احبابِ کرام ! ایک پرانی غزل ڈھونڈ نکالی ہے ۔ شاید کوئی کام کا شعر ہو ۔ آپ کے ذوقِ لطیف کی نذر کرتا ہوں ۔( اشعارِ قدیمہ کی مزید کھدائی جاری ہے ۔ دیکھئے اور کیا کیا برآمد ہوتا ہے ۔ویسے لگتا ہے کہ اب زیادہ کچھ نہیں رہ گیا ۔ 
)
)
کیا سخن تھے کہ جو دل میں بھی چھپائے نہ گئے
لبِ اظہار تک آئے پہ سُنائے نہ گئے
لبِ اظہار تک آئے پہ سُنائے نہ گئے
ضعفِ مضرابِ تمنا کوئی دیکھے تو مرا
تار بھی بربطِ ہستی کے ہلائے نہ گئے
تار بھی بربطِ ہستی کے ہلائے نہ گئے
چشمِ نم بھول گئے ، عارضِ تر بھول گئے
یہ الگ بات وہ آنسو ہی بھُلائے نہ گئے
یہ الگ بات وہ آنسو ہی بھُلائے نہ گئے
میرے زخموں کا بھی درمان تو ممکن تھا مگر
زخم ایسے تھے مسیحا کو دکھائے نہ گئے
زخم ایسے تھے مسیحا کو دکھائے نہ گئے
بارِ نفرت لئے پھرتی ہے یہ دنیا کیسے!
ہم سے آزارِ محبت ہی اُٹھائے نہ گئے
دل کی دنیا پہ حکومت تو ملی تھی کچھ روز
چام کے دام مگر ہم سے چلائے نہ گئے
ہم سے آزارِ محبت ہی اُٹھائے نہ گئے
دل کی دنیا پہ حکومت تو ملی تھی کچھ روز
چام کے دام مگر ہم سے چلائے نہ گئے
ہم وہ نادارِ محبت ہیں کہ ہنگامِ وداع
گوہرِ اشک بھی پلکوں پہ سجائے نہ گئے
گوہرِ اشک بھی پلکوں پہ سجائے نہ گئے
ہم دوانوں سے خفا کیوں ہوئے اربابِ خرد
اُن کی دہلیز پہ ہم تو کبھی آئے نہ گئے
اُن کی دہلیز پہ ہم تو کبھی آئے نہ گئے
ہم نفس رات کے پھونکوں سے بجھا دیتے ہیں
جو دیئے تیز ہواؤں سے بجھائے نہ گئے
جو دیئے تیز ہواؤں سے بجھائے نہ گئے
(۲۰۱۴)