آرزوئے وصال مت کیجے

عمار ابن ضیا — جولائی 7، 2008 6:35 صبح

الف عین نے کہا:
اچھی غزل ہے عمار۔۔ لیکن کیوں کہ اصلاح کے لئے یہاں پیش کی گئی ہے اس لئے لازم ہے کہ فصیل سے جائزہ لوں:
آرزوئے وصال مت کیجے
اپنے دل کا خیال مت کیجے
اچھا واضح مطلع ہے۔ خوب
میں نے دیکھا ہے چاند کو روتے
رات کو عرضِ حال مت کیجے
واہ واہ۔۔۔ اچھا شعر نکالا ہے، مبارک
جو اسے لاجواب کر چھوڑے
کوئی ایسا سوال مت کیجے
شعر یوں تو درست ہے، لیکن ذرا لفظ ’چھوڑے‘ بھلا نہیں لگ رہا۔
اگر ’جو اسے لاجواب کر ڈالے
کلہیں تو۔۔ بات بہتر ہوتی ہے یا بگڑ جاتی ہے۔ وارث، فرخ!!
اس کے وعدے تمام جھوٹے ہیں
خوامخواہ دل نہال مت کیجے
دوسرے مصرع میں ’خواہ مخواہ‘ محض ’خامخا‘ تقطیع ہو رہا ہے، جب کہ یہ خاہ مخاہ ہونا چاہئے۔ یعنی بر وزن فعل فعول
اگر محض ’اس طرح ‘ کر دیا جائے تو؟
دل تو اپنا رقیب ٹھہرا ہے
اس سے کچھ بول چال مت کیجے
درست ہے، لیکن اگر پہلے مصرع کو تھوڑا بدل دیں تو بات بہتر ہو جائے شاید:
دل تو اپنا/آخر رقیب ہی ٹھہرا
کیوں بھلا؟ چھوڑیئے یہ سب عمار
اپنا جینا محال مت کیجے
یہاں ’کیو‫‫ں بھلا‘ ذرا کھٹک رہا ہے۔ کچھ متبادل مصرعے
ٹالیے چھوڑیے میاں عمار
کیوں پریشاں ہیں، چھوڑیے عمار
مجموعی طور پر بہت اچھی غزل ہے۔ مبارک ہو عمار۔

بہت شکریہ استاد محترم۔ شاید اس میں مناسب الفاظ ہی کی ضرورت تھی جو آپ کی اصلاح سے پوری ہوگئی۔ آخری شکل یہ ہے:

آرزوئے وصال مت کیجے
اپنے دل کا خیال مت کیجے
میں نے دیکھا ہے چاند کو روتے
رات کو عرضِ حال مت کیجے
جو اسے لاجواب کر ڈالے
کوئی ایسا سوال مت کیجے
اس کے وعدے تمام جھوٹے ہیں
اس طرح دل نہال مت کیجے
دل تو آخر رقیب ہی ٹھہرا
اس سے کچھ بول چال مت کیجے
کیوں پریشاں ہیں، چھوڑیے عمار
اپنا جینا محال مت کیجے

ایک بار پھر بہت شکریہ۔

عمار ابن ضیا — جولائی 7، 2008 6:43 صبح

ماوراء نے کہا:
بہت خوب عمار۔
یہ شعر کیا خوب کہا ہے۔
میں نے دیکھا ہے چاند کو روتے
رات کو عرضِ حال مت کیجے

شکریہ ماوراء

شاعری میں دلچسپی۔۔۔۔۔۔۔ ہمممم

ایم اے راجا نے کہا:
عمار صاحب بہت خوب بہت ہی خوب اور معنی خیز غزل ہے، واہ واہ واہ۔

بہت شکریہ راجہ بھائی۔

سخنور نے کہا:
عمار واقعی اعجاز صاحب کی رائے بہت صائب ہے - اس پر غور کیجیے گا تو غزل مزید بہتر ہوجائے گی -

صحیح۔

arifkarim نے کہا:
واہ عمار، اتنی سی عمر اور عمدہ شاعری!

