ہر سِتم پر، چُپ ہیں میرے لَب مِیاں!

کاشف اسرار احمد — دسمبر 16، 2015 6:59 شام
*******............********............********
ہر سِتم پر، چُپ ہیں میرے لَب مِیاں!
بے صَدا کی سُن رہا ہے رب مِیاں!
زندگی ہے، اِمتحاں دَر اِمتحاں
زاویہ در زاویہ، مکتَب مِیاں!
شمع سے منسوب ہے یہ رسم، اب
ہاتھ پر رکھیں خَطائیں، سب مِیاں!
کچھ وَضاحت کی ترے الزام نے
سِی لئے کچھ ہم نے اپنے لَب مِیاں !
میں نہیں تنہا ، انا کی راہ پر
ایک قِصّہ نا شُنیدہ، سَب مِیاں!
جِس زَمانے میں لِکھے جاتے تھے خَط
فاصلے اِتنے نہیں تھے تَب مِیاں!
گُھل گئیں اُس کے بدن کی خُوشبؤیں
جاں فَزا تھی وَصل کی ہر شَب مِیاں!
اب پرانے دوست بھی کہنے لگے
جو کہا کاشف نے، سب بے ڈَھب مِیاں!
سیّد کاشف
*******............********............********​
سید اسد معروف — دسمبر 17، 2015 7:11 شام
واہ واہ۔ بہت اچھے۔
کاشف اسرار احمد — دسمبر 19، 2015 5:10 صبح
نوازش جناب

Archived from: https://www.urduweb.org/mehfil/threads/%DB%81%D8%B1-%D8%B3%D9%90%D8%AA%D9%85-%D9%BE%D8%B1%D8%8C-%DA%86%D9%8F%D9%BE-%DB%81%DB%8C%DA%BA-%D9%85%DB%8C%D8%B1%DB%92-%D9%84%D9%8E%D8%A8-%D9%85%D9%90%DB%8C%D8%A7%DA%BA.86439/