ایک اور کاوش برائے اصلاح

سید ذیشان حیدر — جنوری 25، 2017 3:00 شام

محترم الف عین راحیل فاروق اور دیگر اساتذہء کرام
ٹوٹے ہیں پیمانے سب
‎اجڑے ہیں میخانے سب
‎
بجھتے بجھتے شمع کے
‎جل گئے پروانے سب
‎بے ستم، بے درد و غم
‎بے مزہ افسانے سب
‎حسن کیوں ہے دربدر
‎مر گئے دیوانے سب؟
‎وقت کیا مشکل پڑا
‎چھٹ گئے یارانے سب
‎میرے گھر ہی آبسے
‎شہر کے ویرانے سب

الف عین — جنوری 26، 2017 4:32 صبح

کیا بحر متعین کی ہے؟ مطلع تو یوں لگتا ہے۔
ٹوٹے ہیں پیمانے سب
فعلن
فعلن
فعلن
فعل
‎اجڑے ہیں میخانے سب
فعلن
فعلن
فعلن
فعل
باقی اشعار بھی اسی وزن میں ڈھالیں تو بہتر ہو گا۔
شمع کا درست وزن ’ع‘ پر جزم کے ساتھ ہے۔ ممکن ہے کہ اسے ’شمعا‘ کیا گیا ہو۔ افاعیل سمجھ میں آئیں تب ہی کہہ سکتا ہوں۔

سید ذیشان حیدر — جنوری 26، 2017 5:31 صبح

سر "فاعلاتن فاعلن" (مدید مربع سالم)
معذرت چاہتا ہوں سر آئند بحر ساتھ لکھ دیا کروں وقت کی بچت اور آسانی کے لئے

سید لبید غزنوی — جنوری 26، 2017 5:40 صبح

بہت خوب ۔۔۔اصلاح سے قبل ہی ہماری طرف سے داد وصول کریں ۔۔۔

La Alma — جنوری 26، 2017 7:35 صبح

زیشان حیدر نے کہا:
بجھتے بجھتے شمع کے
‎جل گئے پروانے سب

زیشان حیدر نے کہا:
حسن کیوں ہے دربدر
‎مر گئے دیوانے سب؟

زیشان حیدر نے کہا:
‎

زیشان حیدر نے کہا:
میرے گھر ہی آبسے
‎شہر کے ویرانے سب

خوب ہے .

زیشان حیدر نے کہا:
بے ستم، بے درد و غم

"بے ستم " کبھی نظر سے نہیں گزرا .

سید ذیشان حیدر — جنوری 26، 2017 12:59 شام

سید لبید غزنوی صاحب بہت شکریہ آپ کی حوصلہ افزائی کا۔

سید ذیشان حیدر — جنوری 26، 2017 1:02 شام

محترمہ @ La Alma
بہت شکریہ آپ کی قیمتی وقت کا اور حوصلہ افزائی کا۔
''بے ستم" پر غور کرتا ہوں۔

سید ذیشان حیدر — جنوری 26، 2017 1:02 شام

سر الف عین

راحیل فاروق — جنوری 26، 2017 3:36 شام

خوب صورت اشعار ہیں، بھائی۔

الف عین نے کہا:
کیا بحر متعین کی ہے؟

زیشان حیدر نے کہا:
سر "فاعلاتن فاعلن" (مدید مربع سالم)

رمل مربع محذوف بھی یہی بنتی ہے جس کی مسدس شکل بہت معروف ہے۔

پوچھتے ہیں وہ کہ غالبؔ کون ہے؟
کوئی بتلاؤ کہ ہم بتلائیں کیاً

بحور کا انتخاب انٹرنیٹ پر موجود نوآموزوں کے لیے ایک مسئلہ بنتا جا رہا ہے۔ میرا ارادہ ہے کہ مبتدیوں کے لیے مستعمل بحور کی مناسب درجہ بندی پر ایک مضمون لکھ دوں۔ ممکن ہے کچھ فائدہ ہو۔

زیشان حیدر نے کہا:
''بے ستم" پر غور کرتا ہوں۔

یوں کیا جا سکتا ہے مثلاً:

بن ستم، بن درد و غم

---
یہ فرمائیے کہ آپ کے نام کے درست ہجے کیا ہیں؟ ذیشان (ذی شان) یا زیشان؟

امان زرگر — جنوری 26، 2017 3:44 شام

سر راحیل فاروق آپ کے مضمون کا شدت سے انتطار رہےگا، اللہ آپ کے لئے آسانیاں پیدا فرمائے

