برائے اصلاح (مفعول مفاعلن فعولن)

اک عرض گزارنی تھی ہم نے
جان آپ پہ وارنی تھی ہم نے
اُس زلف کی طرح خم ہیں اِس میں
تقدیر سنوارنی تھی ہم نے
فرہاد بھی ہم کو یاد رکھتا
وہ نہر نکالنی تھی ہم نے
اُس وقت وجود کھا گیا تھا
جب سوچ اُجالنی تھی ہم نے
ناراض اگر نہ ہوں تو اِس بار
اک بات اچھالنی تھی ہم نے
پھر ڈال دی آنسوؤں میں آخر
یہ عمر تو ڈھالنی تھی ہم نے
اِس دل کی خلش غزل کی صورت
اک دن تو نکالنی تھی ہم نے

محترم سر الف عین
دیگر اساتذہء کرام

یہ پنجابی غزل کہہ رہے ہو تو درست ہے، ورنہ اردو میں ردیف ’ہم کو‘ ہونی چاہئے ’ہم نے‘ نہیں۔
یہ دو اشعار سمجھ میں نہیں آئے
اُس وقت وجود کھا گیا تھا
جب سوچ اُجالنی تھی ہم نے
پھر ڈال دی آنسوؤں میں آخر
یہ عمر تو ڈھالنی تھی ہم نے

مطلع میں گزارنی اور وارنی قوافی ہیں اس لیے آگے جا کر اجالنی، نکالنی وغیرہ استعمال نہیں کیے جا سکتے۔
یہ ایطائے جلی ہے۔

محمد ریحان قریشی نے کہا:

مطلع میں گزارنی اور وارنی قوافی ہیں اس لیے آگے جا کر اجالنی، نکالنی وغیرہ استعمال نہیں کیے جا سکتے۔
یہ ایطائے جلی ہے۔

مزید نمائش کے لیے کلک کریں۔۔۔

اوہو اس پر میں نے غور ہی نہیں کیا۔

سر الف عین
محمد ریحان قریشی بھائی
بہت شکریہ۔۔۔ فی الحال اس غزل کو رد کر دیا ہے ۔۔۔۔ اس پر محنت کرنے کو جی بھی نہیں چاہا رہا۔