اصلاح سخن: عید کی ہرخوشی ہو مبارک تجھے

عید کی ہرخوشی ہو مبارک تجھے
حضرت الف عین مدظلہ العالی سے نظر کرم کی خصوصی درخواست کے ساتھ:
فاخر ؔ
اس غزل میں ’نگار ِ پری پیکر سے عید کی مبارک بادی‘کے ضمن میں ’’خطاب‘ہے۔
جشن کی یہ گھڑی، ہو مبارک تجھے
عید کی ہر خوشی ، ہو مبارک تجھے
اے مرے دلربا ، ساقیا ، دل نشیں!
زیست کی خسروی ، ہو مبارک تجھے
فسق سے پاک ہے ، میری یہ عاشقی
دل کی پاکیزگی ، ہو مبارک تجھے
ہر تعیش ترے، دم بدم ہوں نگیں
ایسی ہی سروری ، ہو مبارک تجھے
نذر کیا میں کروں ؟ اک دعا کے سوا
رخ کی تابندگی، ہو مبارک تجھے
ہجر کے اشک ہیں میری تر دامنی
تحفۂ عاشقی ، ہو مبارک تجھے
یہ مخطط جبیں، ہے یہ ایماں مرا
رب کی کاری گری ، ہو مبارک تجھے

افتخاررحمانی فاخر نے کہا:

نذر کیا کروں ؟ اک دعا کے سوا

مزید نمائش کے لیے کلک کریں۔۔۔

یہ مصرع وزن میں نہیں شاید کتابت میں 'میں' چھوٹ گیا۔
باقی سب ٹھیک ہیں۔
آخری شعر میں دولختی تو نہیں البتہ ربط کمزور ضرور ہے۔

سید عاطف علی نے کہا:

یہ مصرع وزن میں نہیں شاید کتابت میں 'میں' چھوٹ گیا۔
باقی سب ٹھیک ہیں۔
آخری شعر میں دولختی تو نہیں البتہ ربط کمزور ضرور ہے۔

مزید نمائش کے لیے کلک کریں۔۔۔

ٹائپنگ میں ’’میں‘‘ چھوٹ گیا تھا،اب اس کی تدوین کردی ہے نیز مقطع کے مصرعہ اولیٰ میں بھی تبدیلی کی ہے۔

بہت خوبصورت

مقطع میری سمجھ میں نہیں آیا. مخطط کن معنوں میں؟

الف عین نے کہا:

مقطع میری سمجھ میں نہیں آیا. مخطط کن معنوں میں؟

مزید نمائش کے لیے کلک کریں۔۔۔

سجدے کا داغ مراد ہے ۔ لکیر کی شکل میں بھی ہوتا ہے۔ غالبا یہی مراد ہے ذرا لفظی تکلف کے ساتھ۔

افتخاررحمانی فاخر نے کہا:

یہ مخطط جبیں

مزید نمائش کے لیے کلک کریں۔۔۔

مخطط تو چہرہ یا رخسار ہوتا ہے، جبیں پر خط نہیں اگتا۔
بقول میر
تیرا رخِ مخطط قرآن ہے ہمارا
بوسہ بھی لیں تو کیا ہے ایمان ہے ہمارا

فاتح نے کہا:

مخطط تو چہرہ یا رخسار ہوتا ہے، جبیں پر خط نہیں اگتا۔
بقول میر
تیرا رخِ مخطط قرآن ہے ہمارا
بوسہ بھی لیں تو کیا ہے ایمان ہے ہمارا

مزید نمائش کے لیے کلک کریں۔۔۔

ارے زبردست۔
شاعر صاحب کے بطن میں دیکھیں کیا معنی ہے ۔ افتخاررحمانی فاخر صاحب۔

سید عاطف علی نے کہا:

ارے زبردست۔
شاعر صاحب کے بطن میں دیکھیں کیا معنی ہے ۔ افتخاررحمانی فاخر صاحب۔

مزید نمائش کے لیے کلک کریں۔۔۔

ہو سکتا ہے ان کےپری پیکر کو ہارمونل پرابلمز ہوں۔

What Causes Hair Growth On Forehead?
Growth of hair also depends on hormones.
It is predominantly associated with the male hormone testosterone, especially the density and coarseness is related to the hormones. Excessive hair of such type on unwanted area is often called hirsutism in women. The underlying cause is hormones.

