ایک اور غزل

بحر: مفعول مفاعیل مفاعیل فعولن
مشتاق ہیں ہم طالبِ دیدار ہوئے ہیں
کوچے سے ترے صبح سے سو بار ہوئے ہیں
(یعنی ہو آئے ہیں. کیا ایسا استعمال درست ہے)
ہم عشقِ صنم میں جو گرفتار ہوئے ہیں
اللہ کی قسم سخت گنہگار ہوئے ہیں
دنیا سے بھی فردوس سے بھی موڑ کے منھ ہم
اے یار فقط تیرے طلبگار ہوئے ہیں
دنیا تو قمر پر ہے مگر اب بھی ادھر تو
عظمت کا نشاں جبہ و دستار ہوئے ہیں
ہم نے ہے کہا خلق کو جینے دو خدارا
مرنے کے اسی بات پہ حقدار ہوئے ہیں
کافر ہے فلاں بدعتی گستاخ فلاں ہے
ہم فتووں سے ملا کے تو بیزار ہوئے ہیں
ملتا ہی نہیں کام کا انسان کوئی اب
سب لوگ یہاں صاحبِ گفتار ہوئے ہیں
سوتے میں تو آتے ہی نہیں خواب ہمیں پر
خوابوں میں ہیں گم جب سے کہ بیدار ہوئے ہیں
پہنچاتے ہیں منزل پہ مگر کون سے رستے
ریحان چلو ان پہ جو پرخار ہوئے ہیں

مطلع کے علاوہ باقی اشعار درست ہیں ریحان۔ بس
سوتے میں تو آتے ہی نہیں خواب ہمیں پر
خوابوں میں ہیں گم جب سے کہ بیدار ہوئے ہیں
پہلا مصرع ’ہمیں پر‘ کی وجہ سے چست نہیں لگ رہا۔ کلاسیکی طرز بیان میں ’ہمیں پر‘ کی جگہ ’ولیکن‘ لایا جا سکتا ہے۔ اگرچہ اس میں ’ہمیں’ نہیں آتا مفہوم میں۔

بہت نوازش جناب.
مطلعِ ثانی کو ہی مطلع کر لوں؟
اور کیا وہ شعر ایسے ٹھیک رہے گا
سوتے میں ہمیں آتے نہیں خواب ولیکن
خوابوں میں ہیں گم جب سے کہ بیدار ہوئے ہیں

سوتے میں ہمیں خواب تو آتے نہیں لیکن

مطلع ثانی کو اول بنا دیں۔ اور خلیل بھائی کا مصرع قبول کر لیں۔

اگر مطلع یوں ہو جائے کہ
قربان ترے کوچے پہ سو بار ہوئے ہیں
اور یہ شعر

MRQ12 نے کہا:

دنیا سے بھی فردوس سے بھی موڑ کے منھ ہم
اے یار فقط تیرے طلبگار ہوئے ہیں

مزید نمائش کے لیے کلک کریں۔۔۔

دنیا سے بھی جنت سے بھی منہ موڑ کے ہم تو
اے یار فقط تیرے طلب گار ہوئے ہیں۔

الشفاء نے کہا:

اگر مطلع یوں ہو جائے کہ

مشتاق ہیں ہم طالبِ دیدار ہوئے ہیں​

قربان ترے کوچے پہ سو بار ہوئے ہیں
اور یہ شعر
دنیا سے بھی جنت سے بھی منہ موڑ کے ہم تو
اے یار فقط تیرے طلب گار ہوئے ہیں۔

مزید نمائش کے لیے کلک کریں۔۔۔

بہت شکریہ جناب ویسے میں نے دوسرا شعر اصل میں ایسے ہی کہا تھا پر بعد میں تبدیل کر دیا تھا۔ "تو" مجھے اشعار میں زیادہ اچھا نہیں لگتا لیکن اس طرح محاورہ صحیح ادا ہو جائے گا۔

خوب است!!

MRQ12 نے کہا:

بہت شکریہ جناب ویسے میں نے دوسرا شعر اصل میں ایسے ہی کہا تھا پر بعد میں تبدیل کر دیا تھا۔ "تو" مجھے اشعار میں زیادہ اچھا نہیں لگتا لیکن اس طرح محاورہ صحیح ادا ہو جائے گا۔

مزید نمائش کے لیے کلک کریں۔۔۔