تازہ غزل بغرضِ اصلاح و تنقید۔۔۔رہا دربدر پھرا کُو بکُو۔۔۔محمد ذیشان نصر

متلاشی — دسمبر 22، 2012 3:25 شام

السلام علیکم !

ایک تازہ غزل آج ہی وارد ہوئی ہے سو ہدیہ قارئین ہے ۔۔۔۔!

رہا دربدر پھر ا کُو بکُو

رہی عمر بھر یہی آرزو

ملے مجھ کو بھی کوئی ہم نفس

کوئی مہ جبیں کوئی خوبرو

ملاہم سفر، مجھے جب نصرؔ

ہوئی ختم پھر مری جستجو

نہ میں کہہ سکا مرا حالِ دل

نہ ہی ہو سکی کوئی گفتگو

نہ ہی چھُپ سکا کبھی ان سے میں

نہ ہی ہو سکا کبھی رُوبَرُو

مری تشنگی رہی عمر بھر

نہ میں ہو سکا کبھی سَرخرو

ہوئی ختم یوں مری داستاں

نہ میں وہ رَہا نہ وہ ماہ رُو

محمد ذیشان نصر

22 دسمبر 2012

محمد اظہر نذیر — دسمبر 22، 2012 4:16 شام

رہا دربدر پھر ا کُو بکُو
رہی عمر بھر یہی آرزو
دونو مصرع الگ الگ لگتے ہیں، در بدر کیوں پھرے، کو بکو اس کی وضاحت؟
کیا دربدر پھرنے کی آرزو تھی؟
اُستاد محترم کا انتظار کر لیجیے

متلاشی — دسمبر 22، 2012 6:35 شام

جی استاذ محترم الف عین صاحب کا انتظار ہے ۔۔۔!

شہزاد احمد — دسمبر 22، 2012 6:43 شام

مجھے اس پوری غزل میں پہلا مصرع بہت خوب صورت لگا ۔۔۔ باقی کا کام اساتذہ کا ۔۔۔

الف عین — دسمبر 23، 2012 5:54 صبح

اظہر کے بیان کردہ مطلع کے علاوہ یہ اشعار بھی دو لخت لگ رہے ہیں۔
نہ ہی چھُپ سکا کبھی ان سے میں
نہ ہی ہو سکا کبھی رُوبَرُو
مری تشنگی رہی عمر بھر
نہ میں ہو سکا کبھی سَرخرو
ہوئی ختم یوں مری داستاں
نہ میں وہ رَہا نہ وہ ماہ رُو

اس کے علاوہ ‘ نہ ہی ہو سکا‘ بھی صوتی طور سے اچھا نہیں۔

متلاشی — دسمبر 23، 2012 7:52 صبح

الف عین نے کہا:
اظہر کے بیان کردہ مطلع کے علاوہ یہ اشعار بھی دو لخت لگ رہے ہیں۔
نہ ہی چھُپ سکا کبھی ان سے میں
نہ ہی ہو سکا کبھی رُوبَرُو
مری تشنگی رہی عمر بھر
نہ میں ہو سکا کبھی سَرخرو
ہوئی ختم یوں مری داستاں
نہ میں وہ رَہا نہ وہ ماہ رُو

اس کے علاوہ ‘ نہ ہی ہو سکا‘ بھی صوتی طور سے اچھا نہیں۔

شکریہ استاذ گرامی کچھ تبدیلیوں کے بعد دوبارہ حاضرہوتا ہوں ۔۔!

متلاشی — دسمبر 23، 2012 7:53 صبح

شہزاد احمد نے کہا:
مجھے اس پوری غزل میں پہلا مصرع بہت خوب صورت لگا ۔۔۔ باقی کا کام اساتذہ کا ۔۔۔

شہزاد بھائی پسندیدگی کے لئے بہت بہت شکریہ۔۔۔!