بدل کے بھی روش ، اکتا رہی ہے۔۔۔برائے اصلاح

فاتح ۔۔۔ یقینا آپ درست کہہ رہے ہیں، بقول اقبال: وہ قوم نہیں لائق ہنگامہ فردا، جس قوم کی تقدیر میں امروز نہیں ہے۔۔۔ فردا کا مطلب یہی نکلتا ہے۔۔۔ رہی مذکر اور مونث دونوں ہونے کی بات تو یہ ہمارے علم میں نہیں تھی (بالکل اسی طرح جیسے فردا کو ہم نے مستقبل سمجھا۔۔۔ ) کہ کوئی لفظ مذکراور مونث دونوں بھی ہوسکتا ہے، حالانکہ یہ معلوم تھا کہ کچھ الفاظ ترجمہ ہو کر آتے ہیں یا جوں کے توں اپنائے جاتے ہیں تو بعض اوقات مذکر سے مونث اور مونث سے مذکر ہوجاتے ہیں،

فردا کے بارے میں شروع میں مجھے بھی کنفیوژن ہوا تھا، لیکن پھر امثال سوچیں تو سارے اشعار میں فردا کا استعمال بغیر صنف کی نشان دہی کے ہی میسر آیا۔ اس لئے اپنے خیال کو ہی حقیقت مان لیا۔

نمرہ نے کہا:

پڑھنے اور اصلاح وغیرہ (سپیس کے بغیر) کرنے کے لیے بہت شکرگزار ہوں۔

مزید نمائش کے لیے کلک کریں۔۔۔

وَ غیرہْ (سپیس کے ساتھ) اور وغیرہ (سپیس کے بغیر) میں سرِ مُو بھی فرق نہیں۔ دونوں کا مطلب ہوتا ہے "اور اس کے علاوہ"

مجھے تو سرے سے ہی عربی نہیں آتی، اب ایک اور نکتہ علم میں آ گیا ہے، شکریہ۔

و: اور
غیر: علاوہ
ہُ: اس کے

عربی کی زبر زیر ہم عروض میں بحروں کو پڑھنے کے سلسلے میں بھی استعمال کریں یا نہ کریں کوئی فرق نہیں پڑتا۔۔۔۔ مفعول مفاعیل مفاعیل مفولن۔۔۔ اس کو کوئی مفعولو مفاعیلو مفاعیلو مفولن پڑھے تب بھی وہی وزن ہوگا۔۔۔ (یہ نمرہ کو بتانے سے زیادہ فاتح کو چھیڑنے کی سازش ہے)

شاہد شاہنواز نے کہا:

عربی کی زبر زیر ہم عروض میں بحروں کو پڑھنے کے سلسلے میں بھی استعمال کریں یا نہ کریں کوئی فرق نہیں پڑتا۔۔۔ ۔ مفعول مفاعیل مفاعیل مفولن۔۔۔ اس کو کوئی مفعولو مفاعیلو مفاعیلو مفولن پڑھے تب بھی وہی وزن ہوگا۔۔۔ (یہ نمرہ کو بتانے سے زیادہ فاتح کو چھیڑنے کی سازش ہے)

مزید نمائش کے لیے کلک کریں۔۔۔

شاہد، اتفاق کی بات ہے کہ چھیڑتے ہوئے اپنی طرف سے مذاق میں کہا لیکن یہ ایک حقیقت ہے سوائے مثال کے جو درست نہیں۔
یعنی مَفعُولُ کو مُفعَولَ پڑھ لو تب بھی فرق نہیں پڑے گا۔۔۔ صرف متحرک کو ساکن اور ساکن کو متحرک نہیں کرنا۔۔۔ بس