براہ اصلاح — page 1 of 1

آئی کے عمران — جنوری 12، 2021 1:33 شام

نہ رقابت کے لیے اور نہ عداوت کے لیے
ہم تو آئے ہیں زمانے میں محبت کے لیے
حسن والوں کی غلامی ہمیں خوش آتی ہے
آپ رکھ لیجیےاپنی ہمیں خدمت کے لیے
ذورِ بازو سے نکالیں گے بھنور سے کشتی
ہاتھ اپنے نہیں لہروں کی سماجت کے لیے
بعد از مرگ بھی ،دشمن پہ کیا ڈر طاری
شیرِ میسور سلام آپ کی جرات کے لیے
وہ محبت کو مرے ردِ عمل سے پرکھے
ذکرِاغیار وہ کرتا ہے شرارت کے لیے
سرد پڑ جاتی ہے جب محفلِ یارانِ سخن
چھیڑ دیتے ہیں تراذکر حرارت کے لیے

آئی کے عمران — جنوری 13، 2021 4:25 صبح

محترمی!
الف عین
محترمی!
محمّد احسن سمیع :راحل:

محمد احسن سمیع راحلؔ — جنوری 13، 2021 11:26 صبح

آئی کے عمران نے کہا:
حسن والوں کی غلامی ہمیں خوش آتی ہے
آپ رکھ لیجیےاپنی ہمیں خدمت کے لیے

دوسرے مصرعے میں غیر ضروری تعقید محسوس ہوتی ہے، ’’اپنی ہمیں خدمت‘‘ کے سبب۔ کوشش کریں کہ الفاظ کی قدرتی ترتیب برقرار رہے۔

آئی کے عمران نے کہا:
ذورِ بازو سے نکالیں گے بھنور سے کشتی
ہاتھ اپنے نہیں لہروں کی سماجت کے لیے

پہلے مصرعے میں ٹائپو ہے، ذور بازو لکھ دیا گیا ہے۔ سماجت مفرد اتنا اچھا نہیں لگتا ۔۔۔ منت بھی تو قافیہ ہو سکتا ہے، اسی کو لے کر آئیں الفاظ کی ترتیب بدل کر۔

آئی کے عمران نے کہا:
بعد از مرگ بھی ،دشمن پہ کیا ڈر طاری
شیرِ میسور سلام آپ کی جرات کے لیے

ڈر تو طاری ہوتا ہے، کیا نہیں جاتا میرے خیال میں ۔۔۔ یہاں مجھے محاورے کی غلطی محسوس ہورہی ہے۔
اسی طرح جرأت کو سلام کرنا محاورہ سنا ہے، جرأت کے لیے سلام ہوسکتا ہے روا ہو؟

آئی کے عمران نے کہا:
وہ محبت کو مرے ردِ عمل سے پرکھے
ذکرِاغیار وہ کرتا ہے شرارت کے لیے

اگر تو اس کا مطلب یہ ہے کہ محبوب ذکرِ اغیار اس لیے کرتا ہے کہ وہ آپ کا ردعمل ملاحظہ کر سکے ۔۔۔ تو یہ مفہوم موجودہ صورت میں اچھی طرح ادا نہیں ہو رہا۔ دولختی محسوس ہوتی ہے۔

آئی کے عمران — جنوری 13، 2021 1:41 شام

محمّد احسن سمیع :راحل: نے کہا:
دوسرے مصرعے میں غیر ضروری تعقید محسوس ہوتی ہے، ’’اپنی ہمیں خدمت‘‘ کے سبب۔ کوشش کریں کہ الفاظ کی قدرتی ترتیب برقرار رہے۔
پہلے مصرعے میں ٹائپو ہے، ذور بازو لکھ دیا گیا ہے۔ سماجت مفرد اتنا اچھا نہیں لگتا ۔۔۔ منت بھی تو قافیہ ہو سکتا ہے، اسی کو لے کر آئیں الفاظ کی ترتیب بدل کر۔
ڈر تو طاری ہوتا ہے، کیا نہیں جاتا میرے خیال میں ۔۔۔ یہاں مجھے محاورے کی غلطی محسوس ہورہی ہے۔
اسی طرح جرأت کو سلام کرنا محاورہ سنا ہے، جرأت کے لیے سلام ہوسکتا ہے روا ہو؟
اگر تو اس کا مطلب یہ ہے کہ محبوب ذکرِ اغیار اس لیے کرتا ہے کہ وہ آپ کا ردعمل ملاحظہ کر سکے ۔۔۔ تو یہ مفہوم موجودہ صورت میں اچھی طرح ادا نہیں ہو رہا۔ دولختی محسوس ہوتی ہے۔

بہت بہت شکریہ بہت نوازش
تبدیلی کی کوشش کی ہے۔۔۔پھر سے دیکھیے
حسن والوں کی غلامی ہمیں خوش آتی ہے
ایسا کیجیے ہمیں رکھ لیجیے خدمت کے لیے
زورِ بازو سے نکالیں نکالیں گے بھنور سے کشتی
ہاتھ اپنے نہیں منت و سماجت کے لیے
( و کو ایک آواز لیا ہے کیا یہ درست ہو گا؟)
مطلع اور مقطع پر بھی رائے دیجیے گا۔
بہت نوازش

