اُستادِ محترم ، واحد حالت میں اگر ہم بندہ ء خدا اور خدا کا بندا دونوں استعمال کرتے ہیں تو جمع کی صورت میں خدا کے بندگان اور بندگانِ خدا باہم متبادل استعمال کرنا مناسب نہیں۔ اس کا کوئی مروجہ اصول ہے تو وہ بھی سمجھا دیجیے تاکہ آئندہ بھی کام آئے۔ جزاک اللہ
عبیر خان — اپریل 5، 2016 10:21 صبح
بیشک! بہت اچھی پوسٹ کی ہے آپ نے۔ہدیہِ عقیدت
جو کربلا کے دشت میں ہوے لہو لہان ہیں
حسیؓن عالی شان ہیں، حسیؓن پاسبان ہیں
نواسہِ رسول ﷺ ہیں، وہ گوہرِ بتول ؓ ہیں
وہ شاخِ زعفران ہیں، خدا کا ارمغان ہیں
حسیؓن کے حَسین تن پہ تیغِ بے دریغ سے
لگا رہے ہیں زخم جو، یہ کون دشمنان ہیں
حسیؓن کے لہو سے نم ہوے ہیں ریگ زار جو
جبینِ آسمان کے وہی تو اختران ہیں
جو ڈھال بن کے آپؓ کی ، رہے تھے ساتھ آپؓ کے
حسیؓن کے رفیق وہ، ہمارے محسنان ہیں
شہادتِ حسیؓن بھی یزید کی شکست ہے
یزید نامراد ہے ، حسیؓن کامران ہیں
جو زندگی کی لذتیں، رہِ خدا پہ وار دیں
وہی تو اصل میں رضؔا، خداکے بندگان ہیں
براے توجہ استادِ محترم محمد یعقوب آسی و جناب الف عین صاحب
