ایک تازہ غزل،'' ڈوبتا جا رہا ہے من دیکھو''

دیکھتا ہوں بھائی، تھوڑا انتظار۔۔۔۔

کچھ تبدیلیاں

ڈوبتا جارہا ہے من، دیکھو
ہے شکستہ مرا بدن، دیکھو
// شعر دو لخت لگ رہا ہے۔ من ڈوبنے کا بدن کی شکستگی سے تعلق؟
کوئی گُل چیں یہاں سے گزرا ہے
اُجڑا اُجڑا سا ہے چمن دیکھو
//درست
ہاں، گُھٹن ہے، چَہَار سو لیکن
چل رہی ہے ابھی پَوَن دیکھو
//ویسے درست ہے، لیکن فیکچوال غلطی ضرور ہے، پون چل رہی ہو گی تو گھٹن کیوں؟
آگ بھڑکے گی ایک دن لازم
میرے سینے میں ہے اگن، دیکھو
//درست۔ اگرچہ ’اگن‘ قافیے کا استعمال مجھے پسند نہیں۔ ایسے الفاظ بالی ووڈ کے گانوں کی یاد دلاتے ہیں۔
ان کی گفتار پر نہیں جانا
ان کا کردار، ان کا فن دیکھو
//درست
چیر ڈالے گی گھور تاریکی
روشنی کی کہیں کرن دیکھو
//درست
مجھ کو اظہر قریب لگتی ہے
اب قیامت، ذرا زمن دیکھو
//’زمن‘ سے مراد؟ شعر سمجھ میں نہیں آیا۔