آرزوئے وصال مت کیجے

کل دن میں وارث بھائی کے لکھے مضمون "بحر خفیف" کو سرسری سا دیکھا تھا، پھر موسم بھی بہت خوشگوار تھا شاید اسی لیے ایک طویل عرصہ بعد کچھ آمد ہوئی۔ اگرچہ ندرتِ خیال سے قطعی محروم بہرحال، اصلاح کی درخواست ہے۔

بہت خوب عمار۔
یوں تو مکمل غزل بہت اچھی لگی مگر ان اشعار کی تو کیا ہی بات ہے !
میں نے دیکھا ہے چاند کو روتے
رات کو عرضِ حال مت کیجے
جو اسے لاجواب کر چھوڑے
کوئی ایسا سوال مت کیجے
بہت ہی اچھے !

خوبصورت غرل ہے عمار صاحب
داد قبول کیجیے۔۔۔

بہت خوب عمار ۔۔ اصلاح تو ماہرین ہی کر سکتے ہیں ۔۔ ہم جیسے تو بس داد دے سکتے ہیں ۔۔ بہت اچھی لکھی ۔۔:clapp:

اتنی جلدی میں ایسی اچھی غزل
واہ واہ

بہت اچھی غزل ہے عمار - بہت عمدہ-

بہت اچھی غزل ہے عمار بہت خوب۔ لا جواب

جیا، زہرا، سارہ، امر شہزاد، آپ سب کا بہت شکریہ۔
فرخ بھائی اور وارث بھائی! سراہنے پر آپ کا بھی شکریہ لیکن آپ لوگوں نے صرف اس پر اکتفا نہیں کرنا ہے۔ اصلاح بھی کرنی ہے۔۔۔۔
وارث بھائی۔۔۔۔۔!!! آج یومِ شعر و سخن ہے آج چھٹی نہیں۔

غزل ہے ہی عمدہ - مجھے تو اس میں کوئی کجی نظر نہیں‌ آئی - شاید وارث صاحب کچھ مزید رہنمائی کرسکیں-

.

اچھی غزل ہے عمار۔۔ لیکن کیوں کہ اصلاح کے لئے یہاں پیش کی گئی ہے اس لئے لازم ہے کہ فصیل سے جائزہ لوں:
آرزوئے وصال مت کیجے
اپنے دل کا خیال مت کیجے
اچھا واضح مطلع ہے۔ خوب
میں نے دیکھا ہے چاند کو روتے
رات کو عرضِ حال مت کیجے
واہ واہ۔۔۔ اچھا شعر نکالا ہے، مبارک
جو اسے لاجواب کر چھوڑے
کوئی ایسا سوال مت کیجے
شعر یوں تو درست ہے، لیکن ذرا لفظ ’چھوڑے‘ بھلا نہیں لگ رہا۔
اگر ’جو اسے لاجواب کر ڈالے
کلہیں تو۔۔ بات بہتر ہوتی ہے یا بگڑ جاتی ہے۔ وارث، فرخ!!
اس کے وعدے تمام جھوٹے ہیں
خوامخواہ دل نہال مت کیجے
دوسرے مصرع میں ’خواہ مخواہ‘ محض ’خامخا‘ تقطیع ہو رہا ہے، جب کہ یہ خاہ مخاہ ہونا چاہئے۔ یعنی بر وزن فعل فعول
اگر محض ’اس طرح ‘ کر دیا جائے تو؟
دل تو اپنا رقیب ٹھہرا ہے
اس سے کچھ بول چال مت کیجے
درست ہے، لیکن اگر پہلے مصرع کو تھوڑا بدل دیں تو بات بہتر ہو جائے شاید:
دل تو اپنا/آخر رقیب ہی ٹھہرا
کیوں بھلا؟ چھوڑیئے یہ سب عمار
اپنا جینا محال مت کیجے
یہاں ’کیو‫‫ں بھلا‘ ذرا کھٹک رہا ہے۔ کچھ متبادل مصرعے
ٹالیے چھوڑیے میاں عمار
کیوں پریشاں ہیں، چھوڑیے عمار
مجموعی طور پر بہت اچھی غزل ہے۔ مبارک ہو عمار۔

عمار بھائی بہت شگفتہ تحریر ہے اور چاچو نے چرخہ چلا کر مزید حسین کر دیا ہے۔

بہت خوب عمار۔
یہ شعر کیا خوب کہا ہے۔
میں نے دیکھا ہے چاند کو روتے
رات کو عرضِ حال مت کیجے

عمار صاحب بہت خوب بہت ہی خوب اور معنی خیز غزل ہے، واہ واہ واہ۔

عمار واقعی اعجاز صاحب کی رائے بہت صائب ہے - اس پر غور کیجیے گا تو غزل مزید بہتر ہوجائے گی -

واہ عمار، اتنی سی عمر اور عمدہ شاعری!

بہت خوب عمار بھائی بحرِ حفیف وارث صاحب کی پسند کی بحر ہے میں نے بھی ان کا مضمون پڑھ کر دو ،تین غزلیں لکھ لی تھی لیکن ان غزلوں میں سے کوئی بھی اسی نہیں تھی جو آپ کی اس غزل کے برابر ہوتی آپ کی یہ غزل بہت پسند آئی بہت خوب جس طرح ایک شعر بہت زیادہ پسند کیا گیا اسی طرح مجھے بھی وہ ہی شعر سب سے زیادہ پیارا لگا ہے
میں نے دیکھا ہے چاند کو روتے
رات کو عرضِ حال مت کیجے
کیا شعر ہے بہت خوب باقی غزل بھی اپنی مثال آپ ہے جاری رکھے شکریہ

بحر خفیف تو مجھے بھی بہت پسند آئی ہے۔

دخل در معقولات کی معذرت ۔۔۔

میں نے دیکھا ہے چاند کو روتے
رات کو عرضِ حال مت کیجے
اس سال کا پسندیدہ شعر