دل گرفتہ ہی سہی بزم سجا لی جائے

الف عین نے کہا:

ہوس پور تو پہلے میری سمجھ میں بھی نہیں آیا تھا، اس کی جگہ شہرِ ہوس لانے کی کوشش کرو

مزید نمائش کے لیے کلک کریں۔۔۔

جی سر کوشش کرتا ہوں۔

کس نے میعاد ہَوس پُور میں پوری کر لی
کس کی عزت سرِ بازار اچھالی جائے
اس شعرکے دو متبادل
آج شب شہرِ ہوس میں کسے بیچا جائے
کس کی عزت سرِ بازار اچھالی جائے
یا
آج شب شہرِ ہوس سے ہی صدائیں آئیں
کس کی عزت سرِ بازار اچھالی جائے

ہوس پور سے تو بہتر ہیں لیکن دونوں شعروں میں تھوڑی خامی ضرور ہے۔ پہلا شعر بہتر ہے لیکن اس کا ’جائے‘ کی نشست کچھ اور کر دی جائے۔ جیسے
کس کا نیلام ہو پھر شہر ہوس میں امشب/اس رات

استادِ محترم الف عین چند تبدیلیاں

دل گرفتہ ہی سہی بزم سجا لی جائے
کچھ کرو، ایسے ہی کیا عید منا لی جائے؟
//
رسمِ احساسِ محبت کا تقاضا جاناں
آج شب درد کی قندیل جلا لی جائے
// رسمِ احساسِ محبت کا تقاضا ہے یہی
آج پھر درد کی قندیل جلا لی جائے
دشمنِ جاں سے ملاقات ضروری بھی ہے
یارو سوچو کہ کوئی راہ نکالی جائے
//’بھی‘ مزید لگ رہا ہے مجھے۔
دشمن جاں سے ملاقات بھی کرنی ہے ضرور
یارو سوچو کہ کوئی راہ نکالی جائے
کس نے میعاد ہَوس پُور میں پوری کر لی
کس کی عزت سرِ بازار اچھالی جائے
//اس پر بات ہو چکی
ایسے ملنے سے تو نہ ملنا بہت بہتر ہے
آؤ رسموں کی یہ دیوار گرا لی جائے
//دیوار گرا لی نہیں جاتی، گرا دی جاتی ہے۔ اس لئے شعر درست نہیں
آؤ اجڑے ہوئے شہروں سے نکل کے دیکھیں
آؤ سر سبز فضاؤں کی ہَوا لی جائے
//درست
ایسے ماحول میں گھٹ گھٹ کے ہی مر جائیں گے
کوئی تدبیر کرو، شہر کا والی جائے
//یوں کر دو تو بہتر ہے
ایسے ماحول میں گھٹ گھٹ کے نہ مر جائیں ہم
کوئی تدبیر کرو، شہر کا والی جائے

جی استادِ محترم ،
میں کوشش کروں گا 17 تاریخ سے۔

استادِ محترم الف عین یعنی مجموعی طور پہ غزل کی صورت کچھ یوں ہو گئی ہے بغیر کسی سقم کے۔

یہ مصرع کہاں سے آ گیا؟
کسے بیچا جائے ہے شہرِ ہوس میں امشب
اس کی ایک اصلاح تو پوسٹ کر چکا ہوں، دوسرا متبادل ذہن میں ہو تو پیش کرو۔ یہ تو وزن میں بھی نہیں!!