مزید نمائش کے لیے کلک کریں۔۔۔

ویسے تو آپ نے انہیں معنی عطا کر دیے ہیں:

سید عاطف علی نے کہا:

سجدے کا داغ مراد ہے ۔ لکیر کی شکل میں بھی ہوتا ہے۔ غالبا یہی مراد ہے ذرا لفظی تکلف کے ساتھ۔

مزید نمائش کے لیے کلک کریں۔۔۔

لیکن جو عمر افتخار صاحب کی تصویر میں لگ رہی ہے تقریباً اسی عمر کا ان کا پری پیکر بھی ہو گا اور اس عمر میں ماتھے پر سجدے کا داغ پڑنا طبی طور پر ممکن نہیں۔

فاتح نے کہا:

ہو سکتا ہے ان کےپری پیکر کو ہارمونل پرابلمز ہوں۔
ویسے تو آپ نے انہیں معنی عطا کر دیے ہیں:
لیکن جو عمر افتخار صاحب کی تصویر میں لگ رہی ہے تقریباً اسی عمر کا ان کا پری پیکر بھی ہو گا اور اس عمر میں ماتھے پر سجدے کا داغ پڑنا طبی طور پر ممکن نہیں۔

مزید نمائش کے لیے کلک کریں۔۔۔

دنیا پہاڑ کھود کے چوہا برآمد کرتی ہے آپ چوہے میں پہاڑ نکال لائے۔
ویسے نمائندہ تصویر پر سمند ادراک کو اتنا قوی مہمیز دینا گمراہ کن ہو سکتا ہے۔

لگتا ہے کہ مصلحین کو محفل پر عید کی بھی چھٹی نہیں!

عرفان سعید نے کہا:

لگتا ہے کہ مصلحین کو محفل پر عید کی بھی چھٹی نہیں!

مزید نمائش کے لیے کلک کریں۔۔۔

ارے یہ آڑ میں اصلاح کی بس
یونہی چھٹی گزاری جا رہی ہے

سید عاطف علی نے کہا:

ویسے نمائندہ تصویر پر سمند ادراک کو اتنا قوی مہمیز دینا گمراہ کن ہو سکتا ہے۔

مزید نمائش کے لیے کلک کریں۔۔۔

افتخار صاحب شاید ادراک اور سمند دونوں سے متفق نہ ہوں اور اسے حمارِ جنون پر محمول کریں۔

فاتح نے کہا:

افتخار صاحب کی تصویر میں لگ رہی ہے تقریباً اسی عمر کا ان کا پری پیکر بھی ہو گا

مزید نمائش کے لیے کلک کریں۔۔۔

تمام اہل ایمان کو اولاً: ’’عید مبارک تقبل اللہ منا و منکم الاعمال الصالحۃ‘‘
عید کی چھٹی اور احباب سے ملاقات کی وجہ سے اتنی فرصت نہیں ملی کہ کل ان تمام تبصرہ جات کے جوابات ر قم کرتا ،خیر ! دیر آید درست آید ۔
شاید آپ کو یاد ہو یا نہ ہو ؛لیکن اس سے قبل کئی بار عرض کرچکا ہوں کہ :’ نمائندہ تصویر میرے عزیز از جان بھتیجے احمدنیازی سلمہ اللہ کی ہے‘‘۔ میں نے اپنی تصویر بھی اس سے قبل پوسٹ کی تھی ؛لیکن میں یہ سمجھتا ہوں کہ میری پہچان میرے اس بھتیجے سے ہی وابستہ ہے۔
پری پیکر تو محض ایک خیالی شی ہے ،جو شاعرانہ وجدان کے تحت متموج ہوا کرتا ہے ،جس کی کوئی ’’صداقت‘‘ نہیں ہے۔

فاتح نے کہا:

