برائے اصلاح ( فاعلاتن فعلاتن فعلن)

ہم نے جس کو بھی جہاں دیکھا ہے
درد سینے میں نہاں دیکھا ہے
جب محبت میں وفا ہوتی تھی
تم نے وہ دور کہاں دیکھا ہے
لوٹ کر اب وہ نہیں آئے گا
دوست ہم نے بھی جہاں دیکھا ہے
حضرتِ شَیخ ہوں گے میخانے
رات ان کو بھی وہاں دیکھا ہے
درد جو لب پہ نہیں تھا وہ بھی
تیری آنکھوں میں عیاں دیکھا ہے
دل سے شعلے بھی اٹھا کرتے تھے
تم نے تو صرف دھواں دیکھا ہے
یہ محبت ہمیں راس آئے گی
ہم نے اس میں بھی زیاں دیکھا ہے

محترم سر الف عین
دیگر اساتذہء کرام۔

مطلع دو لخت محسوس ہو رہا ہے۔ اور
حضرتِ شَیخ ہوں گے میخانے
رات ان کو بھی وہاں دیکھا ہے
پہلے مصرع کے الفاظ بدل دیں۔ ہوں گے کا ’ہُ گے‘ تقطیع ہونا اچھا نہیں۔
شیخ مے خانے میں ہوں گے شاید

الف عین نے کہا:

مطلع دو لخت محسوس ہو رہا ہے۔ اور
حضرتِ شَیخ ہوں گے میخانے
رات ان کو بھی وہاں دیکھا ہے
پہلے مصرع کے الفاظ بدل دیں۔ ہوں گے کا ’ہُ گے‘ تقطیع ہونا اچھا نہیں۔
شیخ مے خانے میں ہوں گے شاید

مزید نمائش کے لیے کلک کریں۔۔۔

بہت شکریہ سر۔۔
مطلع لکھتے ہوئے مجھے بھی دو لخت لگا، لیکن کوئی متبادل ذہن میں نہ آیا تو مجبوراً اسی پر اکتفا کر لیا کہ یہی قریب ترین محسوس ہوا۔
شیخ مے خانے میں ہوں گے شاید۔۔۔ سبحان اللہ' اس میں تو روانی اور اسلوب دونوں بہتر ہو گئے۔

ہم نے جسے بھی جہاں دیکھا ہے
درد سینے میں نہاں دیکھا ہے

وہ دور تم نے کہاں دیکھا ہے
یار ہم نے بھی جہاں دیکھا ہے

آگ دل کی نہیں بجھتی نوید
ہر طرف ہم نے دھواں دیکھا ہے

طرف سے بہتر سمت ہوگا - شاید - گستاخی معاف

منصور محبوب چوہدری نے کہا:

طرف سے بہتر سمت ہوگا - شاید - گستاخی معاف

مزید نمائش کے لیے کلک کریں۔۔۔

طرف اور سمت ہم وزن نہیں سمت سے مصرع خارج از بحر ہو جائے گا۔