کب کوئی جان وار دیتا ہے ۔ ایک اور غزل

درد کب اختیار دیتا ہے
چند سانسیں ادھار دیتا ہے
دل تری یاد کے سرور میں گم
ساری فکریں اتار دیتا ہے
آج بھی لمس اس کی یادوں کا
میری شامیں نکھار دیتا ہے
آہ و گریہ فغاں یہی کچھ بس
کب کوئی جان وار دیتا ہے
چیر لیتا ہے بیج سینے کو
تب چمن کو بہار دیتا ہے
شہر اپنے سکوت کی لے میں
اک صدا بار بار دیتا ہے
کیوں کسی اور در سے میں مانگوں
مجھ کو پروردگار دیتا ہے
غازہِ خونِ عاشقاں، اے چمن
تیرا دامن سنوار دیتا ہے
حسرتیں دل سے نوچ ڈالو شکیل
زہر یہ جی کو مار دیتا ہے
استادِ محترم
الف عین اور دیگر اساتذہ و احباب کی نذر

اچھی غزل ہے شکیل بھائی۔ ماشاء اللہ

محمد شکیل خورشید نے کہا:

غازہِ خونِ عاشقاں، اے چمن
تیرا دامن سنوار دیتا ہے

مزید نمائش کے لیے کلک کریں۔۔۔

غازہ تو چہرے پر لگایا جاتا ہے، نہیں؟؟؟ پھر غازے کے مقابل چمن کا دامن کیوں؟
دعاگو،
راحلؔ

خوب! شکیل بھائی ، مقطع کو آپ کی مزید توجہ درکار ہے ۔
حسرتیں دل سے نوچ ڈالو شکیل
زہر یہ جی کو مار دیتا ہے
پہلے مصرع میں حسرتیں جمع کا صیغہ ہے جبکہ دوسرے میں زہر بطور صیغہ واحد استعمال کیا گیا ہے ۔ ٹھیک نہیں لگ رہا ہے ۔

ظہیراحمدظہیر نے کہا:

خوب! شکیل بھائی ، مقطع کو آپ کی مزید توجہ درکار ہے ۔
حسرتیں دل سے نوچ ڈالو شکیل
زہر یہ جی کو مار دیتا ہے
پہلے مصرع میں حسرتیں جمع کا صیغہ ہے جبکہ دوسرے میں زہر بطور صیغہ واحد استعمال کیا گیا ہے ۔ ٹھیک نہیں لگ رہا ہے ۔

مزید نمائش کے لیے کلک کریں۔۔۔

رہنمائی کا شکریہ،
نظرثانی کرتا ہوں،

محمّد احسن سمیع :راحل: نے کہا:

اچھی غزل ہے شکیل بھائی۔ ماشاء اللہ
غازہ تو چہرے پر لگایا جاتا ہے، نہیں؟؟؟ پھر غازے کے مقابل چمن کا دامن کیوں؟
دعاگو،
راحلؔ

مزید نمائش کے لیے کلک کریں۔۔۔

رہنمائی کا شکریہ،
کسی اور طرح باندھتا ہوں

محترم ظہیراحمدظہیر اور
محترم محمد احسن راحل کی توجہ دلانے پر آخری دو اشعار یوں درست کرنے کی کوشش کی ہے
اب مزید رہنمائی فرمائیں
غازہِ خونِ عاشقاں، اے چمن
تیرے رخ کو نکھار دیتا ہے
دل سے حسرت یہ نوچ ڈالو شکیل
زہر یہ جی کو مار دیتا ہے

بہت خوب، اچھی غزل ہے

abdul.rouf620 نے کہا:

بہت خوب، اچھی غزل ہے

مزید نمائش کے لیے کلک کریں۔۔۔

شکریہ، پزیرائی کا