اصلاح فرمائے براہِ کرم

شکریہ ، اظہر صاحب، اچھی کوشش ہے ، ماشا اللہ، کچھ فرصت سے حاضر ہوتا ہوں ۔ میری گزارش ہے کہ وارث صاحب اور بابا جانی ( الف عین ) کرم فرمائیں، یہ منصب انہیں کا ہے ۔ آپ اپنے طور پر بھی اساتذہ کرام ( مذکورہ) سے رابطہ کیجے ۔ ویسے جو حکم میں اپنی سی رائے سے آپ کو آگاہ کردیتا ہوں ۔والسلام

شکریہ میرے دوست، آپ کی وضاحت سر آنکھوں پر مگر میرے لیے کسی بھی تخلیق کا صرف کہنا بھی حکم کا درجہ رکھتا ہے ۔ آپ محسوس مت کیجے گا۔

بھئی یہ بائنری نظام تو میری سمجھ سے باہر ہے۔ ویسے کچھ مصرع بحر میں ہیں
جیسے
جو گھاؤ تم نے لگائے انہیں بھرو تو کہیں
مفاعلن فعلاتن مفاعلن فعلن میں درست ہے۔ اسی کو بنیاد بنا کر دوسرے مصرعوں کو بھی پابندِ بحر کیا جا سکتا ہے۔

جو گھاؤ تم۔۔۔ مفاعلن
نِ لگائے۔فعِ لاتن
انہیں بھرو۔ مفاعلن
تُ کہیں۔ فعلن
یہی مطلب ہے تمہارا؟

حق بہ حق دار رسید، شکریہ بابا جانی ، ۔۔اظہر بھیا، خوش نصیب ہیں آپ کہ بابا جانی اپنی مصروفیات میں سے وقت نکال کر یہاں تشریف لائیں ہیں،

ایک بات کہ ’’ ھل من مزید ‘‘ کا جملہ جہنم نے ادا کرنا ہے۔ آپ کیوں حق تلفی کرتے ہیں۔

م۔م۔مغل نے کہا:

ایک بات کہ ’’ ھل من مزید ‘‘ کا جملہ جہنم نے ادا کرنا ہے۔ آپ کیوں حق تلفی کرتے ہیں۔

مزید نمائش کے لیے کلک کریں۔۔۔

معزرت قبول کیجیے

یہ بحرِ مجتث ہے ، ہمارے قابو میں نہیں آتی ۔۔ آپ کا ہاتھ نہ پڑنا تو خیر ، وجہ یہ ہوسکتی ہے کہ ہاتھ ہلکا رکھا آپ نے ، ۔۔ ویسے اب بابا جانی آگئے ہیں، عجلت نہ کیجے ، فراغت پاتے ہی وہ تشریف لے آئیں گے ،۔۔آپ جب تک کوشش بھی کیجے اور دیگر احباب کا کلام بھی پڑھ لیا کیجے ، اس سے بھی مہمیز ملتی ہے ، یہا ں ، الف عین ، نوید صادق،محمد وارث، فاتح الدین بشیر سینئر شعرا ئے کرام ہیں ، نئی نسل کے لوگوں میں ، فرزانہ نیناں، محمد احمد، زہرہ علوی ، قابلِ قدر نام ہیں‌ ، دیگر احباب کے نام ذہنی ناآمادگی کی وجہ کر لکھ نہیں پارہا ، آپ پہلے انہیں پڑھ لیجے اور رائے دیجے ، اس طرح آپ کی جھجھک بھی ختم ہوگی اور نئے نئے ذائقے بھی پڑھنے کو ملیں‌گے ، پسندیدہ کلام کی لڑی میں تو ایک جہانِ سخن آباد ہے ، فرداً فرداً پڑھ لیا کیجے ، والسلام

م۔م۔مغل نے کہا:

یہ بحرِ مجتث ہے ، ہمارے قابو میں نہیں آتی ۔۔ آپ کا ہاتھ نہ پڑنا تو خیر ، وجہ یہ ہوسکتی ہے کہ ہاتھ ہلکا رکھا آپ نے ، ۔۔ ویسے اب بابا جانی آگئے ہیں، عجلت نہ کیجے ، فراغت پاتے ہی وہ تشریف لے آئیں گے ،۔۔آپ جب تک کوشش بھی کیجے اور دیگر احباب کا کلام بھی پڑھ لیا کیجے ، اس سے بھی مہمیز ملتی ہے ، یہا ں ، الف عین ، نوید صادق،محمد وارث، فاتح الدین بشیر سینئر شعرا ئے کرام ہیں ، نئی نسل کے لوگوں میں ، فرزانہ نیناں، محمد احمد، زہرہ علوی ، قابلِ قدر نام ہیں‌ ، دیگر احباب کے نام ذہنی ناآمادگی کی وجہ کر لکھ نہیں پارہا ، آپ پہلے انہیں پڑھ لیجے اور رائے دیجے ، اس طرح آپ کی جھجھک بھی ختم ہوگی اور نئے نئے ذائقے بھی پڑھنے کو ملیں‌گے ، پسندیدہ کلام کی لڑی میں تو ایک جہانِ سخن آباد ہے ، فرداً فرداً پڑھ لیا کیجے ، والسلام

مزید نمائش کے لیے کلک کریں۔۔۔

جی ضرور انشا اللہ

ہاں اب یہ اصلاح کے قابل ہے کہ اس پر کچھ دماغ خرچ کیا جائے، پہلے تو میں اس کی ضرورت بھی محسوس نہیں کرتا تھا۔ اب کچھ مصرعے تو واقعی درست وزن میں ہیں۔ اب ایک ایک کر کے۔۔
جو یم بھی کر نا پائے وہ تم کرو تو کہیں
جو گھاؤ تم نے لگائے انہیں بھرو تو کہیں
شاید ٹائپو ہے، ’جو تم بھی کر‘ لکھنا چاہا ہوگا۔۔ لیکن یہ مصرع بحر سے خارج ہے، ان صورتوں میں درست ہو سکتا ہے۔
جو تم بھی کر نہ سکے ہو، وہ تم کرو تو کہیں/ جو تم بھی کر نہیں پائے ہو، وہ کرو تو کہیں۔۔۔ لیکن تب بھی شعر کا مفہوم فی بطنِ شاعر لگتا ہے۔
یہ جس میں ہم ہیں وہ امتحانِ چاہت ہے
ایسی کسی مشکل میں رب کرے پڑو تو کہیں
کئی باتیں یہاں۔ پہلی بات قافیہ۔۔۔ قافیہ جو تم نے رکھا ہے، وہ زیادہ تر کرو، بھرو، ڈرو‘ ہے۔ اس میں ’پڑو‘ کہاں سے آ گیا؟ اسی طرح ’رکھو‘ قافیہ بھی غلط ہے۔ مطلع میں جو قوافی ہوں گے، غزل ان قوافی کے پیمانے پر ہی ناپی جائے گی۔
دوسری بات۔۔ اضافت، (یعنی ’زیر‘ کا استعمال ّامتحانِ چاہت‘ میں) محض فارسی النسل الفاظ میں جائز مانی جاتی ہے۔ ایک لفظ ہندی اور ایک لفظ فارسی یا عربی ہو، یہ غلط ہے۔ اس حساب سے چاہت کا امتحان تو ہو سکتا ہے۔ امتحانَ چاہت نہیں۔ ہاں۔ ’امتحانِ الفت‘ ممکن ہے۔
بحر میں تو لایا جا سکتا ہے اس کو لیکن پہلے قوافی کو درست کر لیا جائے۔
یہ ڈر ہم کو ہے کہ تم ایک ہی شناسا ہو
تمہارے دوست کئی ہیں اگر ڈرو تو کہیں
دوسرا مصرع وزن میں ہے لیکن پہلا مصرع نہیں، اس طرح بحر میں لایا جا سکتا ہے:
یہ ڈر ہے ہم کوکہ تم ایک ہی شناسا ہو/ یہ ڈر ہے ہم کوکہ تم ایک ہی شناسا ہو/ ہمیں یہ ڈر ہے کہ تم۔۔۔۔ معنی اس وقت نہیں دیکھ رہا ہوں، ورنہ ہر مصرع پر سوالیہ نشان لگ سکتا ہے۔
سبھی نے موردِ الزام ہمیں کو ٹھہرایا تھا
ہہی تہمت سرِ محفل جو تم رکھو تو کہیں
یہ وہی قافئے کی غلطی ہے پھر ۔ پہلا مصرع البتہ یوں وزن میں لایا جا سکتا ہے۔
سبھی نے موردِ الزام ہم کو ٹھہرایا
یہ تہمتیں سرِ محفل جو تم دھرو تو کہیں
میں قافیہ بھی درست ہو سکتا ہے اور وزن بھی۔ لیکن مفہوم کے بارے میں تم فیصلہ کرو کہ درست ہو سکتے ہیں یا نہیں۔
مریں گے کہنا تو آساں ہے مگر اظہر
وصالِ یار کی خاطر اگر مرو تو کہیں
مکمل بحر میں ہو سکتا ہے اگر نون غنہ نہ ہو، معلنہ ہو۔
مریں گے کہنا تو آسان ہے مگر اظہر
وصالِ یار کی خاطر اگر مرو تو کہیں

شکریہ بابا جانی ، ۔