آو مل کر یہ بات سوچیں!!!

ابن رضا — جون 26، 2014 7:27 شام

نظم برائے اصلاح اساتذہ کی نذر
آو مل کر یہ بات سوچیں
جس ڈگر پر ہیں گامزن ہم
راستہ کیا یہی ہے اپنا؟
ہم نے اب تک جو طے کیا ہے
اِس سفر نے ہماری منزل
دُور کی یا قریب کی ہے؟
اِس سفر کی صعوبتوں نے
اور دُشوار، راستوں نے
آبلے ہی دیے ہیں یا پھر
حق شناسی کے لطف سے بھی
دلوں کو آشنا کیا ہے؟
سوچنے کی یہ بات بھی ہے
بے سبب ہی ہوے ہیں کیوںہم
اس تغافل کی نذر اب تک
اُس مسافر کی طرح شاید
بھیڑ لوگوں کی دیکھ کر جو
بیچ رستے میں رُک گیا ہو
بھول بیٹھا ہو عزم اپنا
اِس پڑاو کو اپنی منزل
جیسے اُس نے سمجھ لیا ہو
کاش کوئی اُسے بتا دے
خوابِ غفلت بُری بلا ہے
اس سےپہلے کہ زندگی کی
شام ہم کو نہ دل گرفتہ
اور شکستہ ہی چھوڑ جائے
آو مل کر یہ بات سوچیں
اصل مقصد جو زیست کا ہے
بندہ پرور سے دل لگائیں
عاجزی ہے پسند اس کو
عاجزی کے ہی معجزے سے
دل ہمارے سکون پائیں
قُربِ رب کا ذریعہ پیارو
درحقیقت نماز ہی ہے!
سب سے پہلا سوال بھی تو
درحقیقت نماز ہی ہے!
تقطیع یہاں ملاحظہ کریں(فاعلاتن مفاعلن فِع)۔
ابنِ رضا کی تُک بندیاں
ٹیگ: اساتذہ کرام جناب الف عین صاحب و جناب محمد یعقوب آسی صاحب و برادران

منیر — جون 26، 2014 7:30 شام

جزاک اللہ ۔۔۔ اگر کچھ سوچتے تو آج ایکدوسرے کا گریباں نہ پکڑے ہوتے ۔۔۔اللہ ہم سب کو ہدایت دے

الف عین — جون 27، 2014 4:01 صبح

غیر مانوس بحر کی وجہ سے لگتا ہے کہ کچھ مصرعوں میں ایک آدھ رکن کی کمی زیادتی ہے۔ مانوس بحر میں ہی کر دیں نا، مفاعلاتن مفاعلاتن!!

محمد فہیم — جون 27، 2014 4:22 صبح

ما شا اللہ کافی اصلاحی نظم ہے

ابن رضا — جون 27، 2014 7:17 صبح

منیر نے کہا:
جزاک اللہ ۔۔۔ اگر کچھ سوچتے تو آج ایکدوسرے کا گریباں نہ پکڑے ہوتے ۔۔۔اللہ ہم سب کو ہدایت دے

آمین۔ جزاکم اللہ خیرا!

ابن رضا — جون 27، 2014 9:05 صبح

محمد فہیم نے کہا:
ما شا اللہ کافی اصلاحی نظم ہے

پسند آوری کا شکریہ!! جزاکم اللہ خیرا