بے وفائی تری اور تیرے ستم

ارشد چوہدری — مئی 20، 2023 3:32 صبح

--حذف کردہ--
---------
بے وفائی تری اور تیرے ستم
دل سے اپنے کبھی بھول پائے نہ ہم
----------
تم رقیبوں سے میرے جو ملنے لگے
دل دکھایا ہے میرا یوں میرے صنم
---------
بعد مدّت کے دیکھا تجھے دور سے
سمت تیری لگے میرے اٹھنے قدم
-------
تجھ سے شکوہ رہا یہ ہمیشہ مجھے
آ کے سنتا مری داستانِالم
---------
تیری نظروں میں آیا بلاوا نظر
خود کو جانے سے پھر روک پائے نہ ہم
----------
اس نے غیروں کی خاطر بھلایا مجھے
داستانِ محبّت ہوئی یوں ختم
-------
یہ دعا ہے مری تجھ سے میرے خدا
میرا دنیا میں رکھنا ہمیشہ بھرم
---------
راستہ رب کا ارشد سے چھوٹا نہیں
اس پہ اس کے خدا کا رہا یہ کرم
------------

شکیل احمد خان23 — مئی 20، 2023 5:37 صبح

بے وفائی تری اور تیرے ستم
دل سے اپنے کبھی بھول پائے نہ ہم۔۔۔۔۔۔۔۔۔۔دل سے :اضافی لگ رہا ہے کیونکہ بات یوں بھی مکمل ہے کہ ہم کبھی نہ بھول پائے
اگر اس بات کو دل سے جوڑنا ہے تو پھر یوں ہوسکتا ہے:
بے وفائی تری اور تیرے ستم
۔۔۔۔۔دل سے اپنے بھلادیں انھیں کیسے ہم۔۔۔۔۔۔۔۔۔۔اور یقیناً یہ بھلادینا غم غلط کر نے کے معنوں میں ہی ہوگا
تم رقیبوں سے میرے جو ملنے لگے۔۔۔۔۔۔۔۔۔۔۔۔یہاں لفظ میرے بیجا ہے:تم رقیبوں سے ہنس کر جو ۔ملنے لگے
دل دکھایا ہے میرا یوں میرے صنم۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔دل دکھایا ہے میرا یوں تم نے صنم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تم رقیبوں سے ہنس ہنس کے ملنے لگے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔دل یوں توڑا ہے تم نے ہمارا صنم
بعد مدّت کے دیکھا تجھے دور سے۔۔۔۔۔۔۔اِک جھلک دیکھتے ہی تجھے دُور سے(اساتذہ کرام تصحیح فرمائیں اک جھلک دیکھتے ہی تری یااک جھلک دیکھتے ہی تجھے )
سمت تیری لگے میرے اٹھنے قدم۔۔۔۔۔تیری جانب لگے اٹھنے میرے قدم/تیری جانب لگے بڑھنے میرے قدم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اِک جھلک دیکھتے ہی تجھے دُور سے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تیری جانب لگے بڑھنے میرے قدم
تجھ سے شکوہ رہا یہ ہمیشہ مجھے
آ کے سنتا مری داستانِ الم۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کاش سنتا مری داستانِ الم/تو بھی سنتا مری داستانِ الم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تجھ سے شکوہ رہا یہ ہمیشہ مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تو بھی سنتا مری داستانِ الم
تیری نظروں میں آیا بلاوا نظر۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔یہ مصرع عجیب ہے۔۔۔۔تیری نظر وں میں نہیں نظر وں سے آیا بلاوا ہونا چاہیے،
خود کو جانے سے پھر روک پائے نہ ہم۔۔۔۔۔۔۔۔۔۔خود کو جانے نہیں بلکہ آنے سے پھر روک پائے نہ ہم۔۔۔۔۔۔۔۔۔مگر یہاں پھر، روک میں تنافر کا عیب ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تیری نظروں سے آیا بلاوا ہمیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔پھر تو آنے سے ہرگز نہ رُک پائے ہم
اس نے غیروں کی خاطر بھلایا مجھے
داستانِ محبّت ہوئی یوں ختم۔۔۔۔۔۔۔۔۔۔۔۔۔۔۔۔ختم کا صحیح تلفظ تو ت پر جزم ہے آپ نے ت کو مفتوح کردیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تو نے غیروں کی خاطر بھلایا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ختم ہے داستانِ محبت یہ ختم
یہ دعا ہے مری تجھ سے میرے خدا
میرا دنیا میں رکھنا ہمیشہ بھرم۔۔۔۔۔۔۔۔۔۔۔۔۔۔۔۔۔۔تو ہی میرا زمانے میں رکھنا بھرم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔یہ دعا ہے مری تجھ سےمیرے خدا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تو ہی میرا زمانے میں رکھنا بھرم
راستہ رب کا ارشد سے چھوٹا نہیں۔۔۔۔۔۔۔۔۔۔۔۔۔۔راستہ حق کا۔۔۔۔۔۔۔۔۔۔الخ
اس پہ اس کے خدا کا رہا یہ کرم۔۔۔۔۔۔۔۔۔۔۔۔۔۔۔ہے خدا کا ہی بیشک یہ فضل و کرم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔راستہ حق کا ارؔشد سے چھُوٹا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اُس خُدا کا ہے بیشک یہ فضل و کرم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔واللہ اعلم بالصواب
شکیل احمد خان
از کراچی۔

