گھر نہیں گھر مگر کسی کسی کا

میرے چھوٹے بھائی کی غزل جس پرآج اس نے یوتھ فیسٹیول کے مشاعرے میں اول انعام میں طلائی تمغہ بدستِ انور مسعود وصول کیا۔ یہ اس کی کسی بھی مشاعرے میں پہلی شرکت تھی۔
گھر نہیں گھر مگر کسی کسی کا
گھر ہے آباد پر کسی کسی کا
فرش سے عرش تک جو لے جائے
ایسا ہوتا ہے در کسی کسی کا
معتبر ہیں سبھی جو کہتے ہیں
ہے کہا معتبر کسی کسی کا
عشق وہ نور ہے کہ ہوتا ہے
اس سے آباد گھر کسی کسی کا
سر نگوں بھی ہیں سرفراز اس سے
نہیں جھکتا جو سر کسی کسی کا
سدرہ سے اس طرف جو لے جائے
ایسا ہوتا ہے پر کسی کسی کا
آہ کرتے تو ہیں حسین سبھی
نالہ ہے پُر اثر کسی کسی کا

واہ، بہت خوب۔
کیا عمر ہے آپ کے بھائی کی اور کس جماعت میں پڑھتا ہے؟

بہت خوب بہت گہرا کلام ۔

شکریہ نایاب اور عاطف بٹ صاحب کا۔
وہ کالج میں ہے سیکنڈ ایئر میں۔اپنے کالج کی طرف سے گیا تھا۔

احمد بلال نے کہا:

وہ کالج میں ہے سیکنڈ ایئر میں۔اپنے کالج کی طرف سے گیا تھا۔

مزید نمائش کے لیے کلک کریں۔۔۔

ماشاءاللہ۔ یہ تو بہت اچھی بات ہے۔

احمد بلال نے کہا:

شکریہ نایاب اور عاطف بٹ صاحب کا۔
وہ کالج میں ہے سیکنڈ ایئر میں۔اپنے کالج کی طرف سے گیا تھا۔

مزید نمائش کے لیے کلک کریں۔۔۔

ماشاءاللہ
اللہ کرے زور علم و عمل اور زیادہ آمین

نایاب نے کہا:

ماشاءاللہ
اللہ کرے زور علم و عمل اور زیادہ آمین

مزید نمائش کے لیے کلک کریں۔۔۔

آمین

گھر نہیں گھر، مگر کسی کسی کا
گھر ہے آباد، پر کسی کسی کا
بہت خوبصورت مطلع ہے
عشق وہ نور ہے، کہ ہوتا ہے
اِس سے آباد، گھر کسی کسی کا
کیا کہنے !
بہت ہی فصیح و بلیغ صاحب
آہ کرتے تو ہیں حسین سبھی
نالہ ہے پُر اثر کسی کسی کا
اچھا ہے!
شاید حسین تخلص کرتے ہے
بہت سی داد اور دعائیں اس غزل پرآپ اور آپ کے بھائی کے لئے
تشکّر یہاں ہم سے شیئر کرنے کا
بہت خوش رہیں

شکریہ طارق شاہ صاحب

واہ واہ بہت عمدہ جناب کیا کہنے لگتا نہیں کے انٹرمیڈیٹ کے طالبعلم کی غزل ہے ۔