برائے اصلاح — page 1 of 2

عابد علی خاکسار — دسمبر 29، 2019 7:50 صبح

الف عین صاحب
عظیم صاحب
بغیر عشق-محمد کے زندگی کیا ہے
نہ معرفت ہو نبی کی تو آدمی کیا ہے
یقیں ہے جن کو نبی کی شفاعت کا
پھر ان کے دل میں سر-حشر بے کلی کیا ہے
دکھائے جو نہ کسی کو مقام-نور-خدا
وہ تیرگی ہے جہالت کی، روشنی کیا ہے
نقش -پائے محمد نہ رہنما ہو اگر
تو پھر وہ جادو گری ہے قلندری کیا ہے
تری گلی کے گدا گر بھی سارے جانتے ہیں
کہ رسم -سجدہ میں عرفان-بندگی کیا ہے
مقام ان کا ہماری سمجھ سے بالا ہے
خدا ہی جانتا ہے رفعت- نبی کیا ہے
جلا ملی ہے انھی سے شعور -انساں کو
جو دور ان سے کرے پھر وہ آگہی کیا ہے
بیان جو نہ کرے سیرت-رسول -خدا
وہ خاکسار تری پھر سخنوری کیا ہے
عابد علی خاکسار

عابد علی خاکسار — دسمبر 30، 2019 6:00 صبح

الف عین صاحب

عرفان سعید — دسمبر 30، 2019 8:15 صبح

عابد علی خاکسار نے کہا:
عشق-محمد

عابد علی خاکسار نے کہا:
سر-حشر

عابد علی خاکسار نے کہا:
مقام-نور-خدا

عابد علی خاکسار نے کہا:
نقش -پائے

عابد علی خاکسار نے کہا:
رسم -سجدہ

عابد علی خاکسار نے کہا:
عرفان-بندگی

عابد علی خاکسار نے کہا:
رفعت- نبی

عابد علی خاکسار نے کہا:
شعور -انساں

عابد علی خاکسار نے کہا:
سیرت-رسول -خدا

ان تمام تراکیب میں ٹائپو ہے۔
آپ غالبا کسرۂ اضافت لگانا چاہ رہے تھے۔

عرفان سعید — دسمبر 30، 2019 8:17 صبح

عابد علی خاکسار نے کہا:
محمد

کیا شاعری میں فقط "محمد" لکھنا قابلِ قبول ہے؟

محمد احسن سمیع راحلؔ — دسمبر 30، 2019 10:04 صبح

عرفان سعید نے کہا:
کیا شاعری میں فقط "محمد" لکھنا قابلِ قبول ہے؟

بغیر درود کے تو نامِ پاک لوگ اب نثر میں بھی لکھنے لگے ہیں۔ میری رائے میں ادب کا تقاضہ ہے کہ ﷺ کی علامت لازم استعمال کی جائے۔ اب تو مکمل ٹائپ بھی نہیں کرنا پڑتا، تختۂ کلید پر شارٹ کٹ موجود ہے سو اس معاملے میں اب کوئی معقول عذر موجود نہیں۔

عابد علی خاکسار — دسمبر 30، 2019 10:37 صبح

محمّد احسن سمیع :راحل: نے کہا:
بغیر درود کے تو نامِ پاک لوگ اب نثر میں بھی لکھنے لگے ہیں۔ میری رائے میں ادب کا تقاضہ ہے کہ ﷺ کی علامت لازم استعمال کی جائے۔ اب تو مکمل ٹائپ بھی نہیں کرنا پڑتا، تختۂ کلید پر شارٹ کٹ موجود ہے سو اس معاملے میں اب کوئی معقول عذر موجود نہیں۔

ممنون ہوں ۔۔ کی بورڈ زیر نہیں اس لیے -یہ علامت استعمال کرتا ہوں دوسرا دردود پاک بھی آپشن نہیں ہے اس لیے نی لکھ پاتا۔۔۔

محمد احسن سمیع راحلؔ — دسمبر 30، 2019 10:41 صبح

عابد علی خاکسار نے کہا:
ممنون ہوں ۔۔ کی بورڈ زیر نہیں اس لیے -یہ علامت استعمال کرتا ہوں دوسرا دردود پاک بھی آپشن نہیں ہے اس لیے نی لکھ پاتا۔۔۔

جزاک اللہ۔ عموماً Shift+W سے درودِ پاک ﷺ آجاتا ہے کمپیوٹر پر۔ موبائل پر اگر آپ http://cle.pk/ والوں کا کی بورڈ انسٹال کرلیں تو اس میں بھی شارٹ کٹ موجود ہے