عظیم — مئی 20، 2023 10:17 صبح

شکیل صاحب کی اصلاح خوب ہے
میں بس اس شعر کو قابل قبول سمجھ رہا ہوں
تیری نظروں میں آیا بلاوا نظر
خود کو جانے سے پھر روک پائے نہ ہم
----------

محمد احسن سمیع راحلؔ — مئی 20، 2023 10:41 صبح

شکیل احمد خان23 نے کہا:
دل سے اپنے کبھی بھول پائے نہ ہم۔۔۔۔۔۔۔۔۔۔دل سے :اضافی لگ رہا ہے

یہ بیان یوں بھی بھی غلط ہے کہ دل سے بھُلایا جاتا ہے.

ارشد چوہدری — مئی 21، 2023 3:23 صبح

الف عین
عظیم
شکیل احمد خان23
-----------
اصلاح
-------------
بے وفائی تری اور تیرے ستم
زندگی بھر انہیں بھول پائے نہ ہم
---------
تم رقیبوں سے ہنس کر جو ملنے لگے
دل دکھایا ہے میرا یوں تم نے صنم
--------
اک جھلک دیکھتے ہی تری دور سے
تیری جانب لگے میرے اٹھنے قدم
--------
تجھ سے شکوہ رہا یہ ہمیشہ مجھے
تو بھی سنتا مری داستانِ الم
------------
تیری نظروں میں آیا بلاوا نظر
خود کو جانے سے پھر روک پائے نہ ہم
------------
تُو نے غیروں کی خاطر بھلایا مجھے
یہ محبّت پہ تیرا ہے ظلم و ستم
----------
بعد سالوں کے جب یاد آئی تری
پھر سے ہونے لگیں میری آنکھیں ہیں نم
----------
۔راستہ حق کا ارؔشد سے چھُوٹا نہیں
۔اُس خُدا کا ہے بیشک یہ فضل و کرم
-----------

عظیم — مئی 21، 2023 7:56 صبح

ارشد چوہدری نے کہا:
تم رقیبوں سے ہنس کر جو ملنے لگے
دل دکھایا ہے میرا یوں تم نے صنم
--------

'میرا یوں' میں الفاظ آگے پیچھے کر کے دیکھیں، مجھے 'یوں میرا' بہتر لگ رہا ہے

ارشد چوہدری نے کہا:
اک جھلک دیکھتے ہی تری دور سے
تیری جانب لگے میرے اٹھنے قدم

اس کے بھی دوسرے مصرع میں الفاظ کی نشست اچھی نہیں لگ رہی۔ تیری جانب ہی اٹھنے لگے تھے.…. بھی ایک آپشن ہے

ارشد چوہدری نے کہا:
تجھ سے شکوہ رہا یہ ہمیشہ مجھے
تو بھی سنتا مری داستانِ الم
------------

آکے سنتا مری داستان الم
بہتر تھا

ارشد چوہدری نے کہا:
تُو نے غیروں کی خاطر بھلایا مجھے
یہ محبّت پہ تیرا ہے ظلم و ستم
----------

تیرا تھا کا محل معلوم ہوتا ہے، مگر محبت پر کیسا ظلم و ستم؟ جس کو بھلایا گیا ہے اس پر ہونا چاہیے

ارشد چوہدری نے کہا:
بعد سالوں کے جب یاد آئی تری
پھر سے ہونے لگیں میری آنکھیں ہیں نم
----------

'آنکھیں ہیں' میں 'ہیں' کی نشست اچھی نہیں ہے، ترتیب بدل کر کہیں

نبیل — مئی 21، 2023 11:54 صبح

ارشد چوہدری ، میری گزارش ہے کہ آئندہ تھریڈ ٹیگز میں یا پوسٹ میں کسی فورم ممبر کا نام استعمال نہیں کریں۔

محمد عبدالرؤوف — مئی 21، 2023 2:49 شام

نبیل نے کہا:
ارشد چوہدری ، میری گزارش ہے کہ آئندہ تھریڈ ٹیگز میں یا پوسٹ میں کسی فورم ممبر کا نام استعمال نہیں کریں۔

اگر پوسٹ میں بھی نہ ٹیگ کیا جائے تو اساتذہ کو اطلاع کیسے ملے گی؟

نبیل — مئی 21، 2023 3:00 شام

محمد عبدالرؤوف نے کہا:
اگر پوسٹ میں بھی نہ ٹیگ کیا جائے تو اساتذہ کو اطلاع کیسے ملے گی؟

