چند مزید شعر آپ کی بصارتوں کی نذر

مغزل — دسمبر 5، 2007 11:05 صبح

محترم دوستو !
آداب و سلامِ مسنون
چند شعر پیشِ خدمت ہیں آپ کی آراء کا منتظر رہوں گا۔
ملاحظہ کیجئے::
تاریکیاں تھیں جو میرے گھر سے نہ جاسکیں
وہ روشنی تھی جو مری آنکھیں نگل گئی
اک خواب تھا جو آ نہ سکا خواب گاہ تک
میں انتظار کرتا رہا ، رات ڈھل گئی
یہ وحشتِ معاش ہے یا اور کچھ مغل
وہ فرصتِ خیال وہ فکرِ غزل ،گئی
وہ آنکھ تھی جو حیرتیں سہتی رہی مغل
تصویر تھی کہ عکس کی حدّت سے جل گئی
م۔م۔مغل

جیہ — دسمبر 6، 2007 12:34 شام

بہت خوب۔ اچھی غزل ہے خاص کر یہ شعر:
یہ وحشتِ معاش ہے یا اور کچھ مغل
وہ فرصتِ خیال وہ فکرِ غزل ،گئی
غالب نے بھی کہا تھا:
تھی وہ ایک شخص کے تصور سے
اب وہ رعنائی خیال کہاں
فکرِ دنیا میں سر کھپاتا ہوں
میں کہاں اور یہ وبال کہاں

مغزل — دسمبر 6، 2007 12:52 شام

جیہ نے کہا:
بہت خوب۔ اچھی غزل ہے خاص کر یہ شعر:
یہ وحشتِ معاش ہے یا اور کچھ مغل
وہ فرصتِ خیال وہ فکرِ غزل ،گئی
غالب نے بھی کہا تھا:
تھی وہ ایک شخص کے تصور سے
اب وہ رعنائی خیال کہاں
فکرِ دنیا میں سر کھپاتا ہوں
میں کہاں اور یہ وبال کہاں

بہت شکریہ جیہ صاحبہ
آپ نے اشعار کی پسندیدگی کا اظہار کیا۔۔
ممنونِ کرم۔
م۔م۔مغل

محمد وارث — دسمبر 6، 2007 2:47 شام

بہت اچھی غزل ہے جناب مغل صاحب، سبحان اللہ

الف عین — دسمبر 6، 2007 5:18 شام

اچھی غزل ہے۔ ’سمت‘ کے لئے بھی کچھ بھیجیں۔

خرم شہزاد خرم — دسمبر 8، 2007 3:53 صبح

بہت خوب م م مغل صاحب بہت اچھی شاعری ہے

شمشاد — دسمبر 8، 2007 4:21 صبح

اچھی شاعری ہے محمود بھائی۔

مغزل — دسمبر 8، 2007 10:08 صبح

محمد وارث نے کہا:
بہت اچھی غزل ہے جناب مغل صاحب، سبحان اللہ

وارث صاحب پزیرائی کیلئے بہت شکریہ:

مغزل — دسمبر 8، 2007 10:08 صبح

شمشاد نے کہا:
اچھی شاعری ہے محمود بھائی۔

بہت شکریہ اس درجہ پزیرائی کا

مغزل — دسمبر 12، 2007 8:24 صبح

الف عین نے کہا:
اچھی غزل ہے۔ ’سمت‘ کے لئے بھی کچھ بھیجیں۔

محترم اعجاز صاحب
آداب و سلامِ مسنون
آپ نے غزل کے اچھے ہونے کا اظہار کیا ۔۔۔ جس کیلئے میں ممنو ن ومتشکر ہوں۔۔
"سمت" کیلئے ضرور۔۔۔۔۔اپنا کوئی نہ کوئی کلام پیش کروں گا۔
"آپ کی شاعری" کے دھاگے میں ایک غزل آپ کی بصارتوں کی نذر کرنے کی جراءت کی ہے آپ کی رائے کا منتظر ہوں۔
صحت کے ساتھ طویل عمر کیلئے دعاگو۔
آپ کی دعائوں کا طالب
اسیرِ حلقہ ءِ دوستاں
م۔م۔مغل

