عظیم کی شاعری برائے اصلاح و تنقید و تبصرہ

عظیم شہزاد نے کہا:

واہ رے قسمت ساری دنیا سے الگ
لگ رہی ہے بے رخی غم خوار کی

​

مزید نمائش کے لیے کلک کریں۔۔۔

اگر پہلے مصرع کو یوں کردیں؟

عظیم شہزاد نے کہا:

جان جائے گی ترے ہجراں میں اب
آ بهی جا نا چهوڑ ضد انکار کی

​

مزید نمائش کے لیے کلک کریں۔۔۔

اگر دوسرے مصرع کو یوں کردیا جائے؟

محمد اسامہ سَرسَری نے کہا:

بہت خوب صورت غزل۔۔۔ ۔
آخری مصرع میں شاید ”ٹھان“ لکھنا چاہ رہے تھے۔

مزید نمائش کے لیے کلک کریں۔۔۔

تدوین کردی ہے

اچھی غزل ہے۔ بس روانی کی خاطر کچھ الفاظ کی نشست بدلی جا سکتی ہے
وہی ناتواں ، وہ شکستہ پا، جو سفر کی حد سے گزر گیا
یا تو دونوں جگہ وہی لایا جائے ورنہ پہلی بار میں وہ‘ اور اس کے بعد ‘وہی‘
اس مصرع میں
کہ رقیب میرے بھی کہہ سکیں
کو بآسانی ’مرے رقیب‘ کیا جا سکتا ہے
یہ شعر تو کافی اوبڑ کھابڑ ہے
دمِ واپسی جو نصیب ہو ،تری اک جھلک تو میں کہہ سکوں
تھا میں جس سفر پہ چلا خدا ،نہیں رائیگاں وہ سفر گیا
’خدا‘ سے کیا مراد ہے؟ یہ میں سمجھ نہیں سکا۔ پہلا مصرع بھی یوں ہو تو بہتر ہے
تری اک جھلک جو نصیب ہو، دم واپسیں، تو میں کہہ سکوں

ہو گی کیا حالت ترے بیمار کی
جب نظر تو نے ادهر دلدار کی
اگر ’کیسی حالت ہے‘ کر دیں تو ؟؟؟
ہم نے پائی کب زمانے سے عظیم
اس نگر میں قدر و قیمت پیار کی
یا تو زمانے کو ہی الزام دیں یا شہر کو۔ دونوں میں ایک مجھے غیر ضروری لگتا ہے۔ شہر کی بجائے لفظ نگر بھی اس لفظیاتی ماحول مین اچھا نہیں
دین و مذہب چهوڑے جاتے ہیں یہاں
ہم کو کافی ہیں جفائیں یار کی
÷÷جفاؤں کا دین و مذہب سے رشتہ؟
دل لگی تهی پر لگی دل کو وہ آگ
جو بجهی تو جل اٹهی کردار کی
÷÷کردار کی کیا جل اتھی؟
پهول مہکیں گے چمن میں باغباں
کیا دعا تو نے بتا اس بار کی
÷÷دورا مصرع رواں نہیں، مکمل شعر بھی کچھ خاص نہیں
جان جائے گی ترے ہجراں میں اب
آ بهی جا نا چهوڑ ضد انکار کی
÷÷خلیل کا مشورہ بھی دیھ لو، ایک اور صورت
آ بھی جا، ضد چھوڑ دے انکار کی
پوچهنے والوں نے پوچها تها عظیم
ٹھان لی کیا تم نے اب اس پار کی
درست تو ہے لیکن مبہم ہے

واہ بہت خوب جناب

اچھی غزل ہے ۔لیکن پہلے کچھ ٹائپنگ درست کرلیں۔ اور " تو ابر" کو "ابر تو" کردیں ابر کا وزن درد ہے نہ کہ جگر۔ پھر ماہرین دیکھیں لیں گے ۔

کس طرف جائیں بتا دے تو ابر
اک طرف برسا تو دوجی چها گیا
’ابر تو‘ کا صائب مشورہ ہے، لیکن دوسرا مصرع پسند نہیں آیا، ہندی میں دوجا ہوتا ہے، دو جی نہیں، لیکن جب ’دوسرا‘ آ سکے تو ’دوجا‘ کی کیا ضرورت ہے؟
ایک برسا دوسرا پھر چھا گیا۔ مثال کے طور پر۔
دیکه لے کوئی نہ دامن کے وہ داغ
جن سے اپنا وصف تک شرما گیا
واضح نہیں، شاید ’اپنا آپ‘ کہنے سے کچھ بات بنے
مر نہ جائیں کیوں تڑپ کے آج ہم
اس کا خط لے کر پیام بر آ گیا
پیام بر تقطیع میں نہیں آتا، محض پیمبر آےا ہے، اس کے مجازی معانی مختلف ہوتے ہیں۔ ڈاکیہ وغیرہ اسعما ل کرو ۔ یا ایک صورت
اس کا خط لے کر کبوتر آ گیا
ہو سکتی ہے

نہیں عظیم، اس غزل میں محض تک بندی ہے، اصلاح کی کوشش بے سود ہے۔تم اس سے بہتر کہہ سکتے ہو، خود محاسبہ کیا کرو، یہ سوچو کہ یہ غزل اگر کسی اور کی ہوتی تو تم کو کیا کیا شعر پسند آتے!!

میری رائے کچھ سُرخ میں

کیا کہیں کہ بے کس و مجبور ہیں​

پاس اپنے ہیں جب اس سے دور ہیں​

جس طرح شعلہ ء جبل طور ہیں​

ہم جو تیرے زکر پر معمور ہیں​

پہلے یہ بتائیں کہ یہاں خلق سے کیا مراد ہے۔ خلقت؟
یوں چهپے بیٹهے ہیں تیری خلق سے
جس طرح شعلہ ء جبل طور ہیں
’شعلائے ‘ وزن میں آتا ہے جو غلط ہے۔ باقی بعد میں

جی خلقت

کیا بتائیں کس کے غم میں چور ہیں
کس کی خاطر بے کس و مجبور ہیں