محمد احسن سمیع راحلؔ — دسمبر 30، 2019 10:46 صبح

آپ نے کون سی بحر کا انتخاب کیا ہے؟ مفاعلن فعلاتن مفاعلن فعلن؟

عابد علی خاکسار — دسمبر 30، 2019 2:54 شام

01

محمّد احسن سمیع :راحل: نے کہا:
آپ نے کون سی بحر کا انتخاب کیا ہے؟ مفاعلن فعلاتن مفاعلن فعلن؟

جی جی ۔۔

محمد احسن سمیع راحلؔ — دسمبر 31، 2019 8:06 صبح

جناب عابد صاحب، آداب۔
امید ہے مزاج بخیر ہوں گے۔ نعتِ نبی کریم ﷺ کا معاملہ ایسا ہے کہ کچھ بھی لکھتے ہوئے پرجلتے ہیں کہ مبادا نادانستہ ہی کوئی بات سوئے ادب نہ قلم سے نکل جائے۔ اللھم احفظنی من۔
اللہ پاک سے دعا ہے کہ میری خطاؤں اور لغزشوں کو معاف فرمائے۔ چند تاثرات، آپ کے کلام کے تکنیکی پہلوؤں کے حوالے سے قلم برداشتہ کررہا ہوں۔ گر قبول افتد زہے عز و شرف!
ایک عمومی تاثر جو آپ کے اشعار پڑھ کر قائم ہوا وہ یہ ہے کہ کچھ مقامات پر ردیف ’’کیا ہے‘‘ ٹھیک طرح سے نبھ نہیں رہی کیونکہ ان جگہوں پر بیان کے اعتبار سے ’کیا ہے‘ کی بجائے ’کب ہے‘، ’کیوں ہو‘ وغیرہم کا محل معلوم ہوتا ہے۔ مقامات کی نشاندہی آپ کے حوالے، آپ خود دیکھ لیں۔
بغیر عشقِ محمدﷺ کے زندگی کیا ہے
نہ معرفت ہو نبیﷺ کی تو آدمی کیا ہے
پہلا مصرعہ تعقید لفظی کا شکار نظر آتا ہے، درست صورت یوں ہوں گی کہ ’’عشقِ محمدﷺ کے بغیر‘‘، گویا یہاں ’کے‘ حشو ہے۔
یقیں ہے جن کو نبیﷺ کی شفاعت کا
پھر ان کے دل میں سرِحشر بے کلی کیا ہے
پہلا مصرعہ بحر سے خارج ہے (کم از کم معروف وزن کی حد تک)، اگر کسی اور وزن پر تقطیع کی گئی ہے تو وضاحت فرما دیں۔ پہلے مصرعے کو یوں سوچ کر دیکھیں
یقیں ہو جن کو شفاعت پہ شارعِ حق کی
دکھائے جو نہ کسی کو مقامِ نورِ خدا
وہ تیرگی ہے جہالت کی، روشنی کیا ہے
درست
نقشِ پائے محمدﷺ نہ رہنما ہو اگر
تو پھر وہ جادو گری ہے قلندری کیا ہے
یہاں بھی پہلا مصرعہ بحر سے خارج ہے۔ نقش میں ق ساکن ہے، گویا اس کا وزن فاع یا فِعْل ہوگا، جبکہ آپ اسے مفاع کے مقابل باندھ رہے ہیں جو کہ ظاہر ہے درست نہیں۔ مصرعے کو یوں سوچ کر دیکھیں
ہو نقشِ پائے محمدﷺ ہی رہنما نہ اگر
اگرچہ یہاں دونوں مصرعوں کا ربط اب بھی مجہول ہے، اور شعر عجز بیان کا شکار معلوم ہورہا ہے۔ جادوگری اور قلندری کا تقابل چہ معنی دارد؟
تری گلی کے گدا گر بھی سارے جانتے ہیں
کہ رسمِ سجدہ میں عرفانِ بندگی کیا ہے
شعر وزن میں تو درست ہے، مگر ’’گلی کے گداگر بھی‘‘ سے کیا مراد ہے۔ گداگروں کے علاوہ بھی کسی کا ذکر مقصود ہے؟ اس کے علاوہ اس مفہوم کے بیان کے لئے صرف گدا کہنا مناسب ہوگا۔ گداگر سے عموماً پیشہ ور مانگنے والے کی جانب ذہن جاتا ہے۔
مقام ان کا ہماری سمجھ سے بالا ہے
خدا ہی جانتا ہے رفعتِ نبیﷺ کیا ہے
درست، ماشاء اللہ
جلا ملی ہے انھی سے شعورِ انساں کو
جو دور ان سے کرے پھر وہ آگہی کیا ہے
درست
بیان جو نہ کرے سیرتِ رسولِ خداﷺ
وہ خاکسار تری پھر سخنوری کیا ہے
دوسرے مصرعے میں ’’وہ‘‘ کو ’’تو‘‘ سے بدل دیں، باقی درست معلوم ہوتا ہے۔ ماشاءاللہ۔
کوئی بات ناگوار گزری ہو، یا سوئے ادب محسوس ہوئی ہو معافی کا خواستگار ہوں۔
دعاگو،
راحلؔ

