تیرا عکس ہے لیکن ہم دکھائی دیتے ہیں

نوید ناظم — ستمبر 29، 2018 8:05 شام

روشنی میں اندھیرے ضم دکھائی دیتے ہیں
اب چراغ جلتے بھی کم دکھائی دیتے ہیں
دوست! یہ بھی ممکن ہے ان کے دل میں صحرا ہوں
وہ تجھے جو باہر سے نم دکھائی دیتے ہیں
کیا ہنر ہے آئینہ ساز، داد بنتی ہے!
تیرا عکس ہے لیکن ہم دکھائی دیتے ہیں
دل! مجھے تو لگتا ہے یہ شکنجہ ہے ان کا
یہ جو ان کی زلفوں میں خم دکھائی دیتے ہیں
یاد کے دریچے میں جب بھی جھانکتا ہوں میں
ہر طرف مجھے اس میں غم دکھائی دیتے ہیں
میرا دل لپٹ جاتا ہے انہی کے قدموں سے
وہ جہاں بھی، جب بھی، جس دم دکھائی دیتے ہیں
جو نہیں ہوئے تیرے خیر ہے نوید اس میں
شکر کر کہ وہ کم از کم دکھائی دیتے ہیں

نوید ناظم — ستمبر 29، 2018 8:07 شام

محترم سر الف عین

محمد ریحان قریشی — ستمبر 29، 2018 8:22 شام

بہترین کاوش ہے نوید بھائی۔ چند گزارشات عرض ہیں:

نوید ناظم نے کہا:
اندھیرے

اندھیرے کو نون معلنہ کے ساتھ باندھنا درست نہیں۔

نوید ناظم نے کہا:
کیا ہنر ہے آئینہ ساز، داد بنتی ہے!

نوید ناظم نے کہا:
وہ جہاں بھی، جب بھی، جس دم دکھائی دیتے ہیں

نوید ناظم نے کہا:
شکر کر کہ وہ کم از کم دکھائی دیتے ہیں

یہ بحر دو ٹکڑوں میں منقسم ہے۔ ان مصارع میں جہاں بحر کا پہلا ٹکڑا اختتام پذیر ہوتا ہے وہاں بات نامکمل رہ جاتی ہے؛ یہ مستحسن نہیں۔

الف عین — ستمبر 30، 2018 3:52 صبح

محمد ریحان قریشی نے کہا:
بہترین کاوش ہے نوید بھائی۔ چند گزارشات عرض ہیں:
اندھیرے کو نون معلنہ کے ساتھ باندھنا درست نہیں۔
یہ بحر دو ٹکڑوں میں منقسم ہے۔ ان مصارع میں جہاں بحر کا پہلا ٹکڑا اختتام پذیر ہوتا ہے وہاں بات نامکمل رہ جاتی ہے؛ یہ مستحسن نہیں۔

بالکل یہی باتیں میں بھی کہنا چاہ رہا تھا

نوید ناظم — اکتوبر 2، 2018 6:53 صبح

محمد ریحان قریشی نے کہا:
بہترین کاوش ہے نوید بھائی۔ چند گزارشات عرض ہیں:
اندھیرے کو نون معلنہ کے ساتھ باندھنا درست نہیں۔
یہ بحر دو ٹکڑوں میں منقسم ہے۔ ان مصارع میں جہاں بحر کا پہلا ٹکڑا اختتام پذیر ہوتا ہے وہاں بات نامکمل رہ جاتی ہے؛ یہ مستحسن نہیں۔

بہت شکریہ ریحان بھائی، مجھے اس بارے میں شک تھا،پھر عروض ڈاٹ کام پر اس کو ڈال کر دیکھا تو وہاں یہ تھا کہ یہ دونوں طرح سے درست ہے بطور فعولن اور بطور مفعولن، اس کا مطلب وہاں پر غلط ہے اور اسے مفعولن کے طور پر نہیں باندھا جا سکتا؟

نوید ناظم — اکتوبر 14، 2018 6:19 شام

محمد ریحان قریشی نے کہا:
بہترین کاوش ہے نوید بھائی۔ چند گزارشات عرض ہیں:
اندھیرے کو نون معلنہ کے ساتھ باندھنا درست نہیں۔
مطلع ایسے کیا ہے اب ریحان بھائی۔۔۔
ان میں خود اندھیرے بھی ضم دکھائی دیتے ہیں
اب دیے جلاؤ تو کم دکھائی دیتے ہیں
یہ بحر دو ٹکڑوں میں منقسم ہے۔ ان مصارع میں جہاں بحر کا پہلا ٹکڑا اختتام پذیر ہوتا ہے وہاں بات نامکمل رہ جاتی ہے؛ یہ مستحسن نہیں۔

اندھیرے کو نون معلنہ کے ساتھ باندھنا درست نہیں۔
مطلع ایسے کیا ہے اب ریحان بھائی۔۔۔
ان میں خود اندھیرے بھی ضم دکھائی دیتے ہیں
اب دیے جلاؤ تو کم دکھائی دیتے ہیں
جن مصرعوں کی آپ نے نشاندہی فرمائی انھیں تبدیل کیا ہے آپ دیکھیے گا انھیں۔۔۔۔
یہ ہے آئنہ سازی، کیا ہنر ہے اس میں واہ!
تیرا عکس ہے لیکن ہم دکھائی دیتے ہیں
باقی دو اشعار نکال دیے۔

نوید ناظم — اکتوبر 14، 2018 6:20 شام

نوید ناظم نے کہا:
بہت شکریہ ریحان بھائی، مجھے اس بارے میں شک تھا،پھر عروض ڈاٹ کام پر اس کو ڈال کر دیکھا تو وہاں یہ تھا کہ یہ دونوں طرح سے درست ہے بطور فعولن اور بطور مفعولن، اس کا مطلب وہاں پر غلط ہے اور اسے مفعولن کے طور پر نہیں باندھا جا سکتا؟

اس پر الف عین اور ریحان بھائی کی طرف سے رہنمائی کا انتظار ہے

الف عین — اکتوبر 15، 2018 11:22 صبح

بہت خوب ہو گئے ہیں اشعار