ایک نظم

منافق نہیں بس وہ کمزور ہے
مگر دوغلا کوئی شہ زور ہے
کسی کی وہ دلہن بنائی گئی
دل و جاں پہ قابض کوئی اور ہے
تلاطم ہے جذبات کے بحر میں
مچا دھڑکنوں کا بہت شور ہے
بغاوت پہ مائل ہے گھائل یہ دل
تو دریائے نفرت بھی منہ زور ہے
ہے جکڑی وہ رشتوں کی زنجیر میں
یہی بے بسی قابلِ غور ہے
وفادار بیوی کا کردار ہی
اُسے اب نبھانا کسی طور ہے
عمر بھر ستائے گا احساس یہ
منافق ہے وہ ، دل میں بھی چور ہے
منافق نہیں بس وہ کمزور ہے
مگر دوغلا کوئی شہ زور ہے​

ہمیشہ ستائے گا احساس یہ
منافق ہے وہ دل میں بھی چور ہے​