برائے اصلاح :دہر والوں نے بہت حشر اٹھا رکھا ہے

یاسر علی — دسمبر 23، 2020 2:40 صبح

الف عین
محمّد احسن سمیع :راحل:
دہر والوں نے بہت حشر اٹھا رکھا ہے
جب سے ہاتھوں پہ ترا نام سجا رکھا ہے
آپ کے ساتھ غلط رشتہ بنا رکھا ہے
ہم پہ دنیا نے یہ الزام لگا رکھا ہے
مشورہ دوست نے یہ مجھ کو بتا رکھا ہے
یا
یہ محبت کے معلم نے کہا ہے مجھ کو
چھوڑ تو پیار کو اس پیار میں کیا رکھا ہے
پیار کرتا ہوں ترے جسم سے میں دل سے نہیں
تیری اس بات نے دل میرا دکھا رکھا ہے
مجھے رشتوں کا تقدس نہیں کرنا آتا
کسی دشمن نے غلط تم کو بتا رکھا ہے
کون کرتا ہے مداوا بھی کسی کے غم کا
دردِ دل ہم نے تبھی دل میں چھپا رکھا ہے
ہم کو ہر حال میں دنیا میں ہے رسوا کرنا
یہ اب اس شخص نے دستور بنا رکھا ہے
آپ کی یاد کے اشکوں سے ہر اک صحرا میں
پیار کا پیڑ سدا ہم نے ہرا رکھا ہے
چین دن رات میسر نہیں آتا میثم
ہم کو حالات نے اس طرح ستا رکھا ہے۔
یاسر علی میثم

محمد خلیل الرحمٰن — دسمبر 23، 2020 2:51 صبح

اساتذہ کی آمد سے پہلے کم از کم مندرجہ ذیل دونوں اشعار کے دوسرے مصرعوں کو تبدیل کردیجیے۔

یاسر علی نے کہا:
چھوڑ تو پیار کو اس پیار میں کیا رکھا ہے
مشورہ دوست نے یہ مجھ کو دیا رکھا ہے

دیا رکھا ہے بمعنی دیا ہوا ہے یا دے رکھا ہے محاورے کے خلاف ہے۔

یاسر علی نے کہا:
مجھے رشتوں کا تقدس نہیں کرنا آتا
میرے بارے میں غلط تم نے سنا رکھا ہے

تم نے غلط سن رکھا ہے یا تم نے غلط سنا ہے کو تم نے غلط سنا رکھا ہے نہیں کہہ سکتے

ارشد چوہدری — دسمبر 23، 2020 4:14 صبح

چھوڑ تو پیار کو اس پیار میں کیا رکھا ہے
مشورہ دوست نے یہ مجھ کو بتا رکھا ہے
-------
مشورہ اگر پسند آئے

یاسر علی — دسمبر 23، 2020 4:51 صبح

محمد خلیل الرحمٰن نے کہا:
اساتذہ کی آمد سے پہلے کم از کم مندرجہ ذیل دونوں اشعار کے دوسرے مصرعوں کو تبدیل کردیجیے۔
دیا رکھا ہے بمعنی دیا ہوا ہے یا دے رکھا ہے محاورے کے خلاف ہے۔
تم نے غلط سن رکھا ہے یا تم نے غلط سنا ہے کو تم نے غلط سنا رکھا ہے نہیں کہہ سکتے

سر جی بہت بہت شکریہ اس طرف توجہ فرمانے کا۔۔

الف عین — دسمبر 23، 2020 5:15 صبح

دہر والوں نے بہت حشر اٹھا رکھا ہے
جب سے ہاتھوں پہ ترا نام سجا رکھا ہے
... ہاتھوں پر نام سجانا سمجھ میں نہیں آتا
کیا tattoo سے مراد ہے؟
آپ کے ساتھ غلط رشتہ بنا رکھا ہے
ہم پہ دنیا نے یہ الزام لگا رکھا ہے
... ٹھیک
مشورہ دوست نے یہ مجھ کو بتا رکھا ہے
یا
یہ محبت کے معلم نے کہا ہے مجھ کو
چھوڑ تو پیار کو اس پیار میں کیا رکھا ہے
.. بتا رکھا ہے بھی ان معنوں میں درست نہیں
دوسرا متبادل ٹھیک ہے
پیار کرتا ہوں ترے جسم سے میں دل سے نہیں
تیری اس بات نے دل میرا دکھا رکھا ہے
... درست
مجھے رشتوں کا تقدس نہیں کرنا آتا
کسی دشمن نے غلط تم کو بتا رکھا ہے
.. تقدس کرنا فعل تو نہیں، تقدیس کی جا سکتی یے
مجھ کو تقدیس کا احساس نہیں رشتوں کا
کیسا رہے گا؟
کون کرتا ہے مداوا بھی کسی کے غم کا
دردِ دل ہم نے تبھی دل میں چھپا رکھا ہے
.. درست
ہم کو ہر حال میں دنیا میں ہے رسوا کرنا
یہ اب اس شخص نے دستور بنا رکھا ہے
.. درست
آپ کی یاد کے اشکوں سے ہر اک صحرا میں
پیار کا پیڑ سدا ہم نے ہرا رکھا ہے
... درست
چین دن رات میسر نہیں آتا میثم
ہم کو حالات نے اس طرح ستا رکھا ہے۔
.. چلے گا، کیونکہ محاورہ بالکل درست تو نہیں، ستایا ہے' ہی کافی تھا

یاسر علی — دسمبر 23، 2020 9:25 صبح

الف عین نے کہا:
دہر والوں نے بہت حشر اٹھا رکھا ہے
جب سے ہاتھوں پہ ترا نام سجا رکھا ہے
... ہاتھوں پر نام سجانا سمجھ میں نہیں آتا
کیا tattoo سے مراد ہے؟
آپ کے ساتھ غلط رشتہ بنا رکھا ہے
ہم پہ دنیا نے یہ الزام لگا رکھا ہے
... ٹھیک
مشورہ دوست نے یہ مجھ کو بتا رکھا ہے
یا
یہ محبت کے معلم نے کہا ہے مجھ کو
چھوڑ تو پیار کو اس پیار میں کیا رکھا ہے
.. بتا رکھا ہے بھی ان معنوں میں درست نہیں
دوسرا متبادل ٹھیک ہے
پیار کرتا ہوں ترے جسم سے میں دل سے نہیں
تیری اس بات نے دل میرا دکھا رکھا ہے
... درست
مجھے رشتوں کا تقدس نہیں کرنا آتا
کسی دشمن نے غلط تم کو بتا رکھا ہے
.. تقدس کرنا فعل تو نہیں، تقدیس کی جا سکتی یے
مجھ کو تقدیس کا احساس نہیں رشتوں کا
کیسا رہے گا؟
کون کرتا ہے مداوا بھی کسی کے غم کا
دردِ دل ہم نے تبھی دل میں چھپا رکھا ہے
.. درست
ہم کو ہر حال میں دنیا میں ہے رسوا کرنا
یہ اب اس شخص نے دستور بنا رکھا ہے
.. درست
آپ کی یاد کے اشکوں سے ہر اک صحرا میں
پیار کا پیڑ سدا ہم نے ہرا رکھا ہے
... درست
چین دن رات میسر نہیں آتا میثم
ہم کو حالات نے اس طرح ستا رکھا ہے۔
.. چلے گا، کیونکہ محاورہ بالکل درست تو نہیں، ستایا ہے' ہی کافی تھا

ٹیٹو بھی مراد ہو سکتا ہے۔۔۔
میں نے یہ سوچ کر لکھا تھا۔ ۔۔شادی بیاہ یا عید پر بچے ہاتھوں پر مہندی لگاتے ہیں۔۔۔جیسے کسی دوست کا نام لکھ کر اس کے گرد پھول یا دل بنا دیتے ہیں ۔۔
اگر محاورہ درست ہو تو ۔۔۔کیا ایسے کر سکتے ہیں۔۔۔
جب سے ہاتھوں پہ ترا نام بنا رکھا ہے۔
شکریہ

الف عین — دسمبر 23، 2020 12:53 شام

مہندی سے ہاتھوں پر 'لکھا' جاتا ہے، بنایا نہیں جاتا

یاسر علی — دسمبر 23، 2020 1:02 شام

الف عین نے کہا:
مہندی سے ہاتھوں پر 'لکھا' جاتا ہے، بنایا نہیں جاتا

کیا پھر یوں کرنا پڑے گا۔۔۔
جب سے ہاتھوں پہ ترا نام لکھا رکھا ہے۔۔۔

الف عین — دسمبر 23، 2020 1:48 شام

یاسر علی نے کہا:
کیا پھر یوں کرنا پڑے گا۔۔۔
جب سے ہاتھوں پہ ترا نام لکھا رکھا ہے۔۔۔

درست ہے اب

یاسر علی — دسمبر 24، 2020 2:30 صبح

سر جی !
مجھ کو تقدیس کا احساس نہیں رشتوں کا
سر اس میں۔۔ "رشتوں کا" آئے گا یا"رشتوں کی" آئے گا۔
اس کی وجہ بھی بتا دیجئے۔۔۔شکریہ

محمد خلیل الرحمٰن — دسمبر 24، 2020 3:54 صبح

یاسر علی نے کہا:
سر جی !
مجھ کو تقدیس کا احساس نہیں رشتوں کا
سر اس میں۔۔ "رشتوں کا" آئے گا یا"رشتوں کی" آئے گا۔
اس کی وجہ بھی بتا دیجئے۔۔۔شکریہ

استادِ محترم نے "رشتوں کا" لکھا ہے تو وہی درست ہوگا نا!

الف عین نے کہا:
مجھ کو تقدیس کا احساس نہیں رشتوں کا
کیسا رہے گا؟

وجہ یہ ہے کہ احساس مذکر استعمال ہوتا ہے، تقدیس کا احساس، رشتوں کا احساس.

یاسر علی — دسمبر 24، 2020 6:39 صبح

محمد خلیل الرحمٰن نے کہا:
استادِ محترم نے "رشتوں کا" لکھا ہے تو وہی درست ہوگا نا!
وجہ یہ ہے کہ احساس مذکر استعمال ہوتا ہے، تقدیس کا احساس، رشتوں کا احساس.

شکریہ خلیل صاحب!
اصل میں ،میں نے ایک گروپ میں غزل پوسٹ کی ایک دو اراکین کہا کہ رشتوں کی آئے گا۔۔میں کنفیوز ہو گیا تھا۔۔اسی وجہ سے دوبارہ پوچھنے کی جسارت کی۔۔