برائے اصلاح ۔ مفاعیلن مفاعیلن فعولن

غمِ دل سے ہمیں فرصت کہاں ہے
تمھیں ملنے کی بھی عادت کہاں ہے
تری مخلوق کی حالت ہے ناقص
خدایا! اب تری رحمت کہاں ہے
خدا گر چپ ہے اک عرصے سے مومن
تری نیکی کی وہ عجلت کہاں ہے
جو پوچھوں تو وہ کہتے ہیں یہ ہم سے
"مجھے کچھ کہنے کی ہمت کہاں ہے"
کبھی ڈرتا تھا ظالم اس کی تڑ سے
اب اس شمشیر کی ہیبت کہاں ہے
اگر بیچا ہے تو اتنا بتا دو
مرے دل کی ملی قیمت کہاں ہے
عمامہ کھونے پہ ہوتے تھے خائف
نہیں معلوم اب تِہمت کہاں ہے
زمانے میں بہت ہیں جو محدث
تو پیغمبر کی وہ سیرت کہاں ہے
ہے بدبختی کہ سوچوں میں یہ ہر پل
کہ پھوٹی یہ مری قسمت کہاں ہے
ترے جانے پہ پوچھے گا نہ کوئی
کہ اب منصور کی تربت کہاں ہے

محترم الف عین صاحب
محترم سید عاطف علی صاحب
اور دیگر اساتذہ اکرام ۔ توجہ درکار ہے

عروضی مسئلہ تو نہیں ہے، بحر پر تم قابو پا چکے ہو ماشاء اللہ۔
خدا گر چپ ہے اک عرصے سے مومن
تری نیکی کی وہ عجلت کہاں ہے
۔۔کون چپ ہے، خدا یا مومن؟۔ ہر ایک تمہاری یا میری طرح قابل نہیں ہوتا جو درست سمجھ جائے۔ اور ممکن ہے کہ میں بھی غلط سمجھا ہوں!!
وہ عجلتَ کون سی؟ کچھ اس کی مثال؟
جو پوچھوں تو وہ کہتے ہیں یہ ہم سے
الفاظ بدل بدل کر مختلف شکلوں میں دیکھیں، کس میں روانی بہتر محسوس ہوتی ہے۔؎
جو یہ پوچھوں تو وہ کہتے ہیں ہم سے
جو پوچھوں تو وہ کہتے ہیں یہ ہم سے
جو پوچھوں تو یہ کہتے ہیں وہ ہم سے
اگر پوچھوں تو وہ کہتے ہیں ہم سے
وغیرہ وغیرہ۔ گیند تمہارے پالے میں!!
یہ مصرع سمجھ نہیں سکا
کبھی ڈرتا تھا ظالم اس کی تڑ سے
مرے دل کی ملی قیمت کہاں ہے
روانی متاثر ہے
عمامہ کھونے پہ ہوتے تھے خائف
نہیں معلوم اب تِہمت کہاں ہے
÷÷پہ بمعنی پر یا لیکن کم از کم مجھے پسند نہیں۔
تہمت یا تہمد جو کہ تہہ بند کا بگڑا مستعمل روپ ہے۔
ان کی روانی کے بارے میں میں خود کچھ نہیں کہتا۔ خود متبادل سوچو اور فیصلہ کرو۔
زمانے میں بہت ہیں جو محدث
تو پیغمبر کی وہ سیرت کہاں ہے
ہے بدبختی کہ سوچوں میں یہ ہر پل
کہ پھوٹی یہ مری قسمت کہاں ہے

ماشا اللہ منصور بھائی!
بہت اچھی غزل ہے۔
استادِ محترم نے جو نکات بتائے،ان پر غور کیجیے۔
ایک بار پھر غزل کے لیے داد قبول کریں۔

الف عین نے کہا:

روضی مسئلہ تو نہیں ہے، بحر پر تم قابو پا چکے ہو ماشاء اللہ۔

مزید نمائش کے لیے کلک کریں۔۔۔

آپ سب (خاص کر محترم الف عین صاحب) کی توجہ رہی تو اور بہتر ہو جاؤ گا - حوصلہ افزا‎ئی کا شکریہ

الف عین نے کہا:

خدا گر چپ ہے اک عرصے سے مومن
تری نیکی کی وہ عجلت کہاں ہے
۔۔کون چپ ہے، خدا یا مومن؟۔ ہر ایک تمہاری یا میری طرح قابل نہیں ہوتا جو درست سمجھ جائے۔ اور ممکن ہے کہ میں بھی غلط سمجھا ہوں!!
وہ عجلتَ کون سی؟ کچھ اس کی مثال؟