محمد احسن سمیع راحلؔ — جنوری 13، 2021 2:23 شام

آئی کے عمران نے کہا:
مطلع اور مقطع پر بھی رائے دیجیے گا۔
بہت نوازش

آج کل اپنی سستی اور کاہلی کے سبب جو اشعار ٹھیک لگ رہے ہوں، ان کو ’’اسکپ‘‘ کر دیتا ہوں

آئی کے عمران نے کہا:
حسن والوں کی غلامی ہمیں خوش آتی ہے
ایسا کیجیے ہمیں رکھ لیجیے خدمت کے لیے

درست

آئی کے عمران نے کہا:
زورِ بازو سے نکالیں نکالیں گے بھنور سے کشتی
ہاتھ اپنے نہیں منت و سماجت کے لیے

کس کی منت و سماجت کے لیے؟ یہ واضح نہیں ہو رہا۔ پہلے والا مصرع ٹھیک تھا، کسی طرح منت فٹ کردیں اس میں۔

آئی کے عمران نے کہا:
( و کو ایک آواز لیا ہے کیا یہ درست ہو گا؟)

ٹیکنیکلی تو شاید جائز ہو، لیکن اتنا اچھا نہیں لگتا۔
دعاگو،
راحلؔ۔

آئی کے عمران — جنوری 14، 2021 7:46 صبح

محمّد احسن سمیع :راحل: نے کہا:
آج کل اپنی سستی اور کاہلی کے سبب جو اشعار ٹھیک لگ رہے ہوں، ان کو ’’اسکپ‘‘ کر دیتا ہوں
درست
کس کی منت و سماجت کے لیے؟ یہ واضح نہیں ہو رہا۔ پہلے والا مصرع ٹھیک تھا، کسی طرح منت فٹ کردیں اس میں۔
ٹیکنیکلی تو شاید جائز ہو، لیکن اتنا اچھا نہیں لگتا۔
دعاگو،
راحلؔ۔

بہت بہت شکریہ ،بہت نوازش
اگر یوں کر لوں تو
زورِ بازو سے نکالیں گے بھنور سے کشتی
ہاتھ اپنے نہیں طوفان کی منت کے لیے

محمد احسن سمیع راحلؔ — جنوری 14، 2021 7:51 صبح

آئی کے عمران نے کہا:
اگر یوں کر لوں تو
زورِ بازو سے نکالیں گے بھنور سے کشتی
ہاتھ اپنے نہیں طوفان کی منت کے لیے

جی، ٹھیک لگ رہا ہے۔

آئی کے عمران — جنوری 16، 2021 9:53 صبح

محمّد احسن سمیع :راحل: نے کہا:
جی، ٹھیک لگ رہا ہے۔

بہت شکریہ۔۔۔۔۔۔۔۔۔
یہ ایک شعر بھی دیکھ لیں
عمر عمران گزاری ہے میں نے کانٹوں پر
پھول رکھے ہوئے تھے یاروں نے تربت کے لیے

محمد خلیل الرحمٰن — جنوری 16، 2021 11:03 صبح

آئی کے عمران نے کہا:
بہت شکریہ۔۔۔۔۔۔۔۔۔
یہ ایک شعر بھی دیکھ لیں
عمر عمران گزاری ہے میں نے کانٹوں پر
پھول رکھے ہوئے تھے یاروں نے تربت کے لیے

عمر کانٹوں پہ ہی گزری ہے ہماری عمران
پھول رکھ چھوڑے ہیں احباب نے تربت کے لیے

آئی کے عمران — جنوری 16، 2021 1:36 شام

محمد خلیل الرحمٰن نے کہا:
عمر کانٹوں پہ ہی گزری ہے ہماری عمران
پھول رکھ چھوڑے ہیں احباب نے تربت کے لیے

بہت بہت شکریہ سر بہت نوازش
آپ نے بہت خوب تبدیلی کی ہے۔
اس کو سامنے رکھتے ہوئے میں نے بھی کچھ تبدیلی کی کوشش کی ہے۔
عمر کانٹوں پہ گزرتی ہے ہماری عمران
پھول رکھے ہوئے ہیں یاروں نے تربت کے لیے
پھول رکھے ہیں پر احباب نے تربت کے لیے

آئی کے عمران — جنوری 16، 2021 1:41 شام

محمد خلیل الرحمٰن نے کہا:
عمر کانٹوں پہ ہی گزری ہے ہماری عمران
پھول رکھ چھوڑے ہیں احباب نے تربت کے لیے

بہت بہت شکریہ سر بہت نوازش
آپ نے بہت خوب تبدیلی کی ہے۔
اس کو سامنے رکھتے ہوئے میں نے بھی کچھ تبدیلی کی کوشش کی ہے۔
عمر کانٹوں پہ گزرتی ہے ہماری عمران
پھول رکھے ہوئے ہیں یاروں نے تربت کے لیے
پھول رکھے ہیں پر احباب نے تربت کے لیے