گیت ( خواب کہاں رکھوں ) از خاور چودھری

خاورچودھری — جون 1، 2010 11:35 صبح
خواب کہاں رکھوں ؟
خواب کہاں رکھوں ؟
منوا پیت کا خواب اُگا تھا
خونِ جگر سے اُس کو سینچا
اور اشکوں سے سیراب کیا
لیکن دھوپ جلوں
خواب کہاں رکھوں ؟
شام سویرے ساتھ ترا ہو
ہاتھ میں تیرے ہاتھ مرا ہو
ان انکھیوں کو بے آب کیا
تیری پیاس مروں
خواب کہاں رکھوں ؟
یاد کی گٹھڑی بار ہوئی ہے
آس کی چنری تار ہوئی ہے
مورا جیون بے تاب کیا
کتنے درد چنوں
خواب کہاں رکھوں ؟
×××××

Archived from: https://www.urduweb.org/mehfil/threads/%DA%AF%DB%8C%D8%AA-%D8%AE%D9%88%D8%A7%D8%A8-%DA%A9%DB%81%D8%A7%DA%BA-%D8%B1%DA%A9%DA%BE%D9%88%DA%BA-%D8%A7%D8%B2-%D8%AE%D8%A7%D9%88%D8%B1-%DA%86%D9%88%D8%AF%DA%BE%D8%B1%DB%8C.30097/