اب اتنی سی بھی عمر نہیں ہے۔ :grin:

بہت شکریہ۔

خرم شہزاد خرم نے کہا:
بہت خوب عمار بھائی بحرِ حفیف وارث صاحب کی پسند کی بحر ہے میں نے بھی ان کا مضمون پڑھ کر دو ،تین غزلیں لکھ لی تھی لیکن ان غزلوں میں سے کوئی بھی اسی نہیں تھی جو آپ کی اس غزل کے برابر ہوتی آپ کی یہ غزل بہت پسند آئی بہت خوب جس طرح ایک شعر بہت زیادہ پسند کیا گیا اسی طرح مجھے بھی وہ ہی شعر سب سے زیادہ پیارا لگا ہے
میں نے دیکھا ہے چاند کو روتے
رات کو عرضِ حال مت کیجے
کیا شعر ہے بہت خوب باقی غزل بھی اپنی مثال آپ ہے جاری رکھے شکریہ

شکریہ خرم! لیکن آپ نے جو غزلیں کہی ہیں نا، ان میں سے بعض میں آپ نے ایسے مضمون باندھے ہیں کہ میں ان پر رشک کرتا ہوں۔ ان کے مقابلہ میں یہ غزل کچھ بھی نہیں ہے۔

عمار ابن ضیا — جولائی 7، 2008 6:47 صبح

نبیل نے کہا:
بحر خفیف تو مجھے بھی بہت پسند آئی ہے۔
پڑ جائے طمانچہ گر ایک تو
سامنے دوسرا گال مت کیجیے
مانا کہ خوب شعر کہتے ہیں آپ
ایسی بے ڈھنگی چال مت کیجیے

دخل در معقولات کی معذرت ۔۔۔

ہاہاہاہا۔۔۔۔۔ کیا بات ہے۔۔۔ آپ کے دو اشعار نے تو ساری غزل کو مات دیدی ہے۔ :grin:

ویسے یہ غزل کہنے کے بعد میرے ذہن میں بھی ایک دو مصرعہ آئے تھے جن کی بنیاد پر بالکل ایسی ہی ایک مزاحیہ غزل بھی کہی جاسکتی ہے۔

محمد وارث نے کہا:
اجی واہ واہ واہ برادرم، گولی ماریئے بحرِ خفیف کو، کیا جودتِ طبع دکھائی آپ نے، لا جواب، کیا قافیے ہیں، کیا بات ہے، کیا چال ہے واہ واہ واہ

:lll:

جہانزیب نے کہا:
میں نے دیکھا ہے چاند کو روتے
رات کو عرضِ حال مت کیجے
اس سال کا پسندیدہ شعر

بہت بہت شکریہ جہانزیب بھائی۔

خرم شہزاد خرم — جولائی 7، 2008 1:33 شام

راہبر نے کہا:
شکریہ ماوراء
شکریہ خرم! لیکن آپ نے جو غزلیں کہی ہیں نا، ان میں سے بعض میں آپ نے ایسے مضمون باندھے ہیں کہ میں ان پر رشک کرتا ہوں۔ ان کے مقابلہ میں یہ غزل کچھ بھی نہیں ہے۔

بہت شکریہ عمار بھائی ہم تو اپنی سیکھنے کے دور سے گزر رہے ہیں اور وہ بھی شروع شروع کا ہے

مغزل — جولائی 10، 2008 10:10 صبح

بہت خوب جناب
واہ واہ ۔۔ غزل آفرینی اور متانت
ایک ساتھ ۔۔ سبحان اللہ ۔
خوش رہیئے عمار بھائی۔
والسلام

عمار ابن ضیا — جولائی 10، 2008 10:15 صبح

بہت شکریہ جناب والا۔۔۔!

بس اب شرفِ ملاقات کب بخش رہے ہیں؟

مغزل — جولائی 10، 2008 10:20 صبح

یہ آپ پر منحصر ہے ۔۔۔ جب جناب فرمائیں گے۔۔ بندہ حاضر ِ خدمت

عمار ابن ضیا — جولائی 10، 2008 10:31 صبح

چلیں جی، آپ نے تو میرے سر پر رکھ دیا سب کچھ۔۔۔ جناب! میں خود آپ کے دولت کدے پر حاضر ہوتا ہوں۔۔۔ ان شاء اللہ کسی سنیچر کو شام میں