سید ذیشان حیدر — جنوری 26، 2017 4:34 شام

بہت شکریہ سر راحیل فاروق صاحب آپ کی قیمتی رائے کا اور داد کا- کیا یہ بحر مستمعل ہے جو میں نے استعمال کی ہے؟ یا یہ غزل بھی خارج البحر ہو گئی۔ جس مصرع کی آپ نے نشاندہی کی ہے وہ یقینآ بہتر اور رواں ہے۔
میرے نام کے ہجے ذیشان (ذی شان) ہے اکاؤنٹ بناتے وقت ذ کی بجائے ز لکھا گیا ہے۔
مستعمل بحور مرتب کریں تو یہ ہم جیسے نئے لکھنے والوں پر بڑا احسان ہو گا۔

ابن رضا — جنوری 26، 2017 4:39 شام

زیشان حیدر نے کہا:
مستعمل بحور مرتب کریں تو یہ ہم جیسے نئے لکھنے والوں پر بڑا احسان ہو گا۔

اردو میں مستعمل اور مانوس بحور کی فہرست

راحیل فاروق — جنوری 26، 2017 4:45 شام

امان اللہ گنجیال نے کہا:
سر راحیل فاروق آپ کے مضمون کا شدت سے انتطار رہےگا، اللہ آپ کے لئے آسانیاں پیدا فرمائے

شکریہ۔

زیشان حیدر نے کہا:
بہت شکریہ سر راحیل فاروق صاحب آپ کی قیمتی رائے کا اور داد کا-

زیشان حیدر نے کہا:
جس مصرع کی آپ نے نشاندہی کی ہے وہ یقینآ بہتر اور رواں ہے۔

بندگی!

زیشان حیدر نے کہا:
کیا یہ بحر مستمعل ہے جو میں نے استعمال کی ہے؟ یا یہ غزل بھی خارج البحر ہو گئی۔

غیر مستعمل بحر سے اشعار کا خارج البحر ہونا نہیں لازم آتا۔ آپ کے اشعار بالکل درست ہیں۔ میرا مطلب صرف اس قدر تھا کہ ان بحروں میں طبع آزمائی میں نقصان نہیں تو فائدہ بھی نہیں۔ خیر، یہ باتیں آپ آگے چل کر سمجھیں گے۔

زیشان حیدر نے کہا:
میرے نام کے ہجے ذیشان (ذی شان) ہے اکاؤنٹ بناتے وقت ذ کی بجائے ز لکھا گیا ہے۔

اسے آپ درست کروا سکتے ہیں۔ اگر چاہیں تو ابن سعید بھائی سے رابطہ کر لیں۔

راحیل فاروق نے کہا:
میرا ارادہ ہے کہ مبتدیوں کے لیے مستعمل بحور کی مناسب درجہ بندی پر ایک مضمون لکھ دوں۔

زیشان حیدر نے کہا:
مستعمل بحور مرتب کریں تو یہ ہم جیسے نئے لکھنے والوں پر بڑا احسان ہو گا۔

ابن رضا نے کہا:
اردو میں مستعمل اور مانوس بحور کی فہرست

مستعمل بحور کی فہرست تو وہی ہے جو مزمل بھائی نے مرتب کر رکھی ہے اور جس کا ربط ابن رضا بھائی نے دے دیا ہے۔ میں دراصل یہ چاہ رہا ہوں کہ ان کی مناسب درجہ بندی بھی کر دی جائے کہ کہاں سے آغاز کیا جائے اور کہاں پہنچنے کے بعد آپ کو خود کو نئے تجربات کا اہل سمجھنا چاہیے۔

صفی حیدر — جنوری 26، 2017 5:22 شام

محترم راحیل فاروق بھائی ۔۔۔۔۔ بحور کی درجہ بندی کے حوالے سے آپ کے مضمون کا شدت سے انتظار رہے گا ۔۔۔۔۔۔ اس سے ہمیں بہترین راہنمائی میسر ہو گی ۔۔۔۔۔۔۔

سید ذیشان حیدر — جنوری 27، 2017 9:04 صبح

محترم سر @ راحیل فاروق صاحب بہت شکریہ رہنمائی کا۔
میری ذاتی کوشش بھی یہی ہے کہ فی الوقت سالم بحروں میں طبع آزمائی کروں۔ طبیعت ناموزوں ہونے کی وجہ سے ابھی صرف ایک ہی بحر، بحرِ متقارب سے آغاز کیا ہے۔
اس کلام کا ایک مصرع ایسے ہی ذہن آ گیا اور میں لکھنے بیٹھ گیا۔ طبیعت کو ناموزونیت سے موزونیت کی طرف مائل کرنے کیلئے کوئی رہنمائی فرمایں۔
دُعا ہے کہ آپ ایسے ہی ہم جیسوں کی رہنمائی فرماتے رہیں۔
میں نام کی تبدیلی کےلئے ابن سعید صاحب سے رابطہ کرتا ہوں۔

سید ذیشان حیدر — جنوری 27، 2017 9:31 صبح

سر راحیل فاروق صاحب