نہ وہ ملول ہوئے ہیں ، نہ ہم اداس ہوئے
مزاج ترکِ تعلق پہ بے لباس ہوئے
بجھائے ایسے ہوا نے چراغِ خوش نظری
فروغِ دید کے موسم بھی محوِ یاس ہوئے
ہم اعتراض تھے ناقد مرے قصیدوں پر
جمالِ یار کو دیکھا تو ہم سپاس ہوئے
مری نظر میں خود اپنے ہی نقطہ ہائے نظر
نہیں جو تیرا حوالہ تو بے اساس ہوئے
یہ کار ہائے محبت بپاسِ خاطرِ عشق
دیارِ ہجر میں ہم سے بطورِ خاص ہوئے
یہ شہر جاں ہے سلامت کسی کے ہونے سے
ہزاروں حادثے ورنہ تو دل کے پاس ہوئے
سحر ہوئی تو رفیقانِ بے خبر ، میرے
چراغِ کشتہء ظلمت سے روشناس ہوئے
دکھائے گردشِ ایام نے وہ رنگ اس بار
ہم ایسے کافر و منکر خدا شناس ہوئے
ہمارا عہدِ مسائل رقم ہے غزلوں میں
ہمارے شعر زمانے کا اقتباس ہوئے
سخن جو عام سے لگتے تھے ساری دنیا کو
ظہیرؔ حلقہء یاراں میں آکے خاص ہوئے
ظہیر ؔاحمد ۔۔۔۔۔۔۔۔۔۔ 2018
مزاج ترکِ تعلق پہ بے لباس ہوئے
بجھائے ایسے ہوا نے چراغِ خوش نظری
فروغِ دید کے موسم بھی محوِ یاس ہوئے
ہم اعتراض تھے ناقد مرے قصیدوں پر
جمالِ یار کو دیکھا تو ہم سپاس ہوئے
مری نظر میں خود اپنے ہی نقطہ ہائے نظر
نہیں جو تیرا حوالہ تو بے اساس ہوئے
یہ کار ہائے محبت بپاسِ خاطرِ عشق
دیارِ ہجر میں ہم سے بطورِ خاص ہوئے
یہ شہر جاں ہے سلامت کسی کے ہونے سے
ہزاروں حادثے ورنہ تو دل کے پاس ہوئے
سحر ہوئی تو رفیقانِ بے خبر ، میرے
چراغِ کشتہء ظلمت سے روشناس ہوئے
دکھائے گردشِ ایام نے وہ رنگ اس بار
ہم ایسے کافر و منکر خدا شناس ہوئے
ہمارا عہدِ مسائل رقم ہے غزلوں میں
ہمارے شعر زمانے کا اقتباس ہوئے
سخن جو عام سے لگتے تھے ساری دنیا کو
ظہیرؔ حلقہء یاراں میں آکے خاص ہوئے
ظہیر ؔاحمد ۔۔۔۔۔۔۔۔۔۔ 2018
