برائے اصلاح (فاعلاتن فاعلاتن)

آپ تو نازک بدن ہیں
مان لیں، ایسا نہ کیجے
لوگ پتھر بن چکے ہیں
خود کو آئینہ نہ کیجے
کون کہتا ہے وفا کا
ٹھیک ہے' اچھا! نہ کیجے
زلف کو لہرا رہے ہیں ؟
شب کو شرمندہ نہ کیجے
مت نکالیں خود کو مجھ سے
مجھ کو یوں آدھا نہ کیجے
میرے دل سے کھیلئے آپ
بس اسے پھینکا نہ کیجے
جا رہا ہوں بزم سے میں
ٹھہریں جی! غصہ نہ کیجے

محترم سر الف عین
دیگر اساتذہء کرام

اچھی غزل ہے، درست۔
لیکن
میرے دل سے کھیلئے آپ
بس اسے پھینکا نہ کیجے
پہلا مصرع رواں نہیں ہے۔
چاہے میرے دل سے کھیلیں
کہنے میں ہی کیا حرج ہے۔ ’آپ‘ تو understood ہے

الف عین نے کہا:

اچھی غزل ہے، درست۔
لیکن
میرے دل سے کھیلئے آپ
بس اسے پھینکا نہ کیجے
پہلا مصرع رواں نہیں ہے۔
چاہے میرے دل سے کھیلیں
کہنے میں ہی کیا حرج ہے۔ ’آپ‘ تو understood ہے

مزید نمائش کے لیے کلک کریں۔۔۔

بہت شکریہ سر۔۔۔۔
اگر اس مصرعے کو یوں کر دیا جائے تو ؟
دل سے جتنا چاہیں کھیلیں
بس اسے پھینکا نہ کیجے

خوب ہے متبادل مصرع