برائے اصلاح — page 1 of 1

فلسفی — اگست 9، 2018 11:33 صبح

سر الف عین
ہار کر کیا انھیں جیت پاؤں گا میں؟
گر یہ سچ ہے تو پھر ہار جاؤں گا میں
اس طرح مانگ لوں گا خدا سے انھیں
گر کے سجدے میں شب، گڑگڑاؤں گا میں
پاس رہ کر مجھے بھول جاتے ہیں جو
دور جا کر انھیں یاد آؤں گا میں
بند کرتے ہیں آنکھیں مجھے دیکھ کر
خواب میں آ کے ان کو ستاؤں گا میں
اپنے غم کو خوشی میں بدل دوں گا یوں
آئینہ دیکھ کر مسکراؤں گا میں
شدتِ غم کو آساں نہیں روکنا
آج پھر ضبط کو آزماؤں گا میں

محمد خلیل الرحمٰن — اگست 9، 2018 12:14 شام

واہ۔ داد قبول فرمائیے

فلسفی — اگست 10، 2018 9:32 صبح

محمد خلیل الرحمٰن نے کہا:
واہ۔ داد قبول فرمائیے

بہت شکریہ سر

فاخر رضا — اگست 10، 2018 9:35 صبح

بہت اچھا ہے
کیا ضبط آپ کا تخلص ہے

فلسفی — اگست 10، 2018 9:38 صبح

فاخر رضا نے کہا:
بہت اچھا ہے
کیا ضبط آپ کا تخلص ہے

حوصلہ افزائی کا شکریہ
جی خود ساختہ تخلص "فلسفی" استعمال کرتا ہوں۔ اس شعر میں ضبط کو اصل معنی میں استعمال کرنے کی کوشش کی ہے۔

وجاہت حسین — اگست 10، 2018 9:55 صبح

falsafi نے کہا:
سر الف عین
ہار کر کیا انھیں جیت پاؤں گا میں؟
گر یہ سچ ہے تو پھر ہار جاؤں گا میں
اس طرح مانگ لوں گا خدا سے انھیں
گر کے سجدے میں شب، گڑگڑاؤں گا میں
پاس رہ کر مجھے بھول جاتے ہیں جو
دور جا کر انھیں یاد آؤں گا میں
بند کرتے ہیں آنکھیں مجھے دیکھ کر
خواب میں آ کے ان کو ستاؤں گا میں
اپنے غم کو خوشی میں بدل دوں گا یوں
آئینہ دیکھ کر مسکراؤں گا میں
شدتِ غم کو آساں نہیں روکنا
آج پھر ضبط کو آزماؤں گا میں

واہ ماشاء اللہ۔ بہت خوب۔ سادہ الفاظ اور خوبصورت خیالات۔

شکیب — اگست 10، 2018 10:36 صبح

falsafi نے کہا:
سر الف عین
ہار کر کیا انھیں جیت پاؤں گا میں؟
گر یہ سچ ہے تو پھر ہار جاؤں گا میں
اس طرح مانگ لوں گا خدا سے انھیں
گر کے سجدے میں شب، گڑگڑاؤں گا میں
پاس رہ کر مجھے بھول جاتے ہیں جو
دور جا کر انھیں یاد آؤں گا میں
بند کرتے ہیں آنکھیں مجھے دیکھ کر
خواب میں آ کے ان کو ستاؤں گا میں
اپنے غم کو خوشی میں بدل دوں گا یوں
آئینہ دیکھ کر مسکراؤں گا میں
شدتِ غم کو آساں نہیں روکنا
آج پھر ضبط کو آزماؤں گا میں

اچھے رواں اشعار ہیں۔ فنی اعتبار سے کوئی خامی نظر نہیں آئی۔
اب محاکات پر توجہ دیجیے۔

فلسفی — اگست 10، 2018 11:20 صبح

وجاہت حسین نے کہا:
واہ ماشاء اللہ۔ بہت خوب۔ سادہ الفاظ اور خوبصورت خیالات۔

بہت شکریہ۔
سادہ الفاظ کے حوالے سے آپ نے بجا فرمایا۔ مجھے مشکل یہ ہی پیش آتی ہے کہ گھوم پھر کر میرے اشعار میں ایک کی طرح کے الفاظ ہوتے ہیں۔ الفاظ کے ذخیرہ کے حوالے سے دامن کافی تنگ ہے۔ اس فورم پر ایک صاحب کی شاعری پڑھ کر کمتری کا احساس ہوتا ہے کیونکہ وہ نہ جانے کیسی کیسی مشکل ترکیبات نکال کر لاتے ہیں جو مجھ جیسے کم علم کے اوپر سے ہی گزر جاتی ہیں۔
میں اس حوالے سے اساتذہ سے پوچھنا چاہ رہا تھا ، آپ نے موقع فراہم کردیا کہ شاعری اگر صرف سادہ الفاظ میں ہی کی جائے یعنی مشکل الفاظ اور ترکیبات کا استعمال نہ ہو تو اہل علم حضرات اور شعرا کے ہاں ایسے کلام کو کس نظر سے دیکھا جاتا ہے؟

شکیب نے کہا:
چھے رواں اشعار ہیں۔ فنی اعتبار سے کوئی خامی نظر نہیں آئی۔
اب محاکات پر توجہ دیجیے۔

بہت شکریہ سر، اس پر توجہ کرتا ہوں۔ کوئی کتاب یا مضمون اس حوالے سے اگر تجویز فرمانا چاہیں تو نوازش ہوگی۔

الف عین — اگست 12، 2018 8:33 صبح

درست پے غزل ماشاء اللہ

فلسفی — اگست 13، 2018 1:46 صبح

الف عین نے کہا:
درست پے غزل ماشاء اللہ

شکریہ سر