اصلاح درکار ہے

ستاد گرامی غزل کو چیک کیجیے اور جہاں اصلاح کی ضرورت مہربانی فرما کے کر دیجیئےدیجیئے
زلف محبوب کا کیا خوب نظارہ ہو گا
ڈوبتے وقت ہمیں کچھ تو سہارا ہو گا
وہ تجھے بھول گیا بھولنے دے غم نہ کر
تیری قسمت میں کوئی اور ستارہ ہو گا
رات کی نیند گئی دن کا سکوں کھو بیٹھے
بیٹھے ہیں تاک میں کب ہم کو اشارہ ہو گا
دِل کا سودا ہے منافع نہیں تکتے اِس میں
گھاٹے میں ہم رہیں کب ان کو گوارا ہو گا
سائل اب لوٹ چلو بیٹھنے سے کیا حاصل
شام ڈھلنے سے ذرا پہلے پکارا ھو گا

بہت خوب
وہ تجھے بھول گیا بھولنے دے غم نہ کر
تیری قسمت میں کوئی اور ستارہ ہو گا

شکریہ کاظمی صاحب

خوب
زلف محبوب کا کیا خوب نظارہ ہو گا
ڈوبتے وقت ہمیں کچھ تو سہارا ہو گا
دور سے بہت اچھے لگتے ہیں جب رات پنکھے کی ہوا ان زلفوں کو منہ اڑا پھرتے ہیں تو پتا چلتا زلف اچھی ہوتی ہے یا نیند حرام ہونا۔

نوازش ھے جناب

Shahzad hussain نے کہا:

شام ڈھلنے سے ذرا پہلے پکارا ھو گا

مزید نمائش کے لیے کلک کریں۔۔۔

نہیں بھئی شام ڈھلنے سے پہلے نہیں پکارا تھا، کسی اور وقت پکارا ہوگا

چوھدری صاحب یھاں بھتر کیا ھو گا

کوی صا حب نظر دیکھ کے بتا دے

اچھی غزل ہے، اصلاح کی بہت زیادہ ضورورت تو نہیں۔ لیکن دو باتیں پھر بھی
ای ۔۔ سہارا ہونا محاورہ نہیں سنا۔ سہارا ملے گا بولا جاتا ہے میرے خیال میں۔
اور یہ
دِل کا سودا ہے منافع نہیں تکتے اِس میں
گھاٹے میں ہم رہیں کب ان کو گوارا ہو گا
منافع ’تکنا‘ چہ معنی دارد؟ گھاٹے میں ۔۔ کی ’ے‘ کا اسقاط بھی گوارا نہیں

شکریہ الف عین صاحب

خوب

بہت خوب

بہت خوب ۔ بیتِ ثانی کے مصرع اولٰی میں "نہ" کو ہجائے بلند باندھا گیا ہے جب کہ یہ کوتاہ باندھا جاتا ہے
اس طرف شاید سر الف عین کا دھیان نہیں گیا

الف عین نے کہا:

ای ۔۔ سہارا ہونا محاورہ نہیں سنا۔ سہارا ملے گا بولا جاتا ہے میرے خیال میں۔

مزید نمائش کے لیے کلک کریں۔۔۔

چاچو، سہارا ملنا یقیناً محاورہ ہے لیکن ہم نے "سہارا ہونا" بھی مستعمل پایا ہے۔ اب یہ کتنا فصیح ہے اس پر کوئی رائے دینے سے قاصر ہیں۔ مثلاً عام بول چال میں کہا جاتا ہے کہ "اے رب اب تیرا ہی سہارا ہے"۔ اسی طرح ایک غزل میں بھی کچھ یوں سنا ہے:
ہر چند سہارا ہے ، تیرے پیار کا دل کو
رہتا ہے مگر ، ایک عجب خوف سا دل کو
ویسے آپس کی بات ہے کہ ہم نے بھی اپنی ایک تک بندی میں اسے کچھ یوں استعمال کیا ہے:
رہگزر زیست کی لمبی سہی دشوار سہی
سہل ہو جاتی اگر تیرا سہارا ہوتا

شکریہ سب صاحبوں جنہوں اس بندہ نا چیز کے کلام کو اس قابل سمجھا کے اس پہ بات کی جا سکے

سعود میاں کی بات سے متفق ہوں، ’کا سہارا ہے‘ تو درست ہے لیکن میرا اعتراض
ڈوبتے وقت ہمیں کچھ تو سہارا ہو گا
یعنی ’کو سہارا‘ پر اعتراض تھا،
ہاں ’نہ‘ بطور ’نا‘ استعمال پر اعتراض اکثر میں چھوڑ دیا کرتا ہوں، اگرچہ یہ مجھے پسند نہیں!!