ایک پرانی غزل جو میری پہلی پروان تھی ۔ شاعری میں عروض کا علم میرے لیے بالکل نیا تھا۔ مجھے معلوم بھی تب ہوا جب میں نے اپنی فیس بک کی وال پر ایک ادنی سی کوشش کر ڈالی ۔ دیکھنے والے اہلِ زبان تھے وزن بتانے لگ گئے ۔ پریشان ہوکر گوگل سرفنگ کی تو عروض کی ایک سائیٹ مل گئی ۔ بس شعر وہاں پر لکھ لکھ کر بناتی رہی ۔۔۔ پھر یہاں کا پتا چلا تو یہاں بھی آگئی ۔ یہاں مجھے دو ہستیوں نے شاعری کا فن سکھایا ۔۔اس میں طاق اس لیے نہیں ہو پائی کیونکہ میں نے ایک سال گزر جانے کے بعد دوبارہ کوشش کی ۔۔ میں ان دو ہستیوں کی تہِ دل سے مشکور ہوں ۔میرے محفل میں آنے کا سبب بھی یہ دو ہستیاں ہیں ۔وہ کہتے ہیں نہ جس گھر میں بزرگ نہ ہو وہاں رحمت نہیں ہوتی ۔۔۔ محترم
الف عین اور محترم
محمد یعقوب آسی ۔۔۔ان حضرات کی تہِ دل سے مشکور ان کی دعاؤں کی طالب ۔۔۔آپ کو سلامت رکھے اللہ تعالیٰ ۔۔۔
1۔جو ناز تھا وفا پر ، وہ ہے فگار کیسا
نفرت بنی مقدر ،چاہوں میں پیار کیسا
÷÷÷÷÷÷÷÷÷÷÷÷÷÷÷÷÷÷
رسمِ جفا نبھائی ،بچھڑا بھی انتقاماً
کیوں دل میں ایسی نفرت، یہ تھا غبار کیسا
÷÷÷÷÷÷÷÷÷÷÷÷÷÷÷÷÷
3۔پامال دل کے ارماں کرکے ہوا پشیماں
افسوس سے مٹے غم تو اضطرار کیسا
÷÷÷÷÷÷÷÷÷÷÷÷÷÷÷÷
4۔توحید میرا ایماں، کعبہ ہے میرا قبلہ
تم بت پرست لوگوں سے مانگوں پیار کیسا
÷÷÷÷÷÷÷÷÷÷÷÷÷÷÷÷÷
5۔وہ کاٹ دار آنکھیں دیکھیں خمار سے جب
پیکر تراش کر ہیں کرتی حصار کیسا
÷÷÷÷÷÷÷÷÷÷÷÷÷÷÷÷÷÷÷÷
6۔اچھی نہیں توقع بے رحم لوگ سارے۔۔۔!
مَطلب کی یاری پر ہو بھی انحصار کیسا
÷÷÷÷÷÷÷÷÷÷÷÷÷÷÷÷
7۔
اے نُورؔ دل بجھا اب ہر سمت تیرگی ہے
گُل ہیں چراغ سارے اب اِنتظار کیسا
