برائے اصلاح (فعلن فعولن فعلن فعولن)

ہاں تجھ سے مل کر ایسا ہوا ہے
دل اور بھی اب تنہا ہوا ہے
پہنچی خبر میرے مرنے کی جب
سن کر کہا' یہ اچھا ہوا ہے
مانوس ہوں ویرانی سے اِس کی
یہ دشت میرا دیکھا ہوا ہے
اب کیوں چھڑاتے ہو مجھ سے دامن
سب ٹھیک ہی تھا اب کیا ہوا ہے
پھر کیا اگر وہ میرا نہیں تھا
تم ہی کہو وہ کس کا ہوا ہے
بس اب نہیں جانا اُس گلی میں
میں نے یہ پکا سوچا ہوا ہے
جس تخت پر تم یوں مر رہے ہو
وہ تو ہمارا چھوڑا ہوا ہے
یہ دل حقیقت میں ہے اُسی کا
سینے میں ویسے رکھا ہوا ہے
تم اور بھڑکا دو آ کے اُس کو
وہ مجھ پہ پہلے برسا ہوا ہے
دیکھو نوید اُس کی بزم میں پھر
کونے سے لگ کر بیٹھا ہوا ہے

محترم سر الف عین
دیگر اساتذہءِ کرام

غزل ویسے تو درست ہے۔ لیکن اس قسم کی بحروں میں میں وہی بات دہراؤں گا۔ یہ بحر بھی لو حصوں میں تقسیم ہوتی ہے۔ اور ہر ٹکڑے میں لفظ کو ٹوٹنا نہیں طاہئے۔ اس سے روانی بے طرح متاثر ہوتی ہے۔ اگر مکمل فقرہ نہ ٹوٹے تو اور بھی بہتر ہے۔ اب ان کو خود ہی کوشش کر کے سدھارو تو دیکھا جائے۔

جی سر بہتر۔ اسے دیکھ کر آیندہ بھی احتیاط برتوں گا۔

الف عین نے کہا:

غزل ویسے تو درست ہے۔ لیکن اس قسم کی بحروں میں میں وہی بات دہراؤں گا۔ یہ بحر بھی لو حصوں میں تقسیم ہوتی ہے۔ اور ہر ٹکڑے میں لفظ کو ٹوٹنا نہیں طاہئے۔ اس سے روانی بے طرح متاثر ہوتی ہے۔ اگر مکمل فقرہ نہ ٹوٹے تو اور بھی بہتر ہے۔ اب ان کو خود ہی کوشش کر کے سدھارو تو دیکھا جائے۔

مزید نمائش کے لیے کلک کریں۔۔۔

سر' جن اشعار میں الفاظ ٹوٹ رہے تھے انھیں درست کرنے کی کوشش کی ہے' آپ دیکھیے گا۔۔۔
پہنچی خبر جب مرنے کی میرے
سن کر کہا یہ اچھا ہوا ہے
ویرانی سے ہوں مانوس اس کی
یہ دشت میرا دیکھا ہوا ہے
اُس کی گلی میں جانا نہیں اب
میں نے یہ پکا سوچا ہوا ہے

ہاں، اب درست ہیں