احوال ِغریباں ہے کہ سوزِ رواں ہے

تازہ غزل برائے اصلاح حاضرِ خدمت ہے
احوال ِغریباں ہے یا سوزِ رواں ہے
صد حیف کہ خون ارزاں اور آب گراں ہے
جائے تو کہاں جائے نادارِ زمانہ
یاں پیشِ نظر سب کے اب سُود و زِیاں ہے
نایا ب ہوئے جب سے ایثار و محبت
ہر آنکھ میں آنسو ہیں ہر لب پہ فُغاں ہے
مفقود تھی پہلے ہی کردار کی عظمت
گفتار کا غازی بھی اب شعلہ فِشاں ہے
کیوں بھول گئے ہم وہ الفاظ سنہری
وہ بابِ اخوّت جو قرآں میں بیاں ہے
ٹیگ: اساتذہ کرام و برادران
مفعول مفاعیلن مفعول فَعولن یا مفاعیل

بہت اعلیٰ جناب۔۔۔۔

شیرازخان نے کہا:

بہت اعلیٰ جناب۔۔۔ ۔

مزید نمائش کے لیے کلک کریں۔۔۔

شکریہ، شاد رہیں

غزل اچھی ہے۔
میرے لیے نامانوس وزن ہے، اس لیے پڑھنے میں مزہ نہیں آرہا۔

ابن رضا بھائی اس بحر کی کوئی اور(مشہور) غزل (یا نظم) اگر مہیا ہو تو عنایت کریں ۔خواہ کسی شاعر کی بھی ہو ۔

میرے خیال میں اس سے ملتا جلتا مشہور وزن اس کے آخر میں ایک سبب خفیف کے اضافے کے ساتھ یہ ہے:
مفعول مفاعیلن مفعول مفاعیلن
یارب! دل مسلم کو
وہ زندہ تمنا دے
جو قلب کو گرما دے
جو روح کو تڑپا دے
ارکان ممکن ہے یوں ہوں یا یوں ہوں: مفعول فعولن مفعولات مفاعیلن

سید عاطف علی نے کہا:

ابن رضا بھائی اس بحر کی کوئی اور(مشہور) غزل (یا نظم) اگر مہیا ہو تو عنایت کریں ۔خواہ کسی شاعر کی بھی ہو ۔

مزید نمائش کے لیے کلک کریں۔۔۔

بڑا مشکل کام سونپ دیا ہے آپ نے۔ کوشش کرتا ہوں شاید مل جائے ۔ ویسے ایک اور بہتر حل ہے کہ اس کو دوبارہ اس وزن پر پیش کرتا ہوں
مفعول مَفاعیل مَفاعیل فَعولن
کیا خیال ہے؟

بہت خوب۔

خوب بحر ہے، ویسے میں نے اس کی تقطیع اس طرح کی
مفعول مفاعیلن مفعول فعولن یا مفاعیل
احوال ِغریباں ہے کہ سوزِ رواں ہے
صد حیف کہ خون ارزاں اور آب گراں ہے
÷÷پہلے مصرع میں کہ بر وزن کے اچھا نہیں لگتا، یاں ’یا‘ کہنے میں کیا قباحت ہے؟
جائے تو کہاں جائے نادارِ زمانہ
کہ پیشِ نظر سب کے اب سُود و زِیاں ہے
÷÷یہاں بھی وہی ’کہ‘ بر وزن ’کے‘
مرتے ہیں یہاں پل پل، افلاس کے مارے
مسئول عُمَر ہے؟ تو بولے وہ کہاں ہے؟
۔۔واضح نہیں ہو سکا، روانی بھی مار لھا رہی ہے ‘تو بولے وہ‘ میں،
نایا ب ہوئے جب سے ایثار و محبت
ہر آنکھ میں آنسو ہیں ہر لب پہ فُغاں ہے
÷÷درست
مفقود تھی پہلے ہی کردار کی عظمت
گفتار کا غازی بھی اب شعلہ فِشاں ہے
۔۔ درست
ہم بھول کیوں بیٹھے ہیں وہ حرف سنہری
وہ بابِ اخوّت جو قرآں میں بیاں ہے
÷÷پہلے مصرع میں کیوں‘ محض ’کُ‘ تقطیع ہو رہا ہے جو نا گوار لگتا ہے۔ اور پھر ایک ہی حرف؟

کیوں بھول گئے ہم وہ حرف سنہری

ابن رضا نے کہا:

بڑا مشکل کام سونپ دیا ہے آپ نے۔ کوشش کرتا ہوں شاید مل جائے ۔ ویسے ایک اور بہتر حل ہے کہ اس کو دوبارہ اس وزن پر پیش کرتا ہوں
مفعول مَفاعیل مَفاعیل فَعولن
کیا خیال ہے؟

مزید نمائش کے لیے کلک کریں۔۔۔

نہیں، رہنے دیں، اب تو اصلاح بھی ہوچکی ہے اور مانوس بھی لگنے لگا ہے۔

محمد اسامہ سَرسَری نے کہا:

کیوں بھول گئے ہم وہ حرف سنہری

مزید نمائش کے لیے کلک کریں۔۔۔

تقطیع؟
کیوں بھول گئے ہم وہ الفاظ سنہری

الف عین نے کہا:

تقطیع؟
کیوں بھول گئے ہم وہ الفاظ سنہری

مزید نمائش کے لیے کلک کریں۔۔۔

کیوں بھول گئے ہم وہ الفاظ سنہری
مفعول: کو بھول
مفاعیلن: گئے ہم وہ
مفعول: الفاظ
فعولن: سنہری

سید ذیشان نے کہا:

بہت خوب۔

مزید نمائش کے لیے کلک کریں۔۔۔

شکریہ ذیشان بھائی ، خوش رہیں

ہائیں۔۔۔۔ ابن رضا بھائی۔۔۔ آپ بھی۔۔۔۔
اچھا لکھتے ہیں۔۔۔

الشفاء نے کہا:

ہائیں۔۔۔ ۔ ابن رضا بھائی۔۔۔ آپ بھی۔۔۔ ۔
اچھا لکھتے ہیں۔۔۔

مزید نمائش کے لیے کلک کریں۔۔۔

بس چھوٹی موٹی تک بندی کر ہی لیتےہیں
شکریہ عزیزم شاد رہیں۔

الف عین نے کہا:

تقطیع؟
کیوں بھول گئے ہم وہ الفاظ سنہری

مزید نمائش کے لیے کلک کریں۔۔۔

دماغ میں ”الفاظ“ تھا اور ٹائپ ”حرف“ کردیا۔
سبقتِ ”ٹائپنگ“

درست افاعیل وہی ہیں جو استاد محترم الف عین نے بتائے۔
یہ وزن یہاں سے آیا:
مفعولُ مفاعیلُ مفاعیلُ فعولن
مفعولُ مفاعیل مفاعیلُ فعولن
اان دونوں اوزان کا خلط بھی جائز ہے۔
اس میں ایک سبب خفیف بڑھا دیں تو بنے گا:
مفعولُ مفاعیل مفاعیل مفاعیلن
جس سے یہ وزن بھی بنتا ہے جیسا اوپر بتایا گیا:
مفعول مفاعیلن مفعول مفاعیلن
اور اس میں ایک سبب خفیف کم کیا جائے تو بنتا ہے:
مفعولُ مفاعیلُ مفاعیلُ فعل
یہ رباعی کا بنیادی وزن ہے۔
ان میں ہر ایک وزن سے سولہ 16 اوزان بنتے ہیں۔

مزمل شیخ بسمل نے کہا:

درست افاعیل وہی ہیں جو استاد محترم الف عین نے بتائے۔
یہ وزن یہاں سے آیا:
مفعولُ مفاعیلُ مفاعیلُ فعولن
مفعولُ مفاعیل مفاعیلُ فعولن
اان دونوں اوزان کا خلط بھی جائز ہے۔
اس میں ایک سبب خفیف بڑھا دیں تو بنے گا:
مفعولُ مفاعیل مفاعیل مفاعیلن
جس سے یہ وزن بھی بنتا ہے جیسا اوپر بتایا گیا:
مفعول مفاعیلن مفعول مفاعیلن
اور اس میں ایک سبب خفیف کم کیا جائے تو بنتا ہے:
مفعولُ مفاعیلُ مفاعیلُ فعل
یہ رباعی کا بنیادی وزن ہے۔
ان میں ہر ایک وزن سے سولہ 16 اوزان بنتے ہیں۔

مزید نمائش کے لیے کلک کریں۔۔۔

شکریہ شیخ صاحب اگر مذکور افاعیل درست ہیں تو پھر جو تقطیع عروض ڈاٹ کام کر رہا ہے وہ غیر حقیقی ہے تو سید ذیشان صاحب کو رپورٹ کرنا چاہیےیہ مسئلہ؟؟
ہزج مثمن اخرب مکفوف محذوف
مفعول فَعولن مفعولاتُ فَعولن
http://www.aruuz.com/Create/Output/21383#