بغرضِ اصلاح

السلام علیکم۔۔۔اساتذہ سے اصلاح کی درخواست ہے
الف عین
یاسر شاہ
محمد تابش صدیقی
سید عاطف علی
ان سے شکوہ سنا نہیں جاتا
اور ہم سے رہا نہیں جاتا
چھوڑ جینے کی بات کو ہمدم!
اب تو ہم سے مرا نہیں جاتا
ہم کو صیاد نے کیا آزاد
مگر اب تو اڑا نہیں جاتا
واعظوں نے ڈرا دیا اتنا
مجھ سے بادہ پیا نہیں جاتا
سارباں کون ہے، کہ قافلے سے
ایک پل کو رکا نہیں جاتا
فکر میری وہاں بھی جاتی ہے
کہ جہاں تک ہما نہیں جاتا
شکریہ۔۔

سارباں کون ہے، کہ قافلے سے
ایک پل کو رکا نہیں جاتا
قافلے سے رکا نہیں جاتا؟ سمجھ نہیں سکا
باقی اشعار درست ہیں

الف عین صاحب۔۔۔۔اس سے میری مراد یہ کہ قافلۂ عشق رکتا نہیں۔۔۔جیسے وہ فراق کا شعر
آج بھی قافلۂ عشق رواں ہے کہ جو تھا

منذر رضا نے کہا:

الف عین صاحب۔۔۔۔اس سے میری مراد یہ کہ قافلۂ عشق رکتا نہیں۔۔۔جیسے وہ فراق کا شعر
آج بھی قافلۂ عشق رواں ہے کہ جو تھا

مزید نمائش کے لیے کلک کریں۔۔۔

وہ تو درست ہے لیکن قافلے سے اور رکا نہیں جاتا سے یہ مفہوم نہیں نکلتا