وے ماہی ۔۔۔!

عَرضی سُن ہِک وار وے ماہی
کر نا بہتا خوار وے ماہی
ڈُب ڈُب اَکھیاں غوطے کھاون
دَرداں دے ہُنگار وے ماہی
کم اَولّے نے اس دِل دے
کر دیون بے کار وے ماہی
ماس کَپیندا رَت پئی چوندی
ہَڈیاں دے تِڑکار وے ماہی
لوکی ہَس ہَس کھیڑے کردے
مینوں ہور وِچار وے ماہی
چا چا سِر ہِن پُھل تَکیندے
وَل آ ساڈے دار وے ماہی
قُمری ،طوطے لٹکن لگے
شاخاں دے گَل ہار وے ماہی
رب رب وِرد رُباب پُکارے
چھیڑ دے راگ ستار وے ماہی
باجے تے نقارے وَجدے
ڈھولاں دے کَڑکار وے ماہی
شہنائی دی واج دِلے نوں
کردی ٹوٹے چار وی ماہی
ہاسے خوشیاں چار چوفیرے
میں تَتی وِچکار وے ماہی
لوکاں دے دو جگ حبیبا
مینوں تو درکار وے ماہی
کلام ملک حبیب

کر، نا بہتا خوار وے ماہی

ملک حبیب نے کہا:

عَرضی سُن ہِک وار وے ماہی
کر نا بہتا خوار ماہی

مزید نمائش کے لیے کلک کریں۔۔۔

دوسرے مصرعے میں شائد "وے" رہ گیا ہے

کم اَولّے نے اس دِل دے
کر دیون بے کار وے ماہی
واہ واہ ملک صاب۔بہت اعلیٰ!

ادب دوست صاحب اصلاح پر شکر گزار ہوں
باقی دوستوں کا مشکور ہوں،،،، سلامت رہیں۔