ایم اے راجا — مارچ 26، 2008 7:30 شام

مغل صاحب بہت خوبصورت غزل ایک حسین خیال کے ساتھ۔

مغزل — جون 26، 2008 11:54 صبح

بہت شکریہ راجہ صاحب

خاورچودھری — جون 26، 2008 11:57 صبح

بہت خوب بھائی لطف آگیا

فاتح — جون 26، 2008 12:17 شام

بہت خوب مغل صاحب۔ کیا خیال آفرینی ہے۔ سبحان اللہ!
معذرت خواہ ہوں کہ داد دینے میں کافی دیر ہو گئی لیکن احباب واقف ہیں کہ گذشتہ دنوں کچھ ذاتی مصروفیات کے باعث محفل پر بالکل بھی نہ آ سکا۔

مغزل — جون 26، 2008 12:35 شام

بہت بہت شکریہ خاور صاحب

مغزل — جون 26، 2008 12:48 شام

فاتح نے کہا:
بہت خوب مغل صاحب۔ کیا خیال آفرینی ہے۔ سبحان اللہ!
معذرت خواہ ہوں کہ داد دینے میں کافی دیر ہو گئی لیکن احباب واقف ہیں کہ گذشتہ دنوں کچھ ذاتی مصروفیات کے باعث محفل پر بالکل بھی نہ آ سکا۔

’’ نکل آئے ادھر جناب کہاں‘‘ ۔۔۔ میرے گوشے میں آفتاب کہاں
سراپا خلوص، سراپا شاعر، سراپا شفقت جناب فاتح الدین بشیر صاحب
آداب و سلا م و کورنش، بصد چشم ِ نم و دیدہ ودل فرشِ راہ ، بندہ ناچیز کا فرشی سلام
اگر میں آپ کی ویب نہ دیکھ چکا ہوتا تو میں آپ کے ’’ معذرت ‘‘ خواہانہ اظہار سے
رمیدہ ہوچلا تھا ، مجھے یقینا ً‌ آپ کی عدیم الفرصتی کی وجوہ کا علم ہے سو یوں وضاحت
کر کے شرمندہ نہ کیجئے ۔’’ غزل آفرینی‘‘ فرما کر آپ نے مجھے اس بات پر مجبور کردیا ہے
کہ میں اس ضمن میں مزید مطالعہ کروں وگرنہ ناچیز کو محض اتنا ہی علم تھا کہ :
’’ ابھی اپنا کلام نا پختہ ، مزید مشق کرو‘‘ ۔ آپ کی محبت ہے وگرنہ من آنم کہ من دانم
والا معاملہ ہے ۔ بلکہ بقول شخصے من نہ دانم فاعلاتن فاعلات
کرام نوازی ، حوصلہ افزائی کیلئے ممنون و متشکّر ہوں۔
دعاؤں میں یاد رکھیئے گا۔
والسلام
مغل

امر شہزاد — جون 26، 2008 12:56 شام

اشعار پڑھنے کا لطف آگیا!
جناب! مطلع ایک بھی نہیں اور "مقطعے" دو دو۔۔۔۔۔۔۔۔۔۔۔۔۔۔۔۔۔۔۔ جیسے کبھی ویگن کا ڈرائیور نہ ہو اور کنڈیکٹر دو دو !!!!!!!1grin: :grin:

