ایک تازہ کاوش پر گزارشِ اصلاح "میں ہوں جب اپنے ہی اندر پھر یہ باہرکون ہے"

میں ہوں جب اپنے ہی اندر پھر یہ باہر کون ہے؟
کانچ کا دل ہے اگر تو پھر یہ پتھر کون ہے ؟
دونو مصارع کا آپسی تعلق؟؟ کچھ سمجھ نہیں پایا
جیسے اگر دوسرا مصرع یوں ہوتا تو
کون ہے اندر چھپا میرے؟ یہ ظاہر کون ہے ؟
کچھ روشنی ڈالیے ازراہ کرم

اس چمن میں اپنے گھر میں ہم اگر آزاد ہیں
قہر کی جیسے مسلط پھر یہ ہم پر کون ہے ؟
قہر کی کیا؟؟؟

مان لوں میں سب ہے فانی ایک دن مٹ جائے گا
خواب آنکھوں میں سجاتا پھر یہ شب بھر کون ہے ؟
واہ خوب ہے

نور سے تخلیق ہوں اور نور میری روح ہے
روز مشرق سے ابھرتا پھر یہ اظہر کون ہے ؟
قطر سے اُبھرتا ہوں جی، مشرق سے نہیں خوب ہے

سی لئے ہیں ہونٹ میں نے، خامشی اوڑھے ہوں میں
شور سا مجھ میں مچاتا پھر یہ اندر کون ہے؟
واہ

بھینٹ چڑھ جاتا ہوں اکثر اپنی ہی تنہائی کی
تانتا راتوں کو مجھ پر پھر یہ خنجر کون ہے ؟
سمجھ نہیں آ سکا

اسد قریشی بھائی!
خوبصورت غزل کے لیے داد قبول کیجیے
مندرجہ ذیل دو شعروں پر ہماری صلاح حاضر ہے جو شاید ٹائیپوز کی تدوین ہی ہے۔

​

​

​

اس چمن میں اپنے گھر میں ہم اگر آزاد ہیں​

قہر کی صورت مسلط پھر یہ ہم پر کون ہے ؟​

​

​

​

نور سے تخلیق ہوں اور نور میری روح ہے​

روز مشرق سے ابھرتا پھر یہ مظہر کون ہے ؟​

​

​

مزید نمائش کے لیے کلک کریں۔۔۔

سوالات بہت پیدا ہوتے ہیں، شاید اسد نے ہی ٹھیک سے دیکھے بغیر پوسٹ کر دی ہے۔ اظہر کے سوالات سے متفق ہوں میں بھی۔

محمد اظہر نذیر نے کہا:

میں ہوں جب اپنے ہی اندر پھر یہ باہر کون ہے؟
کانچ کا دل ہے اگر تو پھر یہ پتھر کون ہے ؟
دونو مصارع کا آپسی تعلق؟؟ کچھ سمجھ نہیں پایا
جیسے اگر دوسرا مصرع یوں ہوتا تو
کون ہے اندر چھپا میرے؟ یہ ظاہر کون ہے ؟
کچھ روشنی ڈالیے ازراہ کرم

مزید نمائش کے لیے کلک کریں۔۔۔

اظہر بھائی، پہلے مصرعہ میں کہا گیا ہے کہ جب میں اپنے اندر ہوں تو باہر کون ہے، دوسرے مصرعہ میں اُس کی تشریح ہے، یعنی اندر سے کانچ کا دل ہے اور باہر سے پتھر کون ہے۔

محمد اظہر نذیر نے کہا:

بھینٹ چڑھ جاتا ہوں اکثر اپنی ہی تنہائی کی
تانتا راتوں کو مجھ پر پھر یہ خنجر کون ہے ؟
سمجھ نہیں آ سکا

مزید نمائش کے لیے کلک کریں۔۔۔

جی آپ کی بات سے اتفاق کروں گا، اس مصرعہ میں خود بھی کچھ تذبذب کا شکار رہا ہوں، دراصل کہنا یہ چاہ رہا ہوں کہ یہ تنہائی روز میرے سینے میں ایک خنجر کی طرح اُترتی ہے اور روز میں اس تنہائی کی بھینٹ چڑھتا ہوں۔اس غرض سے دوسرے مصرعہ میں تنہائی کو ہی کہا ہے کہ "تانتا راتوں کو مجھ پر پھر یہ خنجر کون ہے"۔کچھ مدد فرمایں

الف عین نے کہا:

سوالات بہت پیدا ہوتے ہیں، شاید اسد نے ہی ٹھیک سے دیکھے بغیر پوسٹ کر دی ہے۔ اظہر کے سوالات سے متفق ہوں میں بھی۔

مزید نمائش کے لیے کلک کریں۔۔۔

قبلہ اظہر بھائی کے دو سوالوں کا جواب دے دیا ہے اس کے علاوہ بھی کوئی بات اگر ابہام کاشکار ہے تو نشاندہی فرمائیں!۔

اسد قریشی نے کہا:

اظہر بھائی، پہلے مصرعہ میں کہا گیا ہے کہ جب میں اپنے اندر ہوں تو باہر کون ہے، دوسرے مصرعہ میں اُس کی تشریح ہے، یعنی اندر سے کانچ کا دل ہے اور باہر سے پتھر کون ہے۔

مزید نمائش کے لیے کلک کریں۔۔۔

اگر یوں کہیں تو؟
کانچ اندر سے میں ہوں، باہر یہ پتھر کون ہے
میرے اندر کیا چھپا ہے، میرے باہر کون ہے
اُستاد محترم کی رائے بھی دیکھتے ہیں

اسد قریشی نے کہا:

جی آپ کی بات سے اتفاق کروں گا، اس مصرعہ میں خود بھی کچھ تذبذب کا شکار رہا ہوں، دراصل کہنا یہ چاہ رہا ہوں کہ یہ تنہائی روز میرے سینے میں ایک خنجر کی طرح اُترتی ہے اور روز میں اس تنہائی کی بھینٹ چڑھتا ہوں۔اس غرض سے دوسرے مصرعہ میں تنہائی کو ہی کہا ہے کہ "تانتا راتوں کو مجھ پر پھر یہ خنجر کون ہے"۔کچھ مدد فرمایں

مزید نمائش کے لیے کلک کریں۔۔۔

یوں دیکھ لیجیے
کاٹے ہے تنہائی مجھ کو جیسے اپنی دھار سے
پوچھتے پھرتے ہو تُم مجھ سے کہ یہ خنجر کون ہے
یا
کاٹے یہ تنہائی مجھ کو تیز اپنے دھار سے

Beautiful
بہت اچھی!

خوب صورت غزل خوبصورت الفاظ میں.
کیا کہنے.

ابلاغ درست نہیں ہو رہا، اظہر کی ترمیم کے ساتھ بھی۔ اسد ہی کچھ ترمیم کر کے پیش کریں۔

میں ہوں جب اپنے ہی اندر پھر یہ باہر کون ہے؟
دوست ہے گر دل مرا تو پھر یہ خود سر کون ہے؟
اس چمن میں اپنے گھر میں ہم اگر آزاد ہیں
قہر کے جیسے مسلط پھر یہ ہم پر کون ہے ؟
مان لوں میں سب ہے فانی ایک دن مٹ جائے گا
خواب آنکھوں میں سجاتا پھر یہ شب بھر کون ہے ؟
نور سے تخلیق ہوں اور نور میری روح ہے
روز مشرق سے ابھرتا پھر یہ اظہر کون ہے ؟
(اظہر کے معنی ہیں روشن، بہت زیادہ روشن، اس لیے یہاں سورج کو اظہر سے تشبیح دی ہے۔)
سی لئے ہیں ہونٹ میں نے، خامشی اوڑھے ہوں میں
شور سا مجھ میں مچاتا پھر یہ اندر کون ہے؟
میں ہوں اور تنہائی ہے، تنہائی میری ہمسفر
تانتا راتوں کو مجھ پر پھر یہ خنجر کون ہے ؟

÷÷ یہ صورت زیادہ بہتر اور واضح ہے۔
÷÷ خلیل کی اصلاح یا صلاح ہی بہتر تھی نا!!

÷÷درست
÷÷اظہر کے یہ معنی تو شاید کوئی نہیں سمجھے گا۔ قافیہ بدل ہی دو تو بہتر ہے۔
÷÷درست

قبلہ اعجاز عُبید صاحب، "اظہر" والے قافیہ کے بارے میں جو آپ نے فرمایا، اس سے اتفاق رکھنے کے باوجود میں چاہوں گا کہ قافیہ یہی رکھا جائے، کچھ محنت قارئین کو بھی کرنے دی جائے؟
میرے ناقص خیال کے مطابق غزل کی مذکورہ شکل کو، مکمل تصورکیا جا سکتا ہے۔