بے پروں کی اڑانے والے لوگ--برائے اصلاح

Arshad khan — اپریل 13، 2016 5:03 شام

بے پروں کی اڑانے والے لوگ
ہیں بھروسہ اٹھانے والے لوگ
زخم اپنے چھپائے پهرتے ہیں
یہ سدا مسکرانے والے لوگ
ﺻﺮﻑ ﺻﺤﺮﺍﺅﮞ ﮨﯽ ﻣﯿﮟ ﻣﻠﺘﮯ ﮨﯿﮟ
تیری محفل سے جانے والے لوگ
سچ کہوں تو بهلے نہیں لگتے
اپنا احساں جتانے والے لوگ
جانے کب آسماں سے اترے ہیں
تم پہ انگلی اٹھانے والے لوگ
کس قدر خوش نصیب ہوتے ہیں
شبِ فرقت نہ پانے والے لوگ
اپنے گهر کے ہی آدمی نکلے
میرے گهر کو جلانے والے لوگ
ارشد خان خٹک ؔ

ہادیہ — اپریل 13، 2016 6:01 شام

Arshad khan نے کہا:
زخم گہرے ہیں پر منافق ہیں
یہ سدا مسکرانے والے لوگ

Arshad khan نے کہا:
اپنے گهر کے ہی آدمی نکلے
میرے گهر کو جلانے والے لوگ

یہ دونوں اشعار بہت زبردست

Arshad khan — اپریل 13، 2016 6:05 شام

بہت شکریہ ہادیہ

الف عین — اپریل 13، 2016 6:15 شام

زخم گہرے ہیں پر منافق ہیں
یہ سدا مسکرانے والے لوگ
۔۔واضح نہیں۔
دشت کی اور ہی نکلتے ہیں
تیری محفل سے جانے والے لوگ
۔۔دشت کے ساتھ ہندی کا ’اور‘ اچھا نہیں لگتا۔ اس کے علاوہ ’نکلتے‘ ہیں بھی واضح نہیں کرتا شعر۔
یوں کہو ۔۔
دشت کی سمت جا نکلتے ہیں
یا
صرف صحراؤں ہی میں ملتے ہیں
سچ کہوں تو بهلے نہیں لگتے
اپنا احساں جتانے والے لوگ
۔۔کوئی خاص بات نہیں۔
جانے کب آسماں سے اترے ہیں
تم پہ انگلی اٹھانے والے لوگ
۔۔واضح یہ بھی نہیں۔
باقی درست ہیں

Arshad khan — اپریل 13، 2016 6:29 شام

الف عین نے کہا:
زخم گہرے ہیں پر منافق ہیں
یہ سدا مسکرانے والے لوگ
۔۔واضح نہیں۔
دشت کی اور ہی نکلتے ہیں
تیری محفل سے جانے والے لوگ
۔۔دشت کے ساتھ ہندی کا ’اور‘ اچھا نہیں لگتا۔ اس کے علاوہ ’نکلتے‘ ہیں بھی واضح نہیں کرتا شعر۔
یوں کہو ۔۔
دشت کی سمت جا نکلتے ہیں
یا
صرف صحراؤں ہی میں ملتے ہیں
سچ کہوں تو بهلے نہیں لگتے
اپنا احساں جتانے والے لوگ
۔۔کوئی خاص بات نہیں۔
جانے کب آسماں سے اترے ہیں
تم پہ انگلی اٹھانے والے لوگ
۔۔واضح یہ بھی نہیں۔
باقی درست ہیں

بہت بہت شکریہ استادِ محترم آپ کی قیمتی رائے کا
اگر دوسرا شعر یوں ہو جائے
زخم اپنے چپهاتے پهرتے ہیں
یا
زخم گہرے ہیں پر چپهاتے ہیں
یہ سدا مسکرانے والے لوگ
باقی اشعار بهی دیکھتا ہوں

الف عین — اپریل 14، 2016 5:30 صبح

زخم اپنے چھپائے پھرتے ہیں
سب سے بہتر مصرع ہو گا۔ایک بات اور کہہ ہی دوں، یہ ایک عام سا مشاہدہ ہے املا کی رو سے۔
بھ۔ پھ، تھ، ٹھ، جھ، دھ، ڈھ وغیرہ ہندی کے حروف ہیں، اور اردو میں مرکب حروف کے طور پر استعمال کئے جاتے ہیں۔ لیکن نہ جانے کیوں ان کو لکھتے وقت ’ھ‘ پہلے لگا دی جاتی ہے۔ تم نے بھی دو جگہ چ ھ پ ا کو چ پ ھ ا لکھا ہے۔ محفل میں ہی نہیں، ان پیج یا یونی کوڈ فائلوں میں بھی یہی غلطی اکثر نظر آتی ہے۔

Arshad khan — اپریل 14، 2016 8:34 صبح

الف عین نے کہا:
زخم اپنے چھپائے پھرتے ہیں
سب سے بہتر مصرع ہو گا۔ایک بات اور کہہ ہی دوں، یہ ایک عام سا مشاہدہ ہے املا کی رو سے۔
بھ۔ پھ، تھ، ٹھ، جھ، دھ، ڈھ وغیرہ ہندی کے حروف ہیں، اور اردو میں مرکب حروف کے طور پر استعمال کئے جاتے ہیں۔ لیکن نہ جانے کیوں ان کو لکھتے وقت ’ھ‘ پہلے لگا دی جاتی ہے۔ تم نے بھی دو جگہ چ ھ پ ا کو چ پ ھ ا لکھا ہے۔ محفل میں ہی نہیں، ان پیج یا یونی کوڈ فائلوں میں بھی یہی غلطی اکثر نظر آتی ہے۔

شکریہ استادِ محترم آئندہ اس غلطی کا خیال رکھو گا

الف عین — اپریل 14، 2016 4:57 شام

ایک اور خیال یہ رکھیں کہ ترمیم پہلی پُوسٹ میں ہی نہ کر دیں۔ اصلاح کے بعد ایک نئے مراسلے میں پوسٹ کریں۔

Arshad khan — اپریل 14، 2016 5:40 شام

شکریہ استادِ محترم آئندہ خیال رکھوں گا