عابد علی خاکسار — جنوری 1، 2020 9:10 صبح

محمّد احسن سمیع :راحل: نے کہا:
جناب عابد صاحب، آداب۔
امید ہے مزاج بخیر ہوں گے۔ نعتِ نبی کریم ﷺ کا معاملہ ایسا ہے کہ کچھ بھی لکھتے ہوئے پرجلتے ہیں کہ مبادا نادانستہ ہی کوئی بات سوئے ادب نہ قلم سے نکل جائے۔ اللھم احفظنی من۔
اللہ پاک سے دعا ہے کہ میری خطاؤں اور لغزشوں کو معاف فرمائے۔ چند تاثرات، آپ کے کلام کے تکنیکی پہلوؤں کے حوالے سے قلم برداشتہ کررہا ہوں۔ گر قبول افتد زہے عز و شرف!
ایک عمومی تاثر جو آپ کے اشعار پڑھ کر قائم ہوا وہ یہ ہے کہ کچھ مقامات پر ردیف ’’کیا ہے‘‘ ٹھیک طرح سے نبھ نہیں رہی کیونکہ ان جگہوں پر بیان کے اعتبار سے ’کیا ہے‘ کی بجائے ’کب ہے‘، ’کیوں ہو‘ وغیرہم کا محل معلوم ہوتا ہے۔ مقامات کی نشاندہی آپ کے حوالے، آپ خود دیکھ لیں۔
بغیر عشقِ محمدﷺ کے زندگی کیا ہے
نہ معرفت ہو نبیﷺ کی تو آدمی کیا ہے
پہلا مصرعہ تعقید لفظی کا شکار نظر آتا ہے، درست صورت یوں ہوں گی کہ ’’عشقِ محمدﷺ کے بغیر‘‘، گویا یہاں ’کے‘ حشو ہے۔
یقیں ہے جن کو نبیﷺ کی شفاعت کا
پھر ان کے دل میں سرِحشر بے کلی کیا ہے
پہلا مصرعہ بحر سے خارج ہے (کم از کم معروف وزن کی حد تک)، اگر کسی اور وزن پر تقطیع کی گئی ہے تو وضاحت فرما دیں۔ پہلے مصرعے کو یوں سوچ کر دیکھیں
یقیں ہو جن کو شفاعت پہ شارعِ حق کی
دکھائے جو نہ کسی کو مقامِ نورِ خدا
وہ تیرگی ہے جہالت کی، روشنی کیا ہے
درست
نقشِ پائے محمدﷺ نہ رہنما ہو اگر
تو پھر وہ جادو گری ہے قلندری کیا ہے
یہاں بھی پہلا مصرعہ بحر سے خارج ہے۔ نقش میں ق ساکن ہے، گویا اس کا وزن فاع یا فِعْل ہوگا، جبکہ آپ اسے مفاع کے مقابل باندھ رہے ہیں جو کہ ظاہر ہے درست نہیں۔ مصرعے کو یوں سوچ کر دیکھیں
ہو نقشِ پائے محمدﷺ ہی رہنما نہ اگر
اگرچہ یہاں دونوں مصرعوں کا ربط اب بھی مجہول ہے، اور شعر عجز بیان کا شکار معلوم ہورہا ہے۔ جادوگری اور قلندری کا تقابل چہ معنی دارد؟
تری گلی کے گدا گر بھی سارے جانتے ہیں
کہ رسمِ سجدہ میں عرفانِ بندگی کیا ہے
شعر وزن میں تو درست ہے، مگر ’’گلی کے گداگر بھی‘‘ سے کیا مراد ہے۔ گداگروں کے علاوہ بھی کسی کا ذکر مقصود ہے؟ اس کے علاوہ اس مفہوم کے بیان کے لئے صرف گدا کہنا مناسب ہوگا۔ گداگر سے عموماً پیشہ ور مانگنے والے کی جانب ذہن جاتا ہے۔
مقام ان کا ہماری سمجھ سے بالا ہے
خدا ہی جانتا ہے رفعتِ نبیﷺ کیا ہے
درست، ماشاء اللہ
جلا ملی ہے انھی سے شعورِ انساں کو
جو دور ان سے کرے پھر وہ آگہی کیا ہے
درست
بیان جو نہ کرے سیرتِ رسولِ خداﷺ
وہ خاکسار تری پھر سخنوری کیا ہے
دوسرے مصرعے میں ’’وہ‘‘ کو ’’تو‘‘ سے بدل دیں، باقی درست معلوم ہوتا ہے۔ ماشاءاللہ۔
کوئی بات ناگوار گزری ہو، یا سوئے ادب محسوس ہوئی ہو معافی کا خواستگار ہوں۔
دعاگو،
راحلؔ