اصلاح سخن فورم میں پوسٹ کرنا کافی ہے۔ جن استاد کو وقت ملے گا وہ توجہ کر لیں گے۔ ہر پوسٹ میں ہر ایک کو ٹیگ کرنے کی ضرورت نہیں ہے۔ دوسرے تھریڈ ٹیگز میں ارکان فورم کا نام شامل کرنا بھی غلط ہے۔

محمد عبدالرؤوف — مئی 21، 2023 3:20 شام

نبیل نے کہا:
تھریڈ ٹیگز میں ارکان فورم کا نام شامل کرنا بھی غلط ہے۔

یہ بات تو بہرحال آپ کی درست ہے۔
لیکن دوسری بات پر استاد صاحب کو کہتے دیکھا ہے کہ بھئی مجھے ٹیگ کیا کرو تاکہ اطلاع مل سکے

ارشد چوہدری — مئی 21، 2023 3:22 شام

نبیل بھائی سب لکھنے والے اسی طرح ٹیگ کرتے ہیں ۔جن کی اصلاح لینا چاہوں تو ان کو اطلاع کیسے ملے گی

نبیل — مئی 21، 2023 3:38 شام

ارشد چوہدری نے کہا:
نبیل بھائی سب لکھنے والے اسی طرح ٹیگ کرتے ہیں ۔جن کی اصلاح لینا چاہوں تو ان کو اطلاع کیسے ملے گی

برادرم ارشد چوہدری آپ کے مراسلات فورم پر نظر آتے ہیں اور اساتذہ کی نظروں سے ضرور گزرتے ہیں اور وہ معمول کے مطابق اصلاح بھی کرتے رہیں گے۔

الف عین — مئی 21، 2023 8:23 شام

واقعی میں اکثر صرف ٹیگ شدہ دھاگوں میں ہی 'کلک رنجہ' کرتا ہوں! آج کل تو شکیل و عظیم نے اسے بطریق احسن سنبھال لیا ہے تو کبھی کبھی سرسری ہی گزر جاتا ہوں۔ البتہ بھائی ارشد چوہدری تھریڈ کے عنوان میں جو ٹیگ کرتے ہیں، وہ محض تلاش کی آسانی کے لئے ہوتا ہے، مراسلے کی body میں ٹیگ سے مطلوبہ شخص کو اطلاع ملتی ہے

الف عین — مئی 21، 2023 8:26 شام

شکیل احمد خان23 نے کہا:
اس نے غیروں کی خاطر بھلایا مجھے
داستانِ محبّت ہوئی یوں ختم۔۔۔۔۔۔۔۔۔۔۔۔۔۔۔۔ختم کا صحیح تلفظ تو ت پر جزم ہے آپ نے ت کو مفتوح کردیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تو نے غیروں کی خاطر بھلایا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ختم ہے داستانِ محبت یہ ختم

ختم کے تلفظ پر درست بات کہی لیکن اصلاح شدہ شعر تو بحر سے ہی خارج ہو گیا کہ ختم کی ت مکمل حذف ہو گئی ہے، محض 'خم' تقطیع ہو رہا ہے۔ باقی اصلاح درست ہیں لیکن عظیم کا مشورہ بہتر ہے

نبیل — مئی 21، 2023 9:33 شام

ارشد چوہدری نے کہا:
نبیل بھائی سب لکھنے والے اسی طرح ٹیگ کرتے ہیں ۔جن کی اصلاح لینا چاہوں تو ان کو اطلاع کیسے ملے گی

اعجاز اختر صاحب کے کہنے کے مطابق وہ ٹیگ کرنے پر متوجہ ہوتے ہیں۔

آپ بے شک پوسٹ میں ٹیگ کر دیا کریں لیکن پلیز تھریڈ ٹیگز میں ارکان فورم کا نام شامل نہیں کریں۔ یہ غیر ضروری ہے۔

شکیل احمد خان23 — مئی 22، 2023 6:49 صبح

مکمل غزل کی ممکنہ صورت :
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔غزل
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔بے وفائی تری اور تیرے سِتم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔زندگی بھر اِنھیں بھول پائے نہ ہم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تم رقیبوں سے ہنس کر ہو۔ ملنے لگے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔یہ نہ ہو یاں کسی کا نکل جائے دم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اِک جھلک میں تری دیکھ کر دُور سے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ہو کے بے خود چلا تیری جانب صنم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تجھ ۔سے ۔شکوہ رہا ۔یہ ۔ہمیشہ۔ مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔آکے ۔سنتا ۔مری۔۔۔ داستانِ الم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تیری ۔نظروں ۔میں۔ آیا ۔بلاوا ۔نظر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کچے دھاگے سے کھچ کر چلے آئے ہم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔تو نے ٹھکرایا غیروں کی خاطر مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ہائے یہ کیا کیا میرے بھولے صنم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔موسمِ گُل میں جب یاد آئی تری
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔میری آنکھوں سے چھلکا مرے دل کا غم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔راستہ حق کا ارؔشدسے چھُوٹا نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اُس خُدا کا ہے بے شک یہ فضل و کرم