مزید نمائش کے لیے کلک کریں۔۔۔

سر - یہاں چپ کا اشارہ مومن کی طرف نہیں ہے - دوسرے مصرع میں "تری نیکی" کا اشارہ مومن کی طرف ہی ہو سکتا ہے، خدا کی طرف نہیں، تو پہلے میں چپ کا اشارہ مومن کی جانب کرنا مشکل ہے- عجلت کا اشارہ اس کہاوت (شاید حدیث) کی جانب ہے "ہر نیک کام میں جلدی کرو" - ایسے کہیں تو
جو رب چپ ہے اک عرصے سے مومن
تری نیکی کی وہ عجلت کہاں ہے

الف عین نے کہا:

جو پوچھوں تو وہ کہتے ہیں یہ ہم سے
الفاظ بدل بدل کر مختلف شکلوں میں دیکھیں، کس میں روانی بہتر محسوس ہوتی ہے۔؎
جو یہ پوچھوں تو وہ کہتے ہیں ہم سے
جو پوچھوں تو وہ کہتے ہیں یہ ہم سے
جو پوچھوں تو یہ کہتے ہیں وہ ہم سے
اگر پوچھوں تو وہ کہتے ہیں ہم سے
وغیرہ وغیرہ۔ گیند تمہارے پالے میں!!

مزید نمائش کے لیے کلک کریں۔۔۔

اس کے بارے میں کیا خیال ہے آپ کا؟
جو پوچھوں تو یہ کہتے ہیں وہ ہم سے

الف عین نے کہا:

یہ مصرع سمجھ نہیں سکا
کبھی ڈرتا تھا ظالم اس کی تڑ سے

مزید نمائش کے لیے کلک کریں۔۔۔

یہاں مقصود ہے کہ ظالم اس ضرب کی آواز سے ڈرتا تھا - کس ۔۔ دوسرے مصرع میں"اس" شمشیر کا ذکر ہے
۔

الف عین نے کہا:

مرے دل کی ملی قیمت کہاں ہے
روانی متاثر ہے

مزید نمائش کے لیے کلک کریں۔۔۔

الفاظ بدلے دیے ہیں - توجہ درکار ہے
ملی اس دل کی وہ قیمت کہاں ہے

الف عین نے کہا:

عمامہ کھونے پہ ہوتے تھے خائف
نہیں معلوم اب تِہمت کہاں ہے
÷÷پہ بمعنی پر یا لیکن کم از کم مجھے پسند نہیں۔
تہمت یا تہمد جو کہ تہہ بند کا بگڑا مستعمل روپ ہے۔

مزید نمائش کے لیے کلک کریں۔۔۔

آپ صحیح فرما رہے ہیں - لیکن معنی اچھے ہونے پر پورا ردی نہیں کر رہا ۔۔ موقع محل پہ سنانے کے لیے کام آئے گا - ایک لفظ بدل دیا ہے
عمامہ پھٹنے پہ ہوتے تھے خائف
نہیں معلوم اب تِہمت کہاں ہے

الف عین نے کہا:

زمانے میں بہت ہیں جو محدث
تو پیغمبر کی وہ سیرت کہاں ہے

مزید نمائش کے لیے کلک کریں۔۔۔

اس کے بارے میں کیا خیال ہے آپ کا؟
محدث ہیں بہت تیری زمیں پر
مرے آقا کی اب سیرت کہاں ہے

الف عین نے کہا:

ے بدبختی کہ سوچوں میں یہ ہر پل
کہ پھوٹی یہ مری قسمت کہاں ہے

مزید نمائش کے لیے کلک کریں۔۔۔

پہلا مصرع کی سمجھ نہیں آرہی - سوچ رہا ہوں
دوسرے کچھ یوں کیا ہے
کہ اب پھوٹی مری قسمت کہاں ہے

عاطف ملک نے کہا:

اشا اللہ منصور بھائی!
بہت اچھی غزل ہے۔
استادِ محترم نے جو نکات بتائے،ان پر غور کیجیے۔
ایک بار پھر غزل کے لیے داد قبول کریں۔

مزید نمائش کے لیے کلک کریں۔۔۔

مجھے ٹھیک کرنے میں ایک خفیہ ہاتھ آپ کا بھی ہے- نوازش آپ کی -

کچھ بہتری ہوئی ہے
میرے خیال میں یہ اور وہ دونوں کو ایک ساتھ لانے سے بھی روانی متاثر ہو رہی ہے۔
اگر پوچھوں تو وہ / یہ۔۔ بہتر ہو گا۔
تہمت والا شعر نکال ہی دو۔ کہیں چھپنے کے لئے بھیجو گے اور کاتب نے یا کمپوزر نے اسے ’تُہمت‘ بنا دیا تو؟

الف عین نے کہا:

ہے بدبختی کہ سوچوں میں یہ ہر پل
کہ پھوٹی یہ مری قسمت کہاں ہے

مزید نمائش کے لیے کلک کریں۔۔۔

اس کے بارے کیا خیال ہے آپ کا؟
میں ہوں بدبخت جو سوچوں یہ ہر پل
کہ اب پھوٹی مری قسمت کہاں ہے

میں وہ بد بخت ہوں جو سوچتا ہوں
کیسا رہے گا؟