اساتذہ کرام سے اصلاح اور احباب سے آراء کی درخواست ہے (شکیل احمد خان)

کہاں ہیں وہ جنھیں ہم یارِ غار کہتے تھے
کہ وہ بھی جو ہمیں دل کا قرار کہتے تھے
بدل نہ جانا کہیں تم بدلتے وقت کے ساتھ
وہ خود ہی بدلے جو یہ بار بار کہتے تھے
میں رونا روؤں اب اُس کا یا خود اُسے روؤں
مرا وہ دل جسے باغ و بہار کہتے تھے
ہیں کانٹے تیغِ تبسم سے گل کے واماندہ
اِنھیں بھی حسن کا بعضے شکار کہتے تھے
ترے فراق میں ویران دل کی دنیا تھی
ہم اس خرابے کو اجڑا دیار کہتے تھے
گزر رہی ہے بڑے ضبط سے شکیلؔ اپنی
حیات، آپ جسے اضطرار کہتے تھے

کہاں ہیں وہ جنھیں ہم یارِ غار کہتے تھے
کہ وہ بھی جو ہمیں دل کا قرار کہتے تھے
'کہ' کی معنویت واضح نہیں ہو سکی
بدل نہ جانا کہیں تم بدلتے وقت کے ساتھ
وہ خود ہی بدلے جو یہ بار بار کہتے تھے
.. بدلے کی ے کا اسقاط اچھا نہیں
میں رونا روؤں اب اُس کا یا خود اُسے روؤں
مرا وہ دل جسے باغ و بہار کہتے تھے
... بہت خوب، پسند آیا، واہ!
ہیں کانٹے تیغِ تبسم سے گل کے واماندہ
اِنھیں بھی حسن کا بعضے شکار کہتے تھے
... پہلا مصرع واضح نہیں ہو؛، گل کے کانٹے؟
ترے فراق میں ویران دل کی دنیا تھی
ہم اس خرابے کو اجڑا دیار کہتے تھے
.. درست
گزر رہی ہے بڑے ضبط سے شکیلؔ اپنی
حیات، آپ جسے اضطرار کہتے تھے
... ٹھیک

الف عین نے کہا:

کہاں ہیں وہ جنھیں ہم یارِ غار کہتے تھے
کہ وہ بھی جو ہمیں دل کا قرار کہتے تھے
'کہ' کی معنویت واضح نہیں ہو سکی

مزید نمائش کے لیے کلک کریں۔۔۔

کہاں گئے جنہیں ہم یارِ غار کہتے تھے
وہی کہ جو ہمیں دل کا قرار کہتے تھے

الف عین نے کہا:

بدل نہ جانا کہیں تم بدلتے وقت کے ساتھ
وہ خود ہی بدلے جو یہ بار بار کہتے تھے
.. بدلے کی ے کا اسقاط اچھا نہیں

مزید نمائش کے لیے کلک کریں۔۔۔

بدل نہ جانا کہیں تم بدلتے وقت کے ساتھ
جفا سے پہلے وہ یہ بار بار کہتے تھے

الف عین نے کہا:

ہیں کانٹے تیغِ تبسم سے گل کے واماندہ
اِنھیں بھی حسن کا بعضے شکار کہتے تھے
... پہلا مصرع واضح نہیں ہو؛، گل کے کانٹے؟

مزید نمائش کے لیے کلک کریں۔۔۔

تھے کانٹے جوشِ بہاراں سے شاخِ گل پر وا
انہیں بھی حسن کا ہم شاہکار کہتے تھے

اب درست ہو گئے ہیں اشعار

الف عین نے کہا:

اب درست ہو گئے ہیں اشعار

مزید نمائش کے لیے کلک کریں۔۔۔

شکریہ استادِ محترم۔

شکیل احمد خان23 نے کہا:

شکریہ استادِ محترم۔

مزید نمائش کے لیے کلک کریں۔۔۔

درست غزل لکھ دیجیے