نعتیہ دوہے ( از خاور چودھری)

خاورچودھری — مئی 24، 2010 3:54 صبح

من موہن دل دار وہ ، مورے سر کا تاج
کالی کملی شاہ کی ، جس کا ہر سو راج
پورب پچھم رحمتیں ، یگ یگ چمکے نام
اے مدنی*سرکار جی ، تم پر لاکھ سلام
توری بانی شہد ہے ، توری ورتا بھور
رِمتا آوے باٹ پر ، پاوے سب جگ ٹھور
دھوپ کڑی تھی آد سے ، جلتا تھا سنسار
توری میٹھی چھاوں سے چار دشا اُپکار
شیتل کومل شبد ہے ، جھرنوں جیسی بات
ہردے اپنا سالنا ، دینا سب کا سات
خاور بالم جاپتا ، دیکھو صبح و شام
نامِ محمد ورد ہے ، اور نہ کوئے کام

*مدنی جانتے ہوئے باندھا ہے

فرخ منظور — مئی 24، 2010 7:27 صبح

واہ! کیا خوبصورت نعتیہ دوہے ہیں۔ بہت شکریہ خاور صاحب!

الف نظامی — مئی 25، 2010 5:53 صبح

جزاک اللہ۔

خاورچودھری — مئی 26، 2010 6:57 صبح

قابل قدر الف عین, الف نظامی, سخنور, محمد وارث صاحبان
میں آپ کا شکر گزار ہوں

ایس فصیح ربانی — مئی 30، 2010 8:40 شام

ماشاءاللہ! بہت ہی خوبصورت دوہے ہیں۔ داد قبول کیجیے

خاورچودھری — مئی 31، 2010 5:46 صبح

شاہین بھائی شکر گزار ہوں‘ کرم‘ محبت آپ کی