برائے اصلاح و رہنمائی

الف عین نے کہا:

میں تو دو تین دن سے ہی آ سکا ہوں، اس سے پہلے کے پیغامات اور شاعری نہیں دیکھ سکا تھا
دو جہاں کو تری الفت میں بھلائے ہوئے ہیں
ہم تو بس تیرے ہی در سے لو لگائے ہوئے ہیں
... لو لگائے کی واؤ تقطیع نہیں ہو رہی
ہم تو بس لو ترے در سے ہی.... کیا جا سکتا ہے
بیٹھنے دو ہمیں بھی جالیوں کے سائے میں
برسوں سے ہم غم_فرقت کے جلائے ہوئے ہیں
.. جالیوں اور برسوں، دونوں الفاظ کے 'وں' کا اسقاط گوارا نہیں، الفاظ بدل کر کوشش کریں
اک ذرا نظر_کرم ہم پہ شہء دو عالم
ہم جہاں بھر میں مظالم کے ستائے ہوئے ہیں
.. ٹھیک
پھر وہ کیا دیکھیں زمانے کے حسیں نظارے
جن کی نظروں میں ترے جلوے سمائے ہوئے ہیں
.. درست
سب جہاں کو انھوں نے ہی دیا دستور_حیات
آپ کے در کے ہی جو سیکھے سکھائے ہوے ہیں
.. کیا صحابہ کرام کی طرف اشارہ ہے؟ اگرچہ واضح نہیں کہ پہلے مصرع میں انھوں سے نبی کریم ص مراد ہیں یا صحابہ؟
تکنیکی طور پر انھوں کی و کا اسقاط ٹھیک نہیں
جو گزرتی ہے ادب سے یہ ہوا کو ہے خبر
ہم یہاں محفل_سرکار سجائے ہوے ہیں
.. ٹھیک
کیوں فرشتو! ہمیں ہو لحد میں کچھ فکر- نجات
ہم سنانے یہاں نعت_نبی لائے ہوے ہیں
... نبی کی ی کا اسقاط اچھا نہیں
ہمیں عابد یہ ملا ہے صلہء فیض_نصیر
کہ وہ ہم کو بھی ثنا خوان بنائے ہوے ہیں
... ٹھیک ہے

مزید نمائش کے لیے کلک کریں۔۔۔