بہت نوازش ۔۔۔ عروض کے حوالہ سے آپ نے جن اغلاط کی طرف نشاندہی کی بجا ہے مگر یہ بہت واضح غلطیاں مجھے سمجھ نہیں آ رہی لکھتے ہوئے کوئی لفظ چھوٹ گیا یا کیا ہوا بہر حال بہت نوازش ۔ وقت دینے کا

عابد علی خاکسار — جنوری 1، 2020 9:13 صبح

یقیں ہے جن کو نبی پاک کی شفاعت کا

عابد علی خاکسار — جنوری 1، 2020 9:15 صبح

جو نقش پائے محمد نہ رہنما ہو اگر

محمد احسن سمیع راحلؔ — جنوری 1، 2020 10:19 صبح

جی، یہ دونوں مصرعے یوں تو درست ہیں، مگر پہلے مصرعے میں آپ نےغالبا نبی پاک ﷺ بغیر کسرہ اضافت کے لیا ہے یا پھر آپ اس کی تقطیع نب یے پاک کر رہے ہیں۔ جبکہ میری دانست میں درست ترکیب نبیِ پاک ﷺ ہے ۔۔۔ یعنی بکسرہ اضافت، جس کی تقطیع نَ بی اے پا ک ہوگی ۔۔۔ اسطرح مصرعہ بحر سے خارج ہوجائے گا۔ واللہ اعلم۔

عابد علی خاکسار — جنوری 1، 2020 3:35 شام

محمّد احسن سمیع :راحل: نے کہا:
جی، یہ دونوں مصرعے یوں تو درست ہیں، مگر پہلے مصرعے میں آپ نےغالبا نبی پاک ﷺ بغیر کسرہ اضافت کے لیا ہے یا پھر آپ اس کی تقطیع نب یے پاک کر رہے ہیں۔ جبکہ میری دانست میں درست ترکیب نبیِ پاک ﷺ ہے ۔۔۔ یعنی بکسرہ اضافت، جس کی تقطیع نَ بی اے پا ک ہوگی ۔۔۔ اسطرح مصرعہ بحر سے خارج ہوجائے گا۔ واللہ اعلم۔

نبی بغیر کسرہ کے ہے اردو میں تو یونہی مستعمل ہے

محمد احسن سمیع راحلؔ — جنوری 1، 2020 4:23 شام

نبی اور پاک دو الگ مستقل الفاظ ہیں جن سے مل کر نبیِ پاک ﷺ کی مرکب ترکیب بنتی ہے، جس کے لئے کسرہ اضافت لازمی ہے.

عابد علی خاکسار — جنوری 2، 2020 11:13 صبح

محمّد احسن سمیع :راحل: نے کہا:
نبی اور پاک دو الگ مستقل الفاظ ہیں جن سے مل کر نبیِ پاک ﷺ کی مرکب ترکیب بنتی ہے، جس کے لئے کسرہ اضافت لازمی ہے.

رسول-پاک ہے ۔۔ نبی پاک کہنے کوئی حرج نہیں ۔۔۔

محمد احسن سمیع راحلؔ — جنوری 2، 2020 11:18 صبح

چلئے، آپ کہہ رہے ہیں تو سر تسلیم خم! وگرنہ لغت میں نبی کے ساتھ جتنے بھی لاحقے ہیں وہ بالاضافت ہی آتے ہیں

عابد علی خاکسار — جنوری 5، 2020 6:26 صبح

محترم اللہ پاک ہوتا ہے کہ اللہ ء پاک قرآن پاک ہوتا ہے قرآنءپاک

محمد احسن سمیع راحلؔ — جنوری 5، 2020 7:09 صبح

جناب اللہ چونکہ ربِ کریم کا اسم ذات ہے، اس لئے اس کے ساتھ تو کوئی اضافت لگا کر مرکب بنا ہی نہیں سکتے سو آپ نبیِ پاک کو اس پر کیسے قیاس رہے ہیں؟ جہاں تک دوسری مثال کا تعلق ہے تو درست مرکب قرآنِ پاک ہی ہے. قرآن پاک محض عوامی تلفظ ہے.