برائے اصلاح و تنقید - دل تو ہے جلانے کو

loneliness4ever — جولائی 16، 2014 4:41 شام

خدمت میں ایک بار پھر حاضر ہوا ہوں
اس امید کہ ساتھ کہ احباب اور اساتذہ
اس بار بھی دامن میرا خالی نہ رہنے دیں گے
دل تو ہے جلانے کو
آپ سے لگانے کو
دور نامناسب ہے
حال ِ دل سنانے کو
اشک کا سمندر ہے
یاد میں بہانے کو
مفلسی بھی اچھی ہے
کچھ نہیں گنوانے کو
مختصر سا جیون ہے
حال ِ دل سنانے کو
آنکھ دے خبر ساری
کچھ نہیں چھپانے کو
ہے بہت اکیلا پن
عید پر سجانے کو
رات ہے بڑی گہری
ہم ہیں دل جلانے کو

عظیم — جولائی 26، 2014 10:18 صبح

دِل تو ہے گنوانے کو
یار پر لُٹانے کو
وقت ہو میسر کس
حالِ دل سنانے کو
آنسووں کا دریا ہے
آنکھ میں بہانے کو
مفلسی ہے اچھی ، یُوں
کُچھ نہیں گنوانے کو
ہم یہاں نہیں آئے
شور و غل مچانے کو
امتحاں سمجھتے ہیں
اِس ترے ستانے کو
ہے بہت اکیلا پن
عید پر سجانے کو
رات کے اندھیروں میں
ہم ہیں دل جلانے کو

الف عین — جولائی 26، 2014 12:21 شام

عظیم نے اپنی ایک گزل بھی کہہ دی ہے کچھ اشعار سدھارتے ہوئے۔
مخمور کی غزل بھی درست اور اچھی ہے، بس
حال دل سنانے کو
پر دونوں کی گرہیں اچھی نہیں ہیں۔ یعنی عظیم بھی گرہ نہیں لگا سکے

عظیم — جولائی 26، 2014 1:03 شام

عمر چاہئے صاحب
حال دل سنانے کو
بابا یہ گرہ نہیں لگتی : (

الف عین — جولائی 27، 2014 8:00 صبح

عظیم نے کہا:
عمر چاہئے صاحب
حال دل سنانے کو
بابا یہ گرہ نہیں لگتی : (

یہ بہتر ہے

loneliness4ever — جولائی 28، 2014 9:45 صبح

الف عین نے کہا:
عظیم نے اپنی ایک گزل بھی کہہ دی ہے کچھ اشعار سدھارتے ہوئے۔
مخمور کی غزل بھی درست اور اچھی ہے، بس
حال دل سنانے کو
پر دونوں کی گرہیں اچھی نہیں ہیں۔ یعنی عظیم بھی گرہ نہیں لگا سکے

السلام علیکم
استاد جی اس درجہ شفقت اور توجہ پر بے حد ممنون و مسرور ہوں
مزید بہتری کے لئے پوری کوشش کرتا رہوں گا
بس آپ کا شفیق ساتھ ہمراہ رہے تو امید ہے یہ
خاک بھی خوشبو سے مہک اٹھے گی ۔۔۔۔
شعر کہنا آئے نہ آئے ۔۔ اہل علم کے پاس بیٹھنے سے ہی
آرام آ جائے گا
اللہ آباد و کامران رکھے آپکو ۔۔۔۔۔۔۔۔۔ آمین