خطط تو چہرہ یا رخسار ہوتا ہے، جبیں پر خط نہیں اگتا۔
بقول میر
تیرا رخِ مخطط قرآن ہے ہمارا
بوسہ بھی لیں تو کیا ہے ایمان ہے ہمارا

مزید نمائش کے لیے کلک کریں۔۔۔

آپ نے نبض پکڑلی ،جب میں چاند رات یہ غزل لکھ رہا تھا تو میرے ذہن میں میرؔ تقی میرؔ کا یہی شعر گردش کرر ہا تھا اور یہ سچ ہے کہ ’’ یہ مخطط جبیں ہے یہ ایماں مرا‘‘ میرؔ کے اس شعر سے متأثر ہے۔ تاہم اب اس شعر کو بدل کر یوں کردیا ہے:’’خالِ مشکیں ترا، ہے یہ ایماں مرا ---رب کی کاری گری، ہو مبارک تجھے ‘‘

الف عین نے کہا:

مقطع میری سمجھ میں نہیں آیا. مخطط کن معنوں میں؟

مزید نمائش کے لیے کلک کریں۔۔۔

پہلے عید کی مبارک بادی قبول فرمائیں! تقبل اللہ منا و منکم الاعمال الصالحۃ‘‘
درست فرمایا اب شعر کو بدل دیا ہے ۔اب یہ شعر ’’خالِ مشکیں ترا ،یہ ہے ایماں مرا---رب کی کاری گری ،ہو مبارک تجھے‘‘

افتخاررحمانی فاخر نے کہا:

یہ مخطط جبیں، ہے یہ ایماں مرا
رب کی کاری گری ، ہو مبارک تجھے

مزید نمائش کے لیے کلک کریں۔۔۔

مقطع میں تبدیلی کی گئی ہےاب اس کو یوں پڑھیں:
خالِ مشکیں ترا ہے یہ ایماں مرا
رب کی کاری گری ،ہو مبارک تجھے

افتخاررحمانی فاخر نے کہا:

شاید آپ کو یاد ہو یا نہ ہو ؛لیکن میں اس سے کئی بار قبل بھی عرض کرچکا ہوں کہ :’ نمائندہ تصویر میرے عزیز از جان بھتیجے احمدنیازی سلمہ اللہ کی ہے۔ میں نے اپنی تصویر بھی اس سے قبل پوسٹ کی تھی ؛لیکن میں یہ سمجھتا ہوں کہ میری پہچان میرے اس بھتیجے سے ہی وابستہ ہے۔

مزید نمائش کے لیے کلک کریں۔۔۔

نمائندہ تصویر دیکھ کر بچہ جان کے غلط فہمی کے باعث تخاطب میں کوئی گستاخی نہ سرزد ہو۔ اس لیے بہتر ہو گا کہ اپنی عمر ضرور بتا دیں
میں نے یہ تمام مراسلے واقعی آپ کو بچہ سمجھ کر ہی کیے۔

فاتح نے کہا:

نمائندہ تصویر دیکھ کر بچہ جان کے غلط فہمی کے باعث تخاطب میں کوئی گستاخی نہ سرزد ہو۔ اس لیے بہتر ہو گا کہ اپنی عمر ضرور بتا دیں
میں نے یہ تمام مراسلے واقعی آپ کو بچہ سمجھ کر ہی کیے۔

مزید نمائش کے لیے کلک کریں۔۔۔

میری عمر تقریباً 27-28سال ہوگی۔لیکن پھر بھی آنجناب مصلحین کےسامنے بچہ ہی ہوں اور بڑوں کےسامنے ہمیشہ بچہ ہی رہوں گا۔

خالِ مشکیں بھی عجیب ترکیب ہے، واقعی خال ہے یا خوشبو والی بریانی کا تھال ہے! اس پر ایمان! بس اس خال سے ہی رب کی کاریگری کا ثبوت ملتا ہے اور اسی کے باعث وہ دلربا اور دلنشیں ہے؟
.. مقطع تو ہے ہی نہیں اس غزل میں، اس آخری شعر کو مقطع کہنا غلط ہے، مقطع میں تخلص ضروری ہے