اصلاح سخن : یہ عشوہ گری ، یہ ہے تیرا تصدق

استادنا مخدومنا حضرت قبلہ الف عین صاحب مدظلہ سے نظر عنایت کی گزارش :
غزل
افتخار رحمانی فاخرؔ
یہ عشوہ گری، یہ ہے تیرا تصدق
ہے میری خوشی،یہ ہے تیراتصدق
خدا نے ہمیں جو سلیقہ دیا ہے
نوازش بھی کی ، یہ ہے تیرا تصدق
ثناخواں تھی کل شب ، مئے ارغواں بھی
یہ شیشہ گری ، یہ ہے تیرا تصدق
کروں رشک میں اس تہی دامنی پر
تہی دامنی ،یہ ہے تیرا تصدق
نہ پوچھو کبھی مجھ سے غم ہائے سودا
نمی آنکھ کی، یہ ہے تیرا تصدق !
تری نذر ہے میرا ہر حرف ہمدم
مری شاعری، یہ ہے تیرا تصدق
تخیل ،تغزل ، تکلم ، ترنم
یہ افسوں گری ، یہ ہے تیرا تصدق
یہ بلبل کی کو کو ، فضاؤں کی خوشبو
یہ نغمہ گری ، یہ ہے تیرا تصدق

افتخاررحمانی فاخر نے کہا:

تخیل ،تغزل ، تکلم ، ترنم
یہ افسوں گری ، یہ ہے تیرا تصدق

مزید نمائش کے لیے کلک کریں۔۔۔

واہ، داد قبول کیجیے۔ خواجہ عزیز الحسن مجذوب رحمہ اللہ کا شعر یاد آ گیا
خوشامد، درآمد، تضرّع، تملّق
سبھی کچھ کیا دل سے مجبور ہو کر

افتخاررحمانی فاخر نے کہا:

کروں رشک میں اس تہی دامنی پر
تہی دامنی ،یہ ہے تیرا تصدق

مزید نمائش کے لیے کلک کریں۔۔۔

واہ بہت اعلی ۔
عمدہ غزل پیش کی افتخار بھائی۔

کیا کہنے بہت خوب

فلسفی نے کہا:

واہ، داد قبول کیجیے۔ خواجہ عزیز الحسن مجذوب رحمہ اللہ کا شعر یاد آ گیا
خوشامد، درآمد، تضرّع، تملّق
سبھی کچھ کیا دل سے مجبور ہو کر

مزید نمائش کے لیے کلک کریں۔۔۔

شکریہ !!!!!!!!!!!! شاید خواجہ مجذوب الحسن رحمۃ اللہ علیہ کے اسی ردیف ’’مجبور ہوکر‘‘ میں شہنشاہ تغزل حضرت جگر مرادآبای علیہ الرحمہ والغفران کی بھی ایک غزل ہے ،اس کا ایک مصرعہ مجھے یاد آرہا ہے : ’’ یہاں تک تو پہنچے وہ مجبور ہوکر‘‘ ۔

آپ تمام حضرات کا تہہ دل سے شکریہ !!
مجھے اسی وقت یقین آئے گا جب حضرت قبلہ الف عین صاحب ’ہاں‘ کہہ دیں

محمد عدنان اکبری نقیبی نے کہا:

واہ بہت اعلی ۔
عمدہ غزل پیش کی افتخار بھائی۔

مزید نمائش کے لیے کلک کریں۔۔۔

جزاک اللہ !!!! بہت بہت تہہ دل سے شکریہ !!!

بہت اچھا لکھا
مجھے نثر لکھنا بھی تو نے سکھایا
مری شاعری یہ ہے تیرا تصدق

افتخاررحمانی فاخر نے کہا:

آپ تمام حضرات کا تہہ دل سے شکریہ !!
مجھے اسی وقت یقین آئے گا جب حضرت قبلہ الف عین صاحب ’ہاں‘ کہہ دیں

مزید نمائش کے لیے کلک کریں۔۔۔

کیا نکاح کا ایجاب و قبول ہے؟ اگر میں 'نہیں' کہہ دوں تو؟ مذاق برطرف، واقعی ردیف مجھے بہت پسند نہیں آئی
سب ترا ہی کرم ہے
قسم کی کچھ بہتر ہوتی
غزل واقعی اچھی ہے اور کوئی کمی محسوس نہیں ہوتی سوائے مطلع کے۔ عشوہ گری کس کی؟

الف عین نے کہا:

کیا نکاح کا ایجاب و قبول ہے؟ اگر میں 'نہیں' کہہ دوں تو؟ مذاق برطرف،

مزید نمائش کے لیے کلک کریں۔۔۔

ھا ھأ ھا ھھھا ھا ھا گرچہ رشتہ ’’ایجاب و قبول‘‘ کا نہیں؛لیکن جس رشتہ کے لیے آپ کو دل نے قبول کیا ہے وہ دنیا کے تمام رشتوں سے بڑھ کر ہے ۔ اللہ تعالیٰ آپ کا سایہ ھما ہم طفلانِ مکتب پر دیر تک رکھے آمین ثم آمین ۔

الف عین نے کہا:

اور کوئی کمی محسوس نہیں ہوتی سوائے مطلع کے

مزید نمائش کے لیے کلک کریں۔۔۔

جی جی درست فرمایا ۔ بہت کچھ آپ لوگوں کی معیت با برکت میں سیکھنے کو ملا ان شاء اللہ یہ خامی بھی دور ہوجائے گی ۔

مطلع میں ترمیم اور مقطع کے ساتھ ایک بار پھر حضرت قبلہ الف عین صاحب زید مجدہ کو زحمت ! امید کہ نظر عنایت فرمائیں گے ۔
غزل
افتخارر حمانی،فاخرؔ
تری کج روی،یہ ہے تیرا تصدق
یہ قسمت مری،یہ ہے تیرا تصدق
خدا نے ہمیں جو سلیقہ دیا ہے
نوازش بھی کی ، یہ ہے تیرا تصدق
ثناخواں تھی کل شب ، مئے ارغواں بھی
یہ شیشہ گری ، یہ ہے تیرا تصدق
کروں رشک میں اس تہی دامنی پر
تہی دامنی ،یہ ہے تیرا تصدق
نہ پوچھو کبھی مجھ سے غم ہائے سودا
نمی آنکھ کی، یہ ہے تیرا تصدق!
تری نذر ہے میراہر حرف ہم دم
مری شاعری، یہ ہے تیرا تصدق
تخیل ،تغزل ، تکلم ، ترنم
یہ افسوں گری ، یہ ہے تیرا تصدق
یہ بلبل کی کو کو ، فضاؤں کی خوشبو
یہ نغمہ گری ، یہ ہے تیرا تصدق
ستم گر! تومیراہے ایمان لیکن
تری کافری ،یہ ہے تیرا تصدق
شکستہ کیا جب بتوں کو ، صنم (1)پھر
ہوئی بندگی، یہ ہے تیرا تصدق
تو فاخرؔ کے لفظوںمیں پنہاں ،ہے میری
یہ خوش قسمتی ، یہ ہے تیرا تصدق
(1) اس فرسودہ لفظ’’صنم‘‘ کے استعمال پر حضرت الاستاد سے معذرت !!!

یہ عشوہ گری، یہ ہے تیرا تصدق
ہے میری خوشی،یہ ہے تیراتصدق
خدا نے ہمیں جو سلیقہ دیا ہے
نوازش بھی کی ، یہ ہے تیرا تصدق
ثناخواں تھی کل شب ، مئے ارغواں بھی
یہ شیشہ گری ، یہ ہے تیرا تصدق
کروں رشک میں اس تہی دامنی پر
تہی دامنی ،یہ ہے تیرا تصدق
واہ واہ بہت خوب!!!

نئے شعر میں لفظ صنم پر اعتراض نہیں بلکہ 'بتوں' کے ساتھ اچھا لگ رہا ہے
البتہ مطلع اب بھی میرے خیال میں جم نہیں رہا

الف عین نے کہا:

نئے شعر میں لفظ صنم پر اعتراض نہیں بلکہ 'بتوں' کے ساتھ اچھا لگ رہا ہے
البتہ مطلع اب بھی میرے خیال میں جم نہیں رہا

مزید نمائش کے لیے کلک کریں۔۔۔

رات میں بہت سرکھپایا ،کئی ترکیب کو ’’الٹ پلٹ‘‘ کر دیکھا، کئی مقتدر شعراء مثلاً حافظؔ ،رومیؔ ، سعدیؔ، امیر خسروؔ ، غالبؔ وغیرہ کی غزلیں کھنگالی ، اس امید کے ساتھ کہ کوئی ’’حل ‘‘ نکل آئے ؛لیکن ناکام رہا،(سرقہ کی ناپاک ’جسارت‘ اور ’کوشش‘ نہیں کی ؛بلکہ ان غزلوں سے استفادہ اور حل ڈھونڈنے کی کوشش کی تھی) جو کمی آپ بتارہے ہیں وہ مجھے بھی محسوس ہوتی رہی اور اب بھی محسوس ہورہی ہے ۔ ان شاءاللہ آئندہ غزلوں میں اس کمی کو دور کرنے کی کوشش کروں گا ۔ دعاء کی درخواست ہے۔

سردار محمد نعیم نے کہا:

یہ عشوہ گری، یہ ہے تیرا تصدق
ہے میری خوشی،یہ ہے تیراتصدق
خدا نے ہمیں جو سلیقہ دیا ہے
نوازش بھی کی ، یہ ہے تیرا تصدق
ثناخواں تھی کل شب ، مئے ارغواں بھی
یہ شیشہ گری ، یہ ہے تیرا تصدق
کروں رشک میں اس تہی دامنی پر
تہی دامنی ،یہ ہے تیرا تصدق
واہ واہ بہت خوب!!!

مزید نمائش کے لیے کلک کریں۔۔۔

بہت بہت شکریہ !!!!یہ ’’کرم گستری، یہ ہے تیرا تصدق ‘‘