2013 7:01 صبح

امجد میانداد نے کہا:
لاجواب جناب لاجواب،
بحر و اوزان کی خبر تو اساتذہ ہی لیں گے پر ہماری سمجھ میں لاجواب، سبحان اللہ۔

تعریف کا شکریہ۔ بھائی یہ نعت آج مشاعرے میں پڑھ کر سنانی ہے۔ ویسے تو میں نے نظرِ ثانی کی ہے۔ بحر کی کوئی غلطی نہ تھی۔ سب ٹھیک تقطیع ہو رہے تھے!
میں نے اس بحر میں تقطیع کی ہے:
فاعلن مستفعلن مستفعلن مستفعلن
اگر اب بھی کوئی سقم رہ گیا ہے تو برائے کرم نشاندہی کر دیجیے!

مہدی نقوی حجاز — جولائی 14، 2013 7:01 صبح

زبیر مرزا نے کہا:
لاجواب جناب سبحان اللہ

بہت شکریہ میرے محترم!

الف عین — جولائی 14، 2013 7:14 صبح

مکمل درست ہے مہدی نقوی حجاز۔ بہت اچھی نعت ہے، البتہ ضرورت سے زیادہ فارسی کا استعمال مت کیا کرو، بھاری ہو جاتا ہے،

مہدی نقوی حجاز — جولائی 14، 2013 7:24 صبح

الف عین نے کہا:
مکمل درست ہے مہدی نقوی حجاز۔ بہت اچھی نعت ہے، البتہ ضرورت سے زیادہ فارسی کا استعمال مت کیا کرو، بھاری ہو جاتا ہے،

بہت شکریہ استادِ محترم۔ رسید مل گئی۔ جی بہتر، فارسی مجھے بھی معلوم ہو رہا تھا کہ ضرورت سے کچھ زیادہ ہی ہو رہی ہے۔ لیکن اتنی جلدی میں لکھنی پڑی کہ میں نے کہا اب مکمل ہو جائے بڑی بات ہے۔

عبدالحسیب — جولائی 14، 2013 7:38 صبح

لاجواب محترم ۔ بہت خوب۔ سلامت رہیں ۔ اللہ کرے زورِ قلم اور زیادہ

مہدی نقوی حجاز — جولائی 14، 2013 7:40 صبح

عبدالحسیب نے کہا:
لاجواب محترم ۔ بہت خوب۔ سلامت رہیں ۔ اللہ کرے زورِ قلم اور زیادہ

بہت شکریہ! خوش رہیے!

عبدالحسیب — جولائی 14، 2013 7:54 صبح

مہدی نقوی حجاز نے کہا:
بہت شکریہ! خوش رہیے!

نوازش حضور۔

غدیر زھرا — جولائی 14، 2013 8:53 صبح

سبحان اللہ بہت عمدہ --

مہدی نقوی حجاز — جولائی 14، 2013 9:28 صبح

غدیر زھرا نے کہا:
سبحان اللہ بہت عمدہ --

بہت شکریہ محترمہ۔ خوشی ہوئی کہ مورد پسند واقع ہوئی یہ نعت۔

شعبان نظامی — جولائی 14، 2013 10:23 صبح

مصطفیٰ آئے جہاں میں جاودانی آگئی
"نوعِ آدم کی مسیں بھیگی جوانی آگئی" (جوشؔ)
عالمیت آگئی پھر حسن کے دربار میں
استواری آگئی پھر نقشۂِ معمار میں
ماشاء اللہ بہت خوب!

عبد الرحمن — جولائی 14، 2013 10:49 صبح

ماشاء اللہ! بہت خوب نعت کہی۔ اللہ تعالیٰ اپنی چاہت کے مطابق ہم سب کو بنالے آمین۔

مہدی نقوی حجاز — جولائی 14، 2013 11:14 صبح

شعبان نظامی نے کہا:
مصطفیٰ آئے جہاں میں جاودانی آگئی
"نوعِ آدم کی مسیں بھیگی جوانی آگئی" (جوشؔ)
عالمیت آگئی پھر حسن کے دربار میں
استواری آگئی پھر نقشۂِ معمار میں
ماشاء اللہ بہت خوب!

بہت شکریہ محترم۔ آداب!

مہدی نقوی حجاز — جولائی 14، 2013 11:14 صبح

عبد الرحمن نے کہا:
ماشاء اللہ! بہت خوب نعت کہی۔ اللہ تعالیٰ اپنی چاہت کے مطابق ہم سب کو بنالے آمین۔

آداب۔ شکریہ۔

محمد اسامہ سَرسَری — جولائی 14، 2013 12:00 شام

ماشاءاللہ بہت خوب نعت لکھی ہے۔

السلام اے تاجِ فرقِ نوعِ آدم السلام

اس مصرع کو اکیلا رکھنے میں کوئی حکمت؟