ایک نعت بغرض اصلاح و تنقید

السلام علیکم! ایک نعت پیش خدمت ہے ! امید ہے نقد و نظر سے نوازتے ہوئے اصلاح فرمائی جائے گی۔
پرنور دل فروز فضائے حجاز ہے
آقا کا در ہے اور جبینِ نیاز ہے
خون حسین پوچھ رہا ہے یزید سے
کیسا معاملہ تھا یہ اور کیا جواز ہے؟
محشرکا دل میں خوف ہے نہ موت کا خطر
آقا مرا کریم ہے بندہ نواز ہے
میلاد، نعت خوانیاں، اشکوں کی یہ جھڑی
یادِ نبی میں اشک رواں دل گداز ہے

سبحان اللہ

شاکرالقادری بھائی سو رہے ہیں کیا؟
بس، مجھے ’نہ‘ بطور دو غرفی پسند نہیں۔ اس کی جگہ ’نے‘ استعمال کیا جا سکتا ہے
محشرکا دل میں خوف ہے نے موت کا خطر

الف عین نے کہا:

شاکرالقادری بھائی سو رہے ہیں کیا؟
بس، مجھے ’نہ‘ بطور دو غرفی پسند نہیں۔ اس کی جگہ ’نے‘ استعمال کیا جا سکتا ہے
محشرکا دل میں خوف ہے نے موت کا خطر

مزید نمائش کے لیے کلک کریں۔۔۔

بالکل درست فرمایا آپ نے اس طرح مصرعہ زیادہ رواں اور مترنم ہو جاتا ہے
حسن نظامی ۔۔۔۔!

پرنور دل فروز فضائے حجاز ہے
آقا کا در ہے اور جبینِ نیاز ہے

مزید نمائش کے لیے کلک کریں۔۔۔

آقا کا۔۔۔ ۔۔
اس مصرعہ میں " قا ۔۔۔ اور ۔۔۔ کا" دونوں کی یکجائی مصرعے کی روانی، ترنم اور موسیقیت کو متاثر کر رہی ہے اور مصرعہ مجروح ہو رہا ہے اس کو ٹھیک کریں

خون حسین پوچھ رہا ہے یزید سے
کیسا معاملہ تھا یہ اور کیا جواز ہے؟

مزید نمائش کے لیے کلک کریں۔۔۔

یہ شعر ابہام لیے ہوئے ہے ۔۔۔ جو کچھ آپ کہنا چاہ رہے ہیں اس کا ابلاغ نہیں ہو رہا۔