برائے اصلاح (اک حقیقت یا فسانہ زندگی)

اک حقیقت یا فسانہ زندگی.
راز ہستی کا بہانہ زندگی.
ارتباط آب و گل اور رنگ و بو.
حسن فطرت کا نشانہ زندگی.
آشیاں سے اس پرے منظر کئی.
اک تلاش آب و دانہ زندگی.
اس کی وسعت میں نہاں ارض و سما.
ایک رمز صوفیانہ زندگی.
اتفاقی ہے تجرد ذات کا.
مجھ میں پنہاں صد زمانہ زندگی.

آپ تو چھپے رستم نکلے، بھائی۔ بہت اعلیٰ۔

امان اللہ گنجیال نے کہا:

اتفاقی ہے تجرد ذات کا.
مجھ میں پنہاں صد زمانہ زندگی.

مزید نمائش کے لیے کلک کریں۔۔۔

یہ شعر بالخصوص پسند آیا۔
میں نہایت شرمندہ ہوں کہ آپ سے پہلے گفتگوئیں نہ ہو سکیں۔ اب ان شاء اللہ حاضری لگواتا رہوں گا۔ کچھ تعلیمی مصروفیات ان دنوں ایسی آن پڑی ہیں کہ نہ جائے رفتن نہ پائے ماندن۔بہرحال، آج کل میں کچھ باتیں تو آپ سے ان شاء اللہ ہوں گی۔

راحیل صاحب بہت ممنون ہوں. پسندیدگی کا شکریہ

جملہ صاحبان کی آراء قابل صد احترام مگر محترم الف عین صاحب کی آراء بندے کے لئے درجہ سند کی حامل، وہ شفقت فرمائیں گے تب ہی یہ غزل صفحہ بزم سخن سے زینت قرطاس دیوان ہو سکے گی.

واہ، ماشاء اللہ اچھی غزل ہے۔ اصلاح کی ضرورت نہیں۔

الف عین نے کہا:

واہ، ماشاء اللہ اچھی غزل ہے۔ اصلاح کی ضرورت نہیں۔

مزید نمائش کے لیے کلک کریں۔۔۔

بہت نوازش، بہت خوشی ہوئی سر، آب کی دعاؤں اور رہنمائی کا اثر وگرنہ "ایں طاقت بزور بازو نیست"