اللہ تعالیٰ آپ کو ہمیشہ خوش رکھے ،اجازت کیسی ، اِرشاد فرمائیے ، دل شاد فرمائیے!
اب کیا کہوں کہ ربط ہے کیا آبلوں کے ساتھ
میلوں سفر کیا ہے اِنھیں دوستوں کے ساتھ
زاہد بھی سیکھ جائیں گے آدابِ بندگی
بیٹھیں گے چند روز اگر میکشوں کے ساتھ
مر کر بھی اپنی صحرا نوردی نہ مر سکی
اُڑ اُڑ کے خاک جاتی رہی قافلوں کے ساتھ
یہ کافری نہیں تو بتا کیا ہے کافری
مایوسیاں خدا سے اُمیدیں بتوں کے ساتھ
یہ کم نہیں کہ راہ کی ظلمت مٹا گئے
کیا غم ہے جل گئے ہیں اگر مشعلوں کے ساتھ
سر دے کے سرفراز ہیں راہِ وفا میں جو
یارب ہو میرا حشر اُنھیں ’’بے سَروں ‘‘ کے ساتھ