مغزل — جون 26، 2008 1:02 شام

شکریہ امر صاحب
میں نے اسی وجہ سے تھریڈ کا عنوان ’’چند مزید شعر‘‘ لکھا تھا۔
مصرع کبھو کبھو ہی تو موزوں کروں ہوں میں
کبھی کبھی شاعری کی دیوی بیچ رستے چھوڑ کر سستانے بیٹھ جاتی ہے
اور یہ کیفیت سبھی سے علاقہ رکھتی ہے۔۔۔
اور ویسے بھی ’’ دعویٰ نہیں سرکار کہ میں طبعِ رواں ہوں ‘‘
محبتوں اور حوصلہ افزائی کیلئے ممنون ہوں۔
والسلام

فاتح — جون 27، 2008 11:18 صبح

م۔م۔مغل نے کہا:
’’ نکل آئے ادھر جناب کہاں‘‘ ۔۔۔ میرے گوشے میں آفتاب کہاں
سراپا خلوص، سراپا شاعر، سراپا شفقت جناب فاتح الدین بشیر صاحب
آداب و سلا م و کورنش، بصد چشم ِ نم و دیدہ ودل فرشِ راہ ، بندہ ناچیز کا فرشی سلام
اگر میں آپ کی ویب نہ دیکھ چکا ہوتا تو میں آپ کے ’’ معذرت ‘‘ خواہانہ اظہار سے
رمیدہ ہوچلا تھا ، مجھے یقینا ً‌ آپ کی عدیم الفرصتی کی وجوہ کا علم ہے سو یوں وضاحت
کر کے شرمندہ نہ کیجئے ۔’’ غزل آفرینی‘‘ فرما کر آپ نے مجھے اس بات پر مجبور کردیا ہے
کہ میں اس ضمن میں مزید مطالعہ کروں وگرنہ ناچیز کو محض اتنا ہی علم تھا کہ :
’’ ابھی اپنا کلام نا پختہ ، مزید مشق کرو‘‘ ۔ آپ کی محبت ہے وگرنہ من آنم کہ من دانم
والا معاملہ ہے ۔ بلکہ بقول شخصے من نہ دانم فاعلاتن فاعلات
کرام نوازی ، حوصلہ افزائی کیلئے ممنون و متشکّر ہوں۔
دعاؤں میں یاد رکھیئے گا۔
والسلام
مغل

واہ۔۔۔ آپ تو نثر میں شاعری کرنے لگے حضور۔
بندہ پرور! ایک قلابہ ملنے سے رہ گیا تھا اور وہ ہے "سراپا جہل" :grin:

یہ بھی کہہ دیتے تا کہ کم از کم کچھ سچ تو ہوتا میرے متعلق۔
شاعری کا تو ذکر ہی کیا کہ مجھ سے تو کوئی دیوان بھی سرزد نہیں ہو پایا کہ میر کا یہ شعر ہی پڑھنے کے قابل ہوتا؂
مجھ کو شاعر نہ کہو میر کہ صاحب میں نے
درد و غم کتنے کئے جمع تو دیوا ن کیا
رہی بات ویب سائٹ کی تو اس کے متعلق پہلے بھی کہیں عرض کیا تھا کہ وہ اپنے منہ میاں مٹھو بننے کی سازش کے سوا کچھ نہیں۔
یوں تو شنیدن ہے کہ ہمیں آپ سے ہم علاقہ ہونے کا شرف حاصل ہے لیکن اس گمان کو یقین میں آپ ہی بدل سکتے ہیں۔

مغزل — جون 27، 2008 11:27 صبح

گمان کو مجسم تیقن میں بدلنے کیلئے میں اتنا ہی کہوں گا
’’ سبز کوہساروں کی آغوش سے ہجرتی ہوں میں ‘‘
(حویلیاں ۔ایبٹ آباد، صوبہ سرحد)
اور اب ادب کے کوفے میں ہوں۔
(شور علیگ کا ایک شعر حوالہ ہے)
یہ مق۔تلِ ادب کہ ک۔۔۔راچ۔ی ہے ج۔س کا نام
ک۔وف۔ے کی س۔۔رزمین بھ۔ی ہے ک۔ربلا بھی ہے