اُستاد جی، شعر لکھنا واقئی مشکل کام ہے، دیکیے تو ذرا

سخنور جی،
بہت شکریہ املا کی اصلاح کے لیے، انشا اللہ کوشش ہو گی آئندہ نہ ہو
سہارا اس معنیٰ میں استعمال کیا ہے کے، کچھ توقف تو کرو- گویا ایک جنونی کیفیت سے نکالنے کے لیا
والسلام
اظہر

اوہو۔ تو سہارا یہ بھی ہوتا ہے، اس غیر پنجابی ہندوستانی کو کس طرح سمجھ میں آتا؟
دوسری بات۔ پلیز اصل پوسٹ میں تدوین نہ کریں تا کہ معلوم ہو کہ کس لفظ کی اصلاح کی گئی ہے۔ محمود مغل نے ’وحشت‘ کے تلفظ پر اعتراض کیا ہے، لیکن مجھے اس وقت یہ درست لگ رہا ہے، شاید اصلاح کر دی گئی۔
اب ایک ایک کر کے پوسٹ مارٹم
محبّت اِس قدر نہ کر، سہارا تو کرو اک پل
خدا کے واسطے مجھ سے، کنارا تو کرو اک پل
’نہ‘ بر وزن ’نا‘ مجھے پسند نہیں، یہاں ’مت‘ کیا جا سکتا ہے، لیکن سوال دونوں مصرعوں میں صیغے کا ہے، پہلے میں تو کا اور دوسرے میں تم کا۔
یہ شّدت لے ہی ڈوبے گی، یہ وحشت مار ڈالے گی
جدائی کا کوئی لمحہ گوارا تو کرو اک پل
شدت؟ کس بات کی؟ شدت پسندی سے مراد ہے کیا؟
مجھے اب خوف لاگے ہے، مجھے اب ڈر ہی لاگے ہے
کرو تھوڑا تدبر تم ، خدارا تو کرو اک پل
مطلب؟، اس کے علاوہ ہندی گیتوں میں تو "لاگے‘ یا "لاگا" اچھا لگ سکتا ہے، غزل میں نہیں۔
چلو میں دن نہیں مانگوں، چلو میں شب نہیں چاہوں
ذرا میرے بنا جانم گزارا تو کرو اک پل
درست
ترا احسان ہے اللہ، بڑا ہے کام کا اظہر
مرا تو تھا زمانے سے، تمہارا بھی کرو اک پل
مطلب؟

عزیزم اظہر، اس غزل کی مکہاں تک اصلاح کی جائے، کسی شعر کا مفہوم بھی درست نہیں نکلتا، اور الفاظ کا انتخاب بھی غلط ہے، اس غزل میں دوبارہ محنت کرو۔

وارث سے بھی گذارش ہے کہ اس غزل پر ان کے خیال میں کچھ کیا جا سکتا ہے یا نہیں؟

اُستاد جی آپ سے اور جناب وارث صاحب سے درخواست ہے راہ نمائی کی
مشکور
اظہر

جب کہ میں مخالفت کروں ہوں‌ جناب،
اظہر بھیا پہلے کئی بار خود کوشش کیجے اور خود تلاش کیجے کہ کیا اغلاط ہیں ، اسی طرح سیکھا جاتا ہے ۔
کیا کہتے ہیں ؟؟ ۔۔ ٹھیک کہا ناں ؟؟ ۔۔۔ ہمم۔۔۔ تو ہوجائیں شروع ۔۔ شاباش ۔۔۔

الف عین نے کہا:

اوہو۔ تو سہارا یہ بھی ہوتا ہے، اس غیر پنجابی ہندوستانی کو کس طرح سمجھ میں آتا؟
دوسری بات۔ پلیز اصل پوسٹ میں تدوین نہ کریں تا کہ معلوم ہو کہ کس لفظ کی اصلاح کی گئی ہے۔ محمود مغل نے ’وحشت‘ کے تلفظ پر اعتراض کیا ہے، لیکن مجھے اس وقت یہ درست لگ رہا ہے، شاید اصلاح کر دی گئی۔

مزید نمائش کے لیے کلک کریں۔۔۔

بابا جانی ،۔ میں نہیں تھا ۔۔قسم سے ۔۔ ۔۔ یہ تو فرخ بھائی تھے۔۔
( باقی میں آپ کی بات سے متفق ہوں